完整藏文原文 · 德格版页 当前仅加载第 75 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལྟ་བུ་དང་། ས་མཁན་འགྲོན་པོའི་ཚོགས་ཀྱིས་བསྐོར་བ་ལྟ་བུ་དང་། དེད་དཔོན་ཚོང་པའི་ཚོགས་ཀྱིས་བསྐོར་བ་ལྟ་བུ་དང་། ཚོང་དཔོན་གྲོང་ཁྱེར་གྱི་མིས་བསྐོར་བ་ལྟ་བུ་དང་། རྒྱལ་ཕྲན་བློན་པོའི་ཚོགས་ཀྱིས་བསྐོར་བ་ལྟ་བུ་དང་། འཁོར་ལོས་སྒྱུར་བའི་རྒྱལ་པོ་
D343.075.0057b01.01བུ་སྟོང་གི་ཚོགས་ཀྱིས་བསྐོར་བ་ལྟ་བུ་དང་། ཟླ་བ་རྒྱུ་སྐར་གྱི་ཚོགས་ཀྱིས་བསྐོར་བ་ལྟ་བུ་དང་། ཉི་མ་འོད་ཟེར་སྟོང་གི་ཚོགས་ཀྱིས་བསྐོར་བ་ལྟ་བུ་དང་། ཡུལ་འཁོར་སྲུང་དྲི་ཟའི་ཚོགས་ཀྱིས་བསྐོར་བ་ལྟ་བུ་དང་། འཕགས་སྐྱེས་པོ་གྲུལ་བུམ་གྱི་ཚོགས་ཀྱིས་
D343.075.0057b02.01བསྐོར་བ་ལྟ་བུ་དང་། མིག་མི་བཟང་ཀླུའི་ཚོགས་ཀྱིས་བསྐོར་བ་ལྟ་བུ་དང་། ནོར་སྦྱིན་གནོད་སྦྱིན་གྱི་ཚོགས་ཀྱིས་བསྐོར་བ་ལྟ་བུ་དང་། ཐགས་ཟངས་རིས་ལྷ་མ་ཡིན་གྱི་ཚོགས་ཀྱིས་བསྐོར་བ་ལྟ་བུ་དང་། བརྒྱ་བྱིན་སུམ་ཅུ་རྩ་གསུམ་པའི་ལྷའི་ཚོགས་ཀྱིས་བསྐོར་བ་
D343.075.0057b03.01ལྟ་བུ་དང་། ཚངས་པ་ཚངས་རིས་ཀྱིས་བསྐོར་བ་ལྟ་བུ་དང་། རྒྱ་མཚོ་ལྟར་ལྟེམ་མེ་འདུག་པ་དང་། སྤྲིན་བརླན་དང་ལྡན་པ་ལྟ་བུ་དང་། གླང་པོ་ཆེའི་རྒྱལ་པོ་རྒྱགས་པ་མེད་པ་ལྟ་བུར་དབང་པོ་ཤིན་ཏུ་དང་བ་དང་། སྤྱོད་ལམ་གྱི་ཚུལ་མ་འཆལ་བ་དང་། སངས་རྒྱས་ཀྱི་
D343.075.0057b04.01ཆོས་མ་འདྲེས་པ་དུ་མས་བརྒྱན་པའི་བཅོམ་ལྡན་འདས་གྲོང་ཁྱེར་དེར་གཤེགས་ཏེ། གང་གི་ཚེ་བཅོམ་ལྡན་འདས་ཀྱི་ཞབས་སྒོའི་ཐེམ་པ་ལ་བཞག་པ་དེའི་ཚེ་ས་ཆེན་པོ་འདི་རྣམ་པ་དྲུག་དུ་གཡོས་ཏེ་བཅོམ་ལྡན་འདས་གྲོང་ཁྱེར་དུ་གཤེགས་པའི་ཚེ་རྨད་དུ་བྱུང་བ་དེ་ལྟ་བུ་དག་བྱུང་
D343.075.0057b05.01ངོ་། །གཞན་ཡང་འདི་ལྟ་སྟེ་སྒོ་དོག་པ་རྣམས་ནི་ཡངས་པར་གྱུར་ཏོ། །དམའ་བ་རྣམས་ནི་མཐོན་པོར་གྱུར་ཏོ། །གླང་པོ་ཆེ་རྣམས་ཀྱང་སྐད་འབྱིན་ཏོ། །རྟ་རྣམས་ཀྱང་སྐད་འབྱིན་ཏོ། །ཁྱུ་མཆོག་རྣམས་ཀྱང་སྐད་འབྱིན་ཏོ། །རོལ་མོའི་ཆ་བྱད་རྣམ་པ་སྣ་ཚོགས་ཁྱིམ་
D343.075.0057b06.01ཁྱིམ་ན་འདུག་པ་རྣམས་ཀྱང་རང་སྒྲ་འབྱིན་ཏོ། །ལོང་བ་རྣམས་ཀྱང་མིག་གིས་མཐོང་བར་གྱུར་ཏོ། །འོན་པ་རྣམས་ཀྱང་རྣ་བས་ཐོས་པར་གྱུར་ཏོ། །ལྐུགས་པ་རྣམས་ཀྱང་སྨྲ་ཤེས་པར་གྱུར་ཏོ། །དབང་པོ་ལྷག་མ་མ་ཚང་བ་རྣམས་ཀྱང་དབང་པོ་ཚང་བ་ཐོབ་པར་གྱུར་
D343.075.0057b07.01