完整藏文原文 · 德格版页 当前仅加载第 75 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་དེ། ཉེ་དུ་རྣམས་ན་རེ་ཁྱེའུ་འདི་མཛའ་བོའི་བུ་ཡིན་ལ་བུ་མོའང་ཡིན་པས་ན། དེའི་ཕྱིར་ཁྱེའུ་འདིའི་མིང་ནི་མཛའ་བོའི་བུ་མོ་ཞེས་བྱའོ་ཞེས་ཟེར་རོ། །དེ་ནས་ཁྱེའུ་མཛའ་བོའི་བུ་མོ་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཁྲུ་བའི་མ་མ་
D343.075.0099b01.01གཉིས་དང་། རྩེ་བའི་མ་མ་གཉིས་ཏེ་མ་མ་བརྒྱད་ལ་གཏད་ནས། མ་མ་བརྒྱད་ཀྱིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་ཉིང་ཁུ་དང་གཞན་ཡང་ཡོ་བྱད་ཀྱི་ཁྱད་པར་བཟང་ངོ་ཅོག་གིས་བསྐྱེད་བསྲིངས་ཏེ། མཚོའི་ནང་གི་པད་མ་བཞིན་དུ་སྐྱེ་དྲག་པར་གྱུར་
D343.075.0099b02.01ཏོ། །དེའི་ཕ་ནི་རྒྱ་མཚོ་ཆེན་པོར་སོང་ནས་དེ་ཉིད་དུ་ཤིའོ། །དེ་ནས་གང་གི་ཚེ་མཛའ་བོའི་བུ་མོ་ཆེར་སྐྱེས་པ་དེའི་ཚེ་མ་ལ་སྨྲས་པ། ཡུམ་བདག་གི་ཕ་སྔོན་ལས་ཇི་ལྟ་བུ་ཞིག་གིས་འཚོ་བར་གྱུར། བདག་གིས་ཀྱང་དེའི་རྗེས་སུ་དེ་དང་འདྲ་བར་བགྱི་འཚལ་ལོ། །དེ་ནས་མས་བསམས་
D343.075.0099b03.01པ། གལ་ཏེ་བདག་གིས་འདི་ལ་རྒྱ་མཚོ་ཆེན་པོའི་ཚོང་པ་བྱེད་བྱེད་དོ་ཞེས་བྱས་ན་ནི། འདི་ཡང་བརྒྱ་ལ་རྒྱ་མཚོ་ཆེན་པོར་སོང་ནས་དེ་ཉིད་དུ་འཆི་བར་འོང་ངོ་སྙམ་ནས་སྨྲས་པ། བུ་ཁྱོད་ཀྱི་ཕ་ནི་སྔོན་ཡུལ་ཚོང་པ་བྱེད་བྱེད་ཀྱིས་ཁྱོད་ཀྱང་འདོད་ན་ཡུལ་ཚོང་པ་གྱིས་ཤིག་ཅེས་བྱས་སོ། །
D343.075.0099b04.01དེ་ནས་དེས་ཡུལ་ཚོང་པའི་ལས་བྱས་ན་དང་པོའི་ཉིན་པར་ཀཱར་ཥཱ་པ་ཎ་བཞི་རྙེད་དེ། དེ་མ་ལ་བྱིན་ནས་ཡུམ་འདིས་དགེ་སྦྱོང་དང་བྲམ་ཟེ་དང་སྡུག་ཅིང་ཕོངས་པ་དང་བཀྲེན་པ་རྣམས་ལ་སྦྱིན་པ་མཛོད་ཅིག་ཅེས་བྱས་སོ། །དེ་ནས་རེ་ཞིག་ན་གཞན་ཞིག་ན་རེ་ཁྱོད་ཀྱི་ཕ་སྤོས་ཀྱི་ཚོང་
D343.075.0099b05.01པ་བྱེད་བྱེད་དོ་ཞེས་བྱས་པ་དང་། དེས་ཡུལ་ཚོང་པའི་ལས་བཏང་སྟེ་སྤོས་ཀྱི་ཚོང་བྱས་སོ། །དེ་ནས་ཀཱར་ཥཱ་པ་ཎ་བརྒྱད་རྙེད་དེ། དེ་དག་ཀྱང་དེས་མ་ལ་བྱིན་ནོ། །དེ་ནས་རེ་ཞིག་ན་གཞན་ཞིག་ན་རེ་ཁྱོད་ཀྱི་ཕ་གསེར་དངུལ་གྱི་ཚོང་པ་བྱེད་བྱེད་དོ་ཞེས་བྱས་པ་དང་། དེས་
D343.075.0099b06.01སྤོས་འཚོང་བ་བཏང་སྟེ། གསེར་དང་དངུལ་གྱི་ཚོང་བྱས་སོ། །དེ་ནས་དང་པོའི་ཉིན་པར་ཀཱར་ཥཱ་པ་ཎ་བཅུ་དྲུག་རྙེད་དེ། དེ་དག་ཀྱང་དེས་མ་ལ་བྱིན་ནོ། །དེ་ནས་ཕྱི་དེ་ཉིན་པར་ཀཱར་ཥཱ་པ་ཎ་སུམ་ཅུ་རྩ་གཉིས་རྙེད་དེ་དེ་དག་ཀྱང་དེས་མ་ལ་བྱིན་ནོ། །དེ་ནས་རེ་ཞིག་ན་གསེར་
D343.075.0099b07.01