完整藏文原文 · 德格版页 当前仅加载第 75 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ཏུ་ཡོད་དོ་ཞེས་དགའ་བའི་ཚིག་ལན་གསུམ་དུ་རྗོད་པར་བྱེད་དོ། །དེ་ནས་དགེ་སློང་དག་ཐེ་ཙོམ་སྐྱེས་ཏེ། ཐེ་ཙོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཟང་ལྡན་གྱིས་སྔོན་ཚེ་རབས་གཞན་
D343.075.0246a01.01དག་ཏུ་ལས་གང་དག་བགྱིས་ཤིང་བསགས་ན་དེས་གཟུགས་བཟང་ཞིང་བལྟ་ན་སྡུག་ལ་མཛེས་པ་དང་། རྒྱལ་པོའི་རིགས་ཕྱུག་པོར་སྐྱེས་ལ། རབ་ཏུ་བྱུང་ནས་ཀྱང་དགྲ་བཅོམ་པ་ཉིད་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ།
D343.075.0246a02.01དགེ་སློང་དག་བཟང་ལྡན་ཉིད་ཀྱིས་སྔོན་ཚེ་རབས་གཞན་དག་ཏུ་ཚོགས་རྙེད་ཅིང་རྐྱེན་གྲུབ་པ་དང་ལྡན་ཏེ་དབའ་རྒལ་བཞིན་དུ་འབྱུང་ལ། གདོན་མི་ཟ་བར་འོང་བའི་ལས་དེ་དག་བྱས་ཤིང་བསགས་པས་ན། བཟང་ལྡན་ཉིད་ཀྱིས་ལས་བྱས་ཤིང་བསགས་པ་དེ་
D343.075.0246a03.01དག་གཞན་སུ་ཞིག་གིས་ཉམས་སུ་མྱོང་བར་འགྱུར་ཏེ། དགེ་སློང་དག་ལས་བྱས་ཤིང་བསགས་པ་རྣམས་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་དང་། མེའི་ཁམས་དང་། རླུང་གི་ཁམས་ལ་རྣམ་པར་སྨིན་པར་མི་འགྱུར་ཏེ།
D343.075.0246a04.01ལས་དགེ་བ་དང་མི་དགེ་བ་བྱས་ཤིང་བསགས་པ་རྣམས་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་རྣམས་འབའ་ཞིག་ལ་རྣམ་པར་སྨིན་པར་འགྱུར་རོ། །ལུས་ཅན་དག་གི་ལས་རྣམས་ནི། །བསྐལ་པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབ་
D343.075.0246a05.01པ་ན། །འབྲས་བུ་ཉིད་དུ་སྨིན་པར་འགྱུར། །དགེ་སློང་དག་སྔོན་བྱུང་བ་འདས་པའི་དུས་ན་གྲོང་ཁྱེར་བཱ་རཱ་ཎ་སཱི་ན་སྤྲང་པོ་ཞིག་གནས་ལ་ལུས་བཀྲེས་ཤིང་ཉམ་ཆུང་བས་ནོན་ནས་ཕན་ཚུན་དུ་འཁོར་འཁོར་བ་ལས་བུ་མོ་ཁུར་བ་ཁྱེར་བ་ཞིག་མཐོང་ངོ་། །དེ་ནས་སྤྲང་པོ་དེས་
D343.075.0246a06.01ཁུར་བ་འདོད་པའི་ཕྱིར་བུ་མོ་དེ་བསྙགས་ཏེ་ནན་གྱིས་ཁུར་བ་ཅིག་ཕྲོགས་ནས་ཕན་ཚུན་དུ་བྲོས་སོ། །བུ་མོ་དེ་ཡང་དེའི་ཕྱི་བཞིན་དུ་འབྲང་བཞིན་ནོ། །དེ་ནས་སྤྲང་པོ་དེས་ཚམ་ཚོམ་མེད་པར་ཆུ་ཀླུང་ཟློག་བྱེད་ལ་འབོགས་སོ། །སངས་རྒྱས་རྣམས་མི་འབྱུང་བའི་ཚེ་ན་
D343.075.0246a07.01