完整藏文原文 · 德格版页 当前仅加载第 75 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ཁྱོད་ཀྱིས་ལས་འདིའི་རྣམ་པར་སྨིན་པ་མྱོང་བར་མ་གྱུར་ཅིག་ཅེས་བྱས་སོ། །དེ་ནས་རེ་ཞིག་ན་དེས་གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་དང་། ཡུལ་པོ་ཆེ་དེ་དག་མཐོང་ནས། རྒྱ་མཚོ་ཆེན་པོའི་འགྲམ་དུ་ཕྱིན་ཏོ། །དེ་ནས་དེས་ཀཱར་ཥཱ་པ་ཎ་ལྔ་བརྒྱས་གྲུ་
D343.075.0100b01.01ཉོས་ནས་ཞོ་ཤས་འཚོ་བ་རྣམ་པ་ལྔ་སྟེ་གྲུ་པ་དང་། ཆུ་འཕྱག་པ་དང་། མཉན་པ་དང་། བྱིའུ་ཟུལ་མཁན་དང་། རུ་སྐྱ་འཛིན་པ་རྣམས་ཀྱང་ཁྲིད་དེ་ལན་གསུམ་དྲིལ་བསྒྲགས་ནས་རྒྱ་མཚོ་ཆེན་པོའི་ནང་དུ་ཞུགས་སོ། །དེ་ནས་རེ་ཞིག་ན་གྲུ་དེ་ཉའི་རིགས་ཆུ་སྲིན་མ་ཀ་རས་མ་རུང་
D343.075.0100b02.01བར་བྱས་ཏེ་བུབ་པར་བྱས་སོ། །དེ་ནས་མཛའ་བོའི་བུ་མོས་སྤང་ལེབ་གཅིག་ལ་ཟིན་ནས་སྐམ་ལ་ཕྱིན་ཏོ། །དེ་ནས་སྐམ་ལ་སོང་སོང་ནས་ཐག་རིང་པོ་ཞིག་ནས་གྲོང་ཁྱེར་ལོངས་སྤྱོད་བྱེད་ཅེས་བྱ་བ་མཐོང་ནས། དེ་དེའི་ལོགས་སུ་སོང་བ་དང་རེ་ཞིག་ན་དེའི་ནང་ནས་ལྷའི་བུ་མོ་
D343.075.0100b03.01གཟུགས་བཟང་ཞིང་བལྟ་ན་སྡུག་ལ་མཛེས་པ་བཞི་ཞིག་བྱུང་ནས། དེ་དག་ན་རེ་མཛའ་བོའི་བུ་མོ་ཚུར་སྤྱོན་ཁྱོད་བྱོན་པ་ལེགས་སོ། །འདི་དག་ནི་བདག་ཅག་གི་ཟས་གཞག་པའི་ཁང་པ་དང་། སྐོམ་གཞག་པའི་ཁང་པ་དང་། གོས་གཞག་པའི་ཁང་པ་དང་། གཟིམས་ཁང་ལགས་
D343.075.0100b04.01ཏེ། ནོར་བུ་དང་། མུ་ཏིག་དང་། བཻ་དཱུརྱ་དང་། དུང་དང་། མན་ཤེལ་དང་། བྱི་རུ་དང་། གསེར་དངུལ་རྣམ་པ་སྣ་ཚོགས་ཀྱིས་གང་བ་ལགས་ཀྱིས་ཚུར་སྤྱོན་དང་ལོངས་སྤྱད་པར་བགྱིའོ་ཞེས་ཟེར་ནས། དེ་དེ་དག་དང་ལྷན་ཅིག་ཏུ་ལོ་དུ་མར་དགའ་བ་མྱོང་སྟེ། འདི་ལྟར་དེ་ནི་བསོད་
D343.075.0100b05.01ནམས་བྱེད་བྱེད་པ་དང་དགེ་བ་བྱེད་བྱེད་པ་དང་། རྫུ་འཕྲུལ་ཆེ་བ་དང་མཐུ་ཆེ་བ་ཡིན་པའི་ཕྱིར་རོ། །དེ་ནས་དེའི་ལྷོ་ཕྱོགས་ཀྱི་ལམ་དུ་སོང་བ་ལས་འགྲོར་མི་སྟེར་ནས། དེ་ལྷོ་ཕྱོགས་ཀྱི་ལམ་དེར་འགྲོར་མི་སྟེར་བ་དང་ལྷག་པར་ཡང་དེར་འགྲོ་འདོད་པར་གྱུར་ནས་རེ་ཞིག་ན་ཡང་ལྷོ་ཕྱོགས་
D343.075.0100b06.01སུ་སོང་བ་དང་གྲོང་ཁྱེར་རྟག་ཏུ་མྱོས་ཞེས་བྱ་བ་མཐོང་སྟེ་དེ་དེའི་སྒོར་ཕྱིན་པ་དང་རེ་ཞིག་ན་དེའི་ནང་ནས་ཀྱང་ལྷའི་བུ་མོ་ཆེས་གཟུགས་བཟང་ཞིང་ཆེས་བལྟ་ན་སྡུག་ལ་ཆེས་མཛེས་པ་བརྒྱད་བྱུང་ནས་དེ་དག་ན་རེ་མཛའ་བོའི་བུ་མོ་ཚུར་སྤྱོན་ཁྱོད་བྱོན་པ་ལེགས་སོ། །འདི་དག་ནི་བདག་
D343.075.0100b07.01