完整藏文原文 · 德格版页 当前仅加载第 75 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྟེ། འོད་སྲུང་རྫོགས་བྱེད་དང་། ཀུན་ཏུ་རྒྱུ་གནག་ལྷས་ཀྱི་བུ་དང་། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང་། ཐུབ་མེད་སྐྲའི་ལ་བ་ཅན་དང་། ཀ་ཏྱའི་བུ་ནོག་ཅན་དང་། གཅེར་བུ་པ་གཉེན་གྱི་བུ་དང་འདི་རྣམས་རང་རང་གི་དམ་བཅས་པ་རྟོགས་པ་
D343.075.0113a01.01ལགས་སམ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་གསུངས་པ། ང་ནི་ལོ་གྲངས་ཉི་ཤུ་དགུ་ལོན་ན། །དགེ་བ་གང་ཡིན་ཚོལ་ཕྱིར་རབ་ཏུ་བྱུང་། །རབ་བཟང་ང་ནི་རབ་ཏུ་བྱུང་ནས་ཀྱང་། །དེ་ཡི་ཕྱིན་ཅད་ལོ་ནི་ལྔ་བཅུ་གཅིག །ཚུལ་ཁྲིམས་ཏིང་འཛིན་རྐང་
D343.075.0113a02.01པ་རེག་པ་རྣམས། །ངས་ནི་རྩེ་གཅིག་སེམས་ཀྱིས་རབ་ཏུ་བསྒོམས། །རིགས་པའི་ཆོས་ཀྱི་ཕྱོགས་ཙམ་སྨྲ་བ་ཡང་། །འདི་ལས་ཕྱི་རོལ་དགེ་སྦྱོང་གཞན་ལའང་མེད། །རབ་བཟང་ཆོས་འདུལ་བ་གང་ལ་འཕགས་པའི་ལམ་ཡན་ལག་བརྒྱད་པ་མེད་པ་དེ་ལ་ནི་དགེ་སྦྱོང་དང་པོ་ཡང་
D343.075.0113a03.01མེད་དོ། །དེ་ལ་ནི་དགེ་སྦྱོང་གཉིས་པ་དང་། གསུམ་པ་དང་། བཞི་པ་ཡང་མེད་དོ། །རབ་བཟང་ཆོས་འདུལ་བ་གང་ལ་འཕགས་པའི་ལམ་ཡན་ལག་བརྒྱད་པ་ཡོད་པ་དེ་ལ་ནི་དགེ་སྦྱོང་དང་པོ་ཡང་ཡོད་དོ། །དགེ་སྦྱོང་གཉིས་པ་དང་། གསུམ་པ་དང་། བཞི་པ་ཡང་ཡོད་དོ། །རབ་བཟང་
D343.075.0113a04.01ཆོས་འདུལ་བ་འདི་ལ་ནི། འཕགས་པའི་ལམ་ཡན་ལག་བརྒྱད་པ་ཡོད་པས་ན། དགེ་སྦྱོང་དང་པོ་ཡང་འདི་ལ་ཡོད་དོ། །གཉིས་པ་ཡང་འདི་ལ་ཡོད་དོ། །གསུམ་པ་ཡང་འདི་ལ་ཡོད་དོ། །བཞི་པ་ཡང་འདི་ལ་ཡོད་དོ། །འདི་ལས་ཕྱི་རོལ་པ་ལ་ནི་དགེ་སྦྱོང་དང་བྲམ་ཟེ་མེད་ལ། ཕས་
D343.075.0113a05.01ཀྱི་རྒོལ་བ་དག་ནི་དགེ་སྦྱོང་རྣམས་དང་བྲམ་ཟེ་རྣམས་ཀྱིས་སྟོང་སྟེ། ང་ནི་འདིར་འཁོར་གྱི་ནང་དུ་དེ་སྐད་ཅེས་ཡང་དག་པར་སེང་གེའི་སྒྲ་སྒྲོགས་སོ། །ཆོས་ཀྱི་རྣམ་གྲངས་འདི་བཤད་པ་ན་ཀུན་ཏུ་རྒྱུ་རབ་བཟང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་ཏེ། ཀུན་ཏུ་རྒྱུ་
D343.075.0113a06.01རབ་བཟང་གིས་ཆོས་མཐོང་། ཆོས་རྙེད། ཆོས་རྟོགས། ཆོས་ཀྱི་གཏིང་སླེབས། སོམ་ཉི་ལས་རྒལ་ཐེ་ཙོམ་ལས་རྒལ་ནས། སྟོན་པའི་བསྟན་པ་ལ་གཞན་གྱི་དྲིང་མི་འཇོག་ཅིང་གཞན་གྱིས་བཀྲི་བ་མེད་དེ། ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་
D343.075.0113a07.01