完整藏文原文 · 德格版页 当前仅加载第 75 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
པོའམ། སློབ་དཔོན་རྣམས་ལ་ཚིག་རྩུབ་པོ་མ་ཟེར་ཅིག །ཇི་ལྟར་བདག་མའི་ལྟོར་ཕོ་བ་དང་ལོང་ཀ་གཉིས་ཀྱི་བར་དུ་ལོ་དྲུག་ཅུ་འདུག་འདུག་པ་དེ་ལྟ་བུའི་ཉམས་མྱོང་བར་གྱུར་ཏ་རེ་ཞེས་སྨྲས་ནས་ཅང་མི་ཟེར་བར་འདུག་གོ། །དེར་བཅོམ་ལྡན་འདས་ཀྱིས་དགེ་སློང་རྣམས་
D343.075.0255b01.01ལ་བཀའ་སྩལ་པ། དགེ་སློང་དག་འདི་ལྟར་སྲིད་པ་ཐ་མ་པའི་སེམས་ཅན་གྱིས་ཀྱང་ཉམས་འདི་ལྟ་བུ་མྱོང་བར་འགྱུར་གྱིས་སྲིད་པར་སྐྱེ་བ་ཐམས་ཅད་ཀྱིས་ཆོག་པར་གྱིས་ཤིག །སྲིད་པར་སྐྱེ་བའི་ཡོ་བྱད་ཐམས་ཅད་ཀྱིས་ཆོག་པར་གྱིས་ཤིག །དེ་ནས་བཅོམ་ལྡན་འདས་
D343.075.0255b02.01ཀྱིས་ཁྱེའུ་དེ་ལ་བཀའ་སྩལ་པ། ཁྱེའུ་ཁྱོད་རྒན་པོ་ཡིན་ནམ། བཅོམ་ལྡན་འདས་བདག་ནི་རྒན་པོ་ལགས་སོ། །ཁྱེའུ་ཁྱོད་རྒན་པོ་ཡིན་ནམ། བདེ་བར་གཤེགས་པ་བདག་ནི་རྒན་པོ་ལགས་སོ། །དེ་ནས་གཞི་དེ་ལས་དེའི་མིང་རྒན་པོ་ཞེས་བཏགས་སོ། །
D343.075.0255b03.01དེ་ནས་བཅོམ་ལྡན་འདས་ཀྱིས་གཞི་དེ་ལས་དེ་ལྟ་བུའི་ཆོས་བསྟན་པ་མཛད་དེ། དེ་ཐོས་ནས་དེས་སེམས་ཅན་བརྒྱ་ཕྲག་མང་པོ་སྐྱོ་བར་གྱུར་ནས་ཁྱད་པར་ཆེན་པོ་ཐོབ་བོ། །རྒན་པོ་དེ་ཡང་ལོ་བཅུའི་བར་དུ་ཁྱིམ་པའི་གནས་ན་འདུག་འདུག་ནས་ལོ་བདུན་ཅུ་ལོན་ཏེ་བཅོམ་
D343.075.0255b04.01ལྡན་འདས་ཀྱི་བསྟན་པ་ལ་རབ་ཏུ་བྱུང་ནས། བྱ་རྒོད་ཀྱི་ཕུང་པོའི་རི་ལ་དགེ་སློང་ཉི་ཤུ་རྩ་ལྔ་དང་ཐབས་ཅིག་ཏུ་དབྱར་གནས་པར་དམ་བཅས་སོ། །དེ་ནས་དེར་དགེ་འདུན་གྱི་གནས་བརྟན་གྱིས་སོ་སོ་སྐྱེ་བོར་འདུག་བཞིན་དུ་གང་གིས་ཀྱང་སྐབས་དབྱེ་བར་མི་བྱའོ་ཞེས་
D343.075.0255b05.01ཁྲིམས་བཅས་སོ། །དེ་ནས་རེ་ཞིག་ན་ཟླ་བ་གསུམ་ལོན་པ་དང་དགེ་སློང་ཉི་ཤུ་རྩ་བཞིས་དགྲ་བཅོམ་པ་ཉིད་ཐོབ་ན་རྒན་པོ་གཅིག་པུ་སོ་སོ་སྐྱེ་བོའི་སོ་ན་འདུག་གོ། །དེ་ནས་དགེ་འདུན་གྱི་གནས་བརྟན་གྱིས་སྐབས་འབྱེད་པ་བྱེད་པའི་ནང་དུ་ཤིན་ཏུ་མང་དུ་བརྒྱད་བཀག་ནས་
D343.075.0255b06.01ཚོགས་ཀྱི་ནང་ནས་བསྐྲད་དེ་བཏང་ངོ་། །དེ་ནས་དེས་མཚོན་ཆ་བླངས་ཏེ་ཁང་ཕུགས་སུ་ཞུགས་ནས་ངུ་ཞིང་རྣམ་པ་དུ་མར་སྨྲེ་སྔགས་བཏོན་ཏེ་སྨྲས་པ། ནགས་ཚལ་ཐམས་ཅད་འབར་གྱུར་ཏེ། །རི་རྣམས་སེར་པོར་གྱུར་ཟིན་ན། །འོན་ཀྱང་ད་དུང་སྡིག་པའི་སེམས། །
D343.075.0255b07.01