完整藏文原文 · 德格版页 当前仅加载第 75 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
བསབ་པར་བསྟན་པ་དང་། སངས་རྒྱས་ཀྱི་མཆོད་པ་ལུགས་སུ་གཞུག་པ་དང་། ཁྱིམ་ཡངས་པར་བསྟན་པ་དང་། སངས་རྒྱས་འབྱུང་བ་གཅེས་པར་བསྟན་པའི་ཕྱིར་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་རྒྱལ་པོའི་ཕོ་
D343.075.0057a01.01བྲང་འཁོར་དུ་གདུགས་ཚོད་ལ་སྤྱན་དྲངས་སོ། །དེ་ནས་མ་ག་དྷཱའི་ཕོ་བྲང་འཁོར་གྱི་མི་རྣམས་ལ་བསྒོ་བ། བཅོམ་ལྡན་འདས་གྲོང་ཁྱེར་དུ་གཤེགས་པ་ལ་མེ་ཏོག་དང་། མེ་ཏོག་ཕྲེང་དང་། སྤོས་དང་། བྱུག་པ་རྣམས་ཀྱིས་མཆོད་པ་གྱིས་ཤིག །རྒྱལ་
D343.075.0057a02.01པོའི་ཁབ་ཀྱི་གྲོང་ཁྱེར་ཐམས་ཅད་ཀྱང་རྡོ་དང་། གསེག་མ་དང་། གྱོ་མོ་མེད་པར་གྱིས་ཤིག །མེ་ཏོག་སྣ་ཚོགས་ཀྱིས་གཏོར་ལ་རྒྱལ་མཚན་དང་བ་དན་སྒྲེང་ཤིག །འོད་མའི་ཚལ་ནས་རྒྱལ་པོའི་ཁབ་ཀྱི་བར་གྱི་ལམ་ཐམས་ཅད་ཀྱང་རས་ཀྱིས་ཁེབས་པར་གྱིས་ཤིག་
D343.075.0057a03.01ཅེས་བྱས་སོ། །བློན་པོ་རྣམས་ཀྱིས་ཀྱང་ཐམས་ཅད་ཉམས་སུ་བླངས་སོ། །དེ་ནས་རྒྱལ་པོ་གཟུགས་ཅན་སྙིང་པོས་རང་གི་ལག་གིས་བཅོམ་ལྡན་འདས་ཀྱི་དབུའི་སྟེང་དུ་གདུགས་རྩིབས་བརྒྱ་པ་བཟུང་ངོ་། །ཕོ་བྲང་འཁོར་གྱི་མི་གཞན་དག་གིས་ནི་དགེ་སློང་སྟོང་གི་
D343.075.0057a04.01གདུགས་ཐོགས་སོ། །དེ་ནས་བཅོམ་ལྡན་འདས་དུལ་ལ་འཁོར་ཡང་དུལ་བ་དང་། ཞི་ལ་འཁོར་ཡང་ཞི་བ་དང་། གྲོལ་ལ་འཁོར་ཡང་གྲོལ་བ་དང་། དབུགས་ཕྱིན་ལ་འཁོར་ཡང་དབུགས་ཕྱིན་པ་དང་། བྱང་ལ་འཁོར་ཡང་བྱང་བ་དང་། དགྲ་བཅོམ་པར་གྱུར་ལ་
D343.075.0057a05.01འཁོར་ཡང་དགྲ་བཅོམ་པར་གྱུར་པ་དང་། འདོད་ཆགས་དང་བྲལ་ལ་འཁོར་ཡང་འདོད་ཆགས་དང་བྲལ་བ་དང་། མཛེས་ལ་འཁོར་ཡང་མཛེས་པ་སྟེ། ཁྱུ་མཆོག་བ་ལང་གི་ཚོགས་ཀྱིས་བསྐོར་བ་ལྟ་བུ་དང་། གླང་པོ་ཆེ་གླང་པོ་ཆེའི་ཕྲུ་གུའི་ཚོགས་ཀྱིས་བསྐོར་བ་ལྟ་བུ་དང་། སེང་
D343.075.0057a06.01གེ་གཅན་གཟན་གྱི་ཚོགས་ཀྱིས་བསྐོར་བ་ལྟ་བུ་དང་། ངང་པའི་རྒྱལ་པོ་ངང་པའི་ཚོགས་ཀྱིས་བསྐོར་བ་ལྟ་བུ་དང་། ནམ་མཁའ་ལྡིང་བྱའི་ཚོགས་ཀྱིས་བསྐོར་བ་ལྟ་བུ་དང་། སྨན་པ་མཁས་པ་ནད་པའི་ཚོགས་ཀྱིས་བསྐོར་བ་ལྟ་བུ་དང་། དཔའ་བོ་དམག་མིའི་ཚོགས་ཀྱིས་བསྐོར་
D343.075.0057a07.01