完整藏文原文 · 德格版页 当前仅加载第 75 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་དམྱལ་བ་དང་དུད་འགྲོ་དང་{ཡི་དགས་,ཡི་དྭགས་}རྣམས་ཀྱི་ནང་ནས། སེམས་ཅན་གཅིག་ཙམ་ཡང་ཐར་བར་མ་བྱས་ཀྱི་བར་དུ་ཟན་མི་བཟའོ་ཞེས་བྱས་སོ། །དེ་ནས་ཚེ་དང་ལྡན་པ་དེ་གཉིས་དུས་དུས་སུ་རེས་འགའ་ནི་སེམས་ཅན་དམྱལ་བར་རྒྱུ་ཞིང་འགྲོའོ། །རེས་འགའ་
D343.075.0117b01.01ནི་དུད་འགྲོའི་ནང་དུ་རྒྱུ་ཞིང་འགྲོའོ། །རེས་འགའ་ནི་{ཡི་དགས་,ཡི་དྭགས་}ཀྱི་ནང་དུ་རྒྱུ་ཞིང་འགྲོ་སྟེ་དེ་གཉིས་ཀྱིས་དེར་སེམས་ཅན་གནོད་པ་སྣ་ཚོགས་ཀྱིས་ཉེན་པ་རྣམས་ཀྱི་སྐད་ངན་ཐོས་ནས་རྒྱུ་བ་ལས་སླར་འཁོར་ཏེ། འཁོར་བཞི་པོ་རྣམས་ལ་རྗོད་པར་བྱེད་དོ། །དེ་དག་གིས་ཀྱང་ཐོས་ནས་
D343.075.0117b02.01སྐྱོ་བར་འགྱུར་རོ། །དེ་ནས་དེ་གཉིས་ཀྱིས་དེ་ལ་བསྟན་ནས་དེ་དང་འཐུན་པའི་ཆོས་སྟོན་པར་བྱེད་དེ། དེས་ན་སེམས་ཅན་དུ་མས་ཐོས་ནས་ཁྱད་པར་ཐོབ་པར་འགྱུར་བ་དང་། ཆོས་ཐོས་པ་དང་གཏམ་བྱ་བའི་གནས་སུ་འགྱུར་རོ། །ཕྱིས་རེ་ཞིག་ན་ཚེ་དང་ལྡན་པ་མཽད་གལ་གྱི་བུ་
D343.075.0117b03.01ཆེན་པོ་{ཡི་དགས་,ཡི་དྭགས་}ཀྱི་ནང་དུ་རྒྱུ་ཞིང་སོང་བ་དང་། {ཡི་དགས་,ཡི་དྭགས་}ལྟོ་ནི་རི་ཙམ་ལ་ཁ་ནི་ཁབ་ཀྱི་མིག་ཙམ་སྟེ། རང་གི་སྐྲས་ཡོག་པ། འབར་ཞིང་རབ་ཏུ་འབར་ལ་ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་འབར་ནས་ཚིག་ཅིང་ཉམ་ཐག་པའི་སྐད་འབྱིན་ཏེ། སྡུག་བསྔལ་དྲག་པ་དང་མི་
D343.075.0117b04.01བཟད་པ་དང་ཚ་བ་དང་ཡིད་དུ་མི་འོང་བའི་ཚོར་བ་མྱོང་བ་དང་། བཤང་གཅི་ག་ལ་ཡོད་པ་དེར་འཁོར་ལ་དེ་ཡང་བདེ་བླག་ཏུ་མི་རྙེད་པ་ཞིག་མཐོང་ངོ་། །དེ་ནས་གནས་བརྟན་དེས་{ཡི་དགས་,ཡི་དྭགས་}དེ་ལ་དྲིས་པ། ཀྱེ་ཁྱོད་ཀྱིས་ལས་ཅི་ཞིག་བྱས་ན། དེས་འདི་ལྟ་བུའི་སྡུག་བསྔལ་དྲག་པ་
D343.075.0117b05.01མི་བཟད་པ་ཚ་བ་དང་ཡིད་དུ་མི་འོང་བའི་ཚོར་བ་མྱོང་ཞིང་འདུག །{ཡི་དགས་,ཡི་དྭགས་}ཀྱིས་སྨྲས་པ། ཉི་མ་ཤར་བ་ན་སྒྲོན་མ་མི་དགོས་ཀྱིས། བཅོམ་ལྡན་འདས་ལ་དོན་འདི་ཞུས་ཤིག་དང་། དེས་ཁྱོད་ལ་བདག་གི་ལས་ཀྱི་རྣམ་པ་ལུང་སྟོན་པར་འགྱུར་རོ། །དེ་ནས་ཚེ་དང་ལྡན་པ་མཽད་གལ་གྱི་
D343.075.0117b06.01བུ་ཆེན་པོ་བཅོམ་ལྡན་འདས་ག་ལ་བ་དེར་སོང་ངོ་། །དེའི་ཚེ་བཅོམ་ལྡན་འདས་ནང་དུ་ཡང་དག་འཇོག་ལས་བཞེངས་ནས་འཁོར་བཞི་པོ་རྣམས་ལ་སྦྲང་བུའི་སྦྲང་རྩི་མ་བསྐོལ་བ་དང་འདྲ་བའི་ཆོས་རོ་དང་ལྡན་ནོ་ཅོག་སྟོན་ཏེ། འཁོར་བརྒྱ་ཕྲག་དུ་མ་ཡང་དབང་པོ་རྣམས་མི་གཡོ་
D343.075.0117b07.01