完整藏文原文 · 德格版页 当前仅加载第 75 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་རྣམས་ཀྱི་མཆོག་ནི་འདི་ལྟ་སྟེ། དགེ་སློང་མ་ཀ་ཙང་ག་ལ་ཡིན་ནོ། །དེ་ནས་དགེ་སློང་དག་ཐེ་ཙོམ་སྐྱེས་ཏེ། ཐེ་ཙོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཀ་ཙང་ག་ལས་ལས་གང་དག་བགྱིས་ན་དེས་རྒས་ནས་གདོད་རབ་ཏུ་བྱུང་
D343.075.0209b01.01ལགས། ལས་གང་བགྱིས་ན་དེས་བྲན་མོར་གྱུར་ལགས་ལས་གང་བགྱིས་ན་དེས་བཅོམ་ལྡན་འདས་མངལ་ན་གནས་པ་ཐ་མར་འཛིན་པར་མ་གྱུར་ལགས། དེ་ཅིའི་སླད་དུ་རབ་ཏུ་བྱུང་ནས་དགྲ་བཅོམ་པ་ཉིད་མངོན་སུམ་དུ་བགྱིས་ཏེ་མདོ་སྡེ་རྣམ་པར་འབྱེད་པར་བགྱིད་པ་རྣམས་ཀྱི་
D343.075.0209b02.01མཆོག་ཏུ་བསྟན་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཀ་ཙང་ག་ལ་ཉིད་ཀྱིས་སྔོན་ཚེ་རབས་གཞན་དག་ཏུ་ཚོགས་རྙེད་ཅིང་རྐྱེན་གྲུབ་པ་དང་ལྡན་ཏེ་དབའ་རྒལ་བཞིན་དུ་འབྱུང་ལ། གདོན་མི་ཟ་བར་འོང་བའི་ལས་དེ་དག་བྱས་ཤིང་བསགས་
D343.075.0209b03.01པས་ན། ཀ་ཙང་ག་ལ་ཉིད་ཀྱིས་ལས་བྱས་ཤིང་བསགས་པ་དེ་དག་གཞན་སུ་ཞིག་གིས་ཉམས་སུ་མྱོང་བར་འགྱུར་ཏེ། དགེ་སློང་དག་ལས་བྱས་ཤིང་བསགས་པ་རྣམས་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་དང་། མེའི་ཁམས་དང་། རླུང་
D343.075.0209b04.01གི་ཁམས་ལ་རྣམ་པར་སྨིན་པར་མི་འགྱུར་ཏེ། ལས་དགེ་བ་དང་། མི་དགེ་བ་བྱས་ཤིང་བསགས་པ་རྣམས་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་རྣམས་འབའ་ཞིག་ལ་རྣམ་པར་སྨིན་པར་འགྱུར་རོ། །ལུས་ཅན་དག་གི་ལས་རྣམས་ནི། །བསྐལ་པ་བརྒྱར་ཡང་
D343.075.0209b05.01ཆུད་མི་ཟ། །ཚོགས་ཤིང་དུས་ལ་བབ་པ་ན། །འབྲས་བུ་ཉིད་དུ་སྨིན་པར་འགྱུར། །དགེ་སློང་དག་སྔོན་བྱུང་བ་འདས་པའི་དུས་ན་ང་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཚེ་རབས་ལྔ་བརྒྱར་རྒྱུན་ཆགས་པར་འདི་ངའི་མར་གྱུར་ཏེ། གང་གི་ཚེ་ང་རབ་ཏུ་འབྱུང་བར་འདོད་པ་དེའི་ཚེ་
D343.075.0209b06.01འདིས་ངའི་བགེགས་བྱས་ཏེ། ལས་དེའི་རྣམ་པར་སྨིན་པས་ནི་རྒས་ནས་གདོད་རབ་ཏུ་བྱུང་ངོ་། །ང་སྦྱིན་པ་བྱེད་པ་ན་འདིས་ངའི་སྦྱིན་པའི་བར་ཆད་བྱས་པ་དེས་ནི་དབུལ་མོར་གྱུར་ཏོ། །འདིས་སྒྱུ་འཕྲུལ་ཆེན་མོ་ལྟ་བུའི་ཆེ་བར་གྲགས་པར་འགྱུར་བའི་ལས་དེ་ལྟ་བུ་མ་བྱས་པ་དེས་ནི་ང་མངལ་ན་
D343.075.0209b07.01