完整藏文原文 · 德格版页 当前仅加载第 75 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དེས་ཞག་གཅིག་དང་གཉིས་དང་། གསུམ་ནས་ཞག་དྲུག་གི་བར་དུ་ཁ་འཚོས་སོ། །དེ་ནས་དེའི་ཟླ་གྲོགས་རྣམས་ཀྱིས་རྒྱལ་པོ་ལ་གསོལ་ཏེ། ལྷ་མཁྱེན་པར་མཛད་དུ་གསོལ། སྲས་འདི་ནི་རབ་ཏུ་བྱུང་ན་ལེགས་ཀྱི་དེའུ་རེ་འདིར་འགུམ་ན་མ་ལེགས་སོ། །དེ་ནས་
D343.075.0227b01.01རྒྱལ་པོས་གནང་ནས་དམ་འཆར་བཅུག་སྟེ། ནམ་ཁྱོད་སྡེ་སྣོད་གསུམ་མ་ལོབས་ཀྱི་བར་དུ་ང་དང་ཕྲད་དུ་མ་འོང་ཅིག་ཅེས་བསྒོའོ། །དེ་ནས་རེ་ཞིག་ན་དེ་ཡབ་ཀྱིས་གནང་ནས། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ། དེས་བརྩོན་པ་དང་། བསྒྲུབ་པ་དང་། འབད་
D343.075.0227b02.01པས་རིང་པོ་མ་ལོན་པར་སྡེ་སྣོད་གསུམ་ལོབས་ཏེ། རིག་པ་དང་གྲོལ་བར་སྨྲ་བར་ཆོས་སྟོན་པར་གྱུར་ནས། དེ་འདི་སྙམ་དུ་སེམས་ཏེ། མ་ལ་བདག་གིས་སྔོན་དམ་བཅས་པ་གཉེར་དགུམ་གོར་མ་ཆག་སྙམ་ནས་དེ་ཡབ་ཀྱི་ཐད་དུ་སོང་སྟེ་ཕྲད་ནས་དྲིས་པ། བུ་ཅུང་ཟད་ལོབས་
D343.075.0227b03.01པ་ལྟ་ཡོད་དམ། དེས་སྨྲས་པ། སྡེ་སྣོད་གསུམ་ལོབས་ལགས་སོ། །དེ་ནས་དེས་ཡབ་ལ་ཆོས་དེ་ལྟ་བུ་བསྟན་ཏེ་དེ་ཐོས་ནས་རྒྱལ་པོ་མགུ་བར་གྱུར་ཏོ། །དེ་ནས་དགའ་བ་སྐྱེས་ཏེ་སྨྲས་པ། བུ་གཅིག་ཁྱོད་ལ་ཅི་དགོས། དེས་སྨྲས་པ། བདག་ནི་བཅོམ་ལྡན་འདས་ཉན་ཐོས་ཀྱི་
D343.075.0227b04.01དགེ་འདུན་དང་བཅས་པ་སྤྱན་དྲངས་ལ་ཡོ་བྱད་དྲུག་དབུལ་བར་འཚལ་ལོ། །རྒྱལ་པོས་སྨྲས་པ། རྒྱལ་པོའི་ཕོ་བྲང་ནི་རྒྱ་ཆེས་ཅི་དགའ་བ་གྱིས་ཤིག །དེ་ནས་སྡེ་སྣོད་གསུམ་པས་བཅོམ་ལྡན་འདས་ཞབས་འབྲིང་འཁོར་དགེ་སློང་ཉི་ཁྲི་དང་བཅས་ཏེ་ཞལ་ཟས་བཟང་པོས་ཚིམ་པར་
D343.075.0227b05.01བྱས་ནས་དགེ་སློང་རེ་རེ་ལ་ཡང་ཡོ་བྱད་དྲུག་དྲུག་ཕུལ་ལོ། །དེ་ནས་ཞབས་ལ་ཕྱག་འཚལ་ནས་སྨོན་ལམ་བཏབ་པ། བདག་ད་ལྟར་དཀའ་བས་རབ་ཏུ་བྱུང་བ་ཐོབ་ནས་དེ་བཞིན་གཤེགས་པ་ཉན་ཐོས་ཀྱི་དགེ་འདུན་དང་བཅས་པ་ལ་བཀུར་སྟི་བྱས་པའི་དགེ་བའི་རྩ་བ་དང་། སེམས་
D343.075.0227b06.01བསྐྱེད་པ་དང་། སྦྱིན་པར་བྱ་བའི་ཆོས་ཡོངས་སུ་གཏོང་བ་འདིས་ན་བདག་གང་དང་གང་དུ་སྐྱེས་པ་དེ་དང་དེར་གོས་སུ་ཆོས་གོས་ཚོན་ཅན་གྱོན་ལ་དགེ་སྦྱོང་གི་ཆ་ལུགས་འདི་དང་ལྡན་ཏེ་ཚེ་རབས་དྲན་པར་གྱུར་ཅིག་ཅེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་
D343.075.0227b07.01