完整藏文原文 · 德格版页 当前仅加载第 75 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
དང་བ་དན་ནི་བསྒྲེང་། །མེ་ཏོག་སྣ་ཚོགས་ཀྱིས་ནི་གཏོར། །སྤོས་ཆབ་ཀྱིས་ནི་ཆག་ཆག་བཏབ། །བདུག་པ་སྣ་ཚོགས་ཀྱིས་ནི་བདུགས། །དབུས་སུ་ནི་རྫིང་བྱེད་དུ་བཅུག་གོ། །དེ་ནས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཙན་དན་གྱིས་སེམས་ཅན་ལ་ཕན་
D343.075.0040b01.01གདགས་པའི་ཕྱིར་ཁྲུས་རས་གསོལ་ཏེ། རྫིང་བུའི་ནང་དུ་བཞུགས་སོ། །དེ་ནས་རྒྱལ་པོ་བློན་པོ་འཁོར་དང་བཅས་པས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཙན་དན་ཉན་ཐོས་ཀྱི་དགེ་འདུན་དང་བཅས་པ། སྤོས་སྣ་ཚོགས་ཀྱིས་བསྒོས་པའི་ཆུས་ཁྲུས་གསོལ་
D343.075.0040b02.01ཏོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཙན་དན་ཁྲུས་མཛད་པའི་མོད་ལ། ལྷའི་དབང་པོ་བརྒྱ་བྱིན་གྱིས་གང་གིས་ལོ་ཏོག་ཐམས་ཅད་རྒྱལ་བར་འགྱུར་བ་དེ་ལྟ་བུའི་དབང་ཆེན་གྱི་ཆར་ཕབ་བོ། །གཞི་དེ་ལས་སྐྱེ་བོ་ཕལ་པོ་ཆེ་ཡང་སངས་རྒྱས་བཅོམ་ལྡན་འདས་
D343.075.0040b03.01ལ་དད་པ་རྙེད་ནས། སྤོས་ཀྱིས་བྱུགས་པའི་མཆོད་རྟེན་དུ་མ་བརྩིགས་ཏེ་ཞལ་བསྲོས་སོ། །དེར་ཡང་དག་པར་རྫོགས་པའི་སངས་རྒྱས་ཙན་དན་ལ་སྐྱབས་སུ་སོང་བ་གང་ཡིན་པ་དེ་དག་ཐམས་ཅད་ནི་ཡོངས་སུ་མྱ་ངན་ལས་འདས་ཏེ། དེ་དག་གི་ནང་ནས་ང་འབའ་ཞིག་ལུས་སོ། །དགེ་
D343.075.0040b04.01སློང་དག་དེ་བས་ན་འདི་ལྟར་བསླབ་པར་བྱ་སྟེ། སྟོན་པ་ལ་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །མཆོད་པ་བྱའོ། །སྟོན་པ་ལ་བསྙེན་བཀུར་བྱས། བླ་མར་བྱས། རི་མོར་བྱས། མཆོད་པ་བྱས་ནས། བརྟེན་ཏེ་གནས་པར་བྱའོ་ཞེས་དགེ་སློང་ཁྱོད་ཀྱིས་དེ་ལྟར་
D343.075.0040b05.01བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།ཡམས་ཀྱི་ནད་ཅེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་
D343.075.0040b06.01ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་
D343.075.0040b07.01