完整藏文原文 · 德格版页 当前仅加载第 75 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས་པ་ལས། རེ་ཞིག་ན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་སངས་རྒྱས་ཀྱི་ཕྲིན་ལས་ཐམས་ཅད་མཛད་ནས། ཤིང་ཟད་པའི་མེ་བཞིན་དུ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་ནས་རྒྱལ་པོ་གཉེན་
D343.075.0188b01.01ཡོད་ཀྱིས་བཅོམ་ལྡན་འདས་དེའི་སྐུ་གདུང་ལ་སྐུ་གདུང་གི་མཆོད་པ་བྱས་ནས། རིན་པོ་ཆེ་སྣ་བཞི་ལས་བྱས་པའི་མཆོད་རྟེན་ཁོ་ར་ཁོར་ཡུག་ཏུ་དཔག་ཚད་གཅིག་ཡོད་ལ། འཕང་དུ་རྒྱང་གྲགས་གཅིག་ཡོད་པ་ཞིག་བརྩིགས་ཏེ། དེར་སྲོག་ཆགས་འབུམ་ཕྲག་དུ་མས་བཀུར་སྟི་བྱས་ནས་
D343.075.0188b02.01མཐོ་རིས་དང་ཐར་པར་འགྲོ་བར་འགྱུར་རོ། །དེ་ནས་རེ་ཞིག་ན་རྒྱལ་པོ་གཉེན་ཡོད་ཀྱིས་མཆོད་རྟེན་དེ་ལ་དུས་སྟོན་བྱས་ནས། མཆོད་རྟེན་གྱི་དུས་སྟོན་བྱེད་པ་དེར་གྱད་འགྱེད་པ་རྣམས་ཀྱིས་བ་དན་དག་སྒྲེང་ངོ་། །དེ་ནས་རེ་ཞིག་ན་རྒྱལ་པོའི་གྱད་གཅིག་གིས་གྱད་གཅིག་ནོན་པ་དང་།
D343.075.0188b03.01དེས་གྱད་ཀྱི་བ་དན་ཐོབ་ནས་དེས་དེ་བླངས་ཏེ། སྲོག་ཆགས་འབུམ་ཕྲག་དུ་མའི་འཁོར་དང་བཅས་པས་རོལ་མོའི་སྒྲ་རྣམ་པ་སྣ་ཚོགས་ལེན་ཅིང་། བཅོམ་ལྡན་འདས་རྣམ་པར་གཟིགས་ཀྱི་མཆོད་རྟེན་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཡོན་ཏན་དྲན་པར་བྱས་ཏེ། བ་དན་དེ་
D343.075.0188b04.01མཆོད་རྟེན་གྱི་སྟེང་གི་སྲོག་ཤིང་ལ་བཏགས་ནས་སྨོན་ལམ་བཏབ་པ། བདག་གིས་ཀྱང་ཡོན་ཏན་འདི་ལྟ་བུ་དག་ཐོབ་པར་གྱུར་ཅིག །སྟོན་པ་འདི་ལྟ་བུ་བདག་གིས་མཉེས་པར་བྱེད་པར་གྱུར་ཅིག །མི་མཉེས་པར་བྱེད་པར་མ་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས།
D343.075.0188b05.01དེའི་ཚེ་དེའི་དུས་ན་གྱད་དུ་གྱུར་པ་གང་ཡིན་པ་དེ་ནི་སྙན་གྲགས་འདི་ཡིན་ཏེ། དེས་བཅོམ་ལྡན་འདས་རྣམ་པར་གཟིགས་ཀྱི་མཆོད་རྟེན་ལ་བསྙེན་བཀུར་བྱས་པ་དེས་ན་འཁོར་བ་ན་བདེ་བ་མཐའ་ཡས་པ་མྱོང་བར་གྱུར་ལ། རྒྱུ་དེ་ཉིད་ཀྱིས་ད་ལྟར་ཡང་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་
D343.075.0188b06.01སློང་དག་དེ་ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་དཀར་བར་འགྱུར་རོ། །ལས་འདྲེན་མ་རྣམས་ནི་རྣམ་པར་སྨིན་པ་ཡང་འདྲེན་མར་འགྱུར་རོ། །
D343.075.0188b07.01