完整藏文原文 · 德格版页 当前仅加载第 75 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་འཁོར་བཞི་པོ་རྣམས་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་སྟོད། ཡང་དག་པར་དགའ་
D343.075.0232a01.01བར་བྱེད་དོ། །ཆོས་ཀྱི་གཏམ་རྣམ་གྲངས་དུ་མས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་སྟོད། ཡང་དག་པར་དགའ་བར་བྱས་ནས་ཅང་མི་ཟེར་བར་འདུག་གོ། །དེ་ནས་འཁོར་བཞི་པོ་རྣམས་སྟན་ལས་ལངས་ཏེ་བླ་གོས་
D343.075.0232a02.01ཕྲག་པ་གཅིག་ཏུ་གཟར་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་མཽད་གལ་གྱི་བུ་ཆེན་པོ་མཁྱེན་པར་མཛད་དུ་གསོལ། བདག་ཅག་གིས་བཅོམ་
D343.075.0232a03.01ལྡན་འདས་ཀྱི་ཞལ་མ་མཐོང་ནས་རིང་མོ་ཞིག་ལགས་ཏེ། བདག་ཅག་ནི་བཅོམ་ལྡན་འདས་མཐོང་བས་སྐོམ་ལགས་སོ། །བདག་ཅག་ནི་བཅོམ་ལྡན་འདས་མཐོང་བར་འཚལ་ཏེ། གལ་ཏེ་བཙུན་པ་མཽད་གལ་གྱི་བུ་ཆེན་པོ་ལ་གནོད་པ་མ་མཆིས་ན་བཙུན་པ་མཽད་གལ་གྱི་
D343.075.0232a04.01བུ་ཆེན་པོ་བཅོམ་ལྡན་འདས་ག་ལ་བ་དེར་གཤེགས་ཏེ་བྱོན་ནས་ཞབས་ལ་ཕྱག་བཞེས་ཏེ་གནོད་པ་ཆུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་ལྡན་ནམ། བདེ་བ་དང་ལྡན་ནམ། མི་བདེ་བ་མི་མངའ་འམ། བདེ་བ་ལ་རེག་
D343.075.0232a05.01པར་གནས་སམ་ཞེས་གསོལ་ལ་འདི་སྐད་ཅེས་ཀྱང་གསུངས་ཤིག །བཙུན་པ་འཛམ་བུའི་གླིང་པའི་འཁོར་བཞི་པོ་རྣམས་བཅོམ་ལྡན་འདས་མཐོང་བར་འཚལ་ཏེ། འདི་སྐད་དུ་བཙུན་པ་འཛམ་བུའི་གླིང་པའི་མི་རྣམས་ལ་ནི་གང་གིས་འཛམ་བུའི་གླིང་པའི་མི་རྣམས་
D343.075.0232a06.01བཅོམ་ལྡན་འདས་ལ་བལྟ་བ་དང་། ཐད་དུ་མཆི་བ་དང་། བསྙེན་བཀུར་བགྱི་བའི་སླད་དུ་སུམ་ཅུ་རྩ་གསུམ་པའི་ལྷ་ཡུལ་དུ་མཆི་བ་དེ་ལྟ་བུའི་རྫུ་འཕྲུལ་དང་མཐུ་མ་མཆིས་ལ། སུམ་ཅུ་རྩ་གསུམ་པའི་ལྷ་རྣམས་ལ་ནི་གང་གིས་སུམ་ཅུ་རྩ་གསུམ་པའི་ལྷ་རྣམས་
D343.075.0232a07.01