完整藏文原文 · 德格版页 当前仅加载第 75 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
གདུལ་བྱའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྟོགས་མཛད་ཅེས་བྱ་བ་འཇིག་རྟེན་དུ་བྱུང་སྟེ། དེ་ལྗོངས་རྒྱུ་ཞིང་གཤེགས་པ་ལས་རྒྱལ་པོའི་ཕོ་བྲང་འཁོར་ཞིག་ཏུ་བྱོན་ཏོ། །དེ་ནས་རྒྱལ་པོའི་སྐྱེད་མོས་
D343.075.0053b01.01ཚལ་དུས་ཚིགས་ཐམས་ཅད་དུ་འབྲས་བུ་ཕུན་སུམ་ཚོགས་པ་དང་ལྡན་པ་ཞིག་ཡོད་དེ། སྐྱེད་མོས་ཚལ་དེར་བཅོམ་ལྡན་འདས་གཤེགས་ནས་རྒྱལ་པོ་དེ་ལ་ཕན་གདགས་པའི་ཕྱིར་ཤིང་ལྗོན་པ་ཞིག་གི་དྲུང་ན་རྟེན་ཅིང་བཞུགས་སོ། །དེ་ནས་གདན་བཏིང་བ་ལ་བཞུགས་
D343.075.0053b02.01ཏེ་མེའི་ཁམས་ལ་སྙོམས་པར་ཞུགས་སོ། །དེ་ནས་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་དེ་བུད་མེད་ཀྱི་སིལ་སྙན་དང་རོལ་མོའི་སྒྲ་སྒྲོགས་པ་དག་དང་སྐྱེད་མོས་ཚལ་དུ་སོང་ངོ་། །དེ་ནས་རྒྱལ་པོ་དེ་སྐྱེད་མོས་ཚལ་དེ་ན་འཁྱམ་ཞིང་འགྲོ་བས། བཅོམ་ལྡན་འདས་
D343.075.0053b03.01ཡང་དག་པར་རྫོགས་པའི་སངས་རྒྱས་རྟོགས་མཛད་མཛེས་ཤིང་དགའ་བར་མཛད་པ། དབང་པོ་ཞི་བ། ཐུགས་ཞི་བ། ཐུགས་མཆོག་ཏུ་དུལ་ཞིང་རྣམ་པར་ཞི་བ་དང་ལྡན་པ། གསེར་གྱི་མཆོད་སྡོང་ལྟར་དཔལ་འབར་བ་མཐོང་ངོ་། །མཐོང་ནས་ཀྱང་རྒྱལ་པོ་དེ་དགའ་བར་
D343.075.0053b04.01གྱུར་ནས་བཙུན་མོའི་འཁོར་དང་བཅས་པས་སིལ་སྙན་རྣམ་པ་སྣ་ཚོགས་བསྒྲགས་ཏེ། བཅོམ་ལྡན་འདས་ཏིང་ངེ་འཛིན་དེ་ལས་བཞེངས་སུ་གསོལ་ཏོ། །ཞལ་ཟས་བཟང་པོ་ཡང་གསོལ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་
D343.075.0053b05.01བོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོར་གྱུར་པ་གང་ཡིན་པ་དེ་ནི་ང་ཡིན་ཏེ། ངས་ཡང་དག་པར་རྫོགས་པའི་སངས་རྒྱས་རྟོགས་མཛད་དེ་ལ་མཆོད་པ་བྱས་པ་དེ་ཉིད་ཀྱི་རྒྱུས་ད་ལྟར་ང་ལ་རོལ་མོ་མཁན་རྣམས་ཀྱིས་འདི་ལྟ་བུའི་བསྙེན་བཀུར་
D343.075.0053b06.01བྱས་སོ། །དགེ་སློང་དག་དེ་བས་ན་འདི་ལྟར་བསླབ་པར་བྱ་སྟེ། སྟོན་པ་ལ་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །མཆོད་པ་བྱའོ། །སྟོན་པ་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ནས་བརྟེན་ཏེ་གནས་པར་བྱའོ་ཞེས་དགེ་སློང་དག་
D343.075.0053b07.01