完整藏文原文 · 德格版页 当前仅加载第 75 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཡོན་ཏན་རྗེས་སུ་དྲན་ནས། དབུ་སྐྲ་དང་སེན་མོའི་མཆོད་རྟེན་ལ་ཕྱག་དར་བྱས་ཏེ། མར་མེའི་ཕྲེང་བ་དངར་ཏོ། །དེ་ནས་རེ་ཞིག་ན་རྒྱལ་པོ་མ་སྐྱེས་དགྲ་ཁང་པ་བརྩེགས་པའི་སྟེང་དུ་བྱུང་སྟེ། སྣང་བ་ཆེན་པོ་དེ་མཐོང་ནས་འདི་ཅི་ཞིག་ཅེས་དྲིས་པ་དང་། རེ་ཞིག་
D343.075.0147b01.01ན་གཞན་ཞིག་གིས་དཔལ་ལྡན་མས་དབུ་སྐྲ་དང་སེན་མོའི་མཆོད་རྟེན་ལ་མར་མེའི་ཕྲེང་བ་དངར་བ་ལགས་སོ་ཞེས་བྱས་སོ། །དེ་ནས་དཔལ་ལྡན་མ་བཀུག་སྟེ་ཅིའི་ཕྱིར་ཁྱོད་ཀྱིས་རྒྱལ་པོའི་བཀའ་བཅག་ཅེས་སྨྲས་ན། དེ་ན་རེ་བདག་གིས་ཁྱོད་ཀྱིས་བཀའ་བཅག་ཏུ་ལགས་
D343.075.0147b02.01ཀྱང་བདག་གིས་ཆོས་དང་ལྡན་པའི་རྒྱལ་པོ་གཟུགས་ཅན་སྙིང་པོའི་བཀའ་མ་བཅག་གོ་ཞེས་ཟེར་རོ། །དེ་ནས་དེ་ཁྲོས་ནས་འཁོར་ལོ་འཕངས་ཏེ་བསད་དོ། །དེ་ནས་བཅོམ་ལྡན་འདས་ལ་སེམས་དགའ་བར་གྱུར་ཏེ་ཤི་ནས་སུམ་ཅུ་རྩ་གསུམ་པའི་ལྷ་ཡུལ་བཟང་པོར་
D343.075.0147b03.01སྐྱེས་སོ། །དེའི་ཚེ་ལྷ་མདུན་མ་ཞིག་ཀྱང་འདུས་ནས་ལྷའི་བུ་མོ་དཔལ་ལྡན་མ་ལྷའི་འོད་ཀྱི་དཀྱིལ་འཁོར་སྣང་བ་ཁོ་ར་ཁོར་ཡུག་ཏུ་དཔག་ཚད་གཅིག་ཡོད་པ་དང་ལྡན་པ་དེ་ལྷའི་འདུན་སའི་ནང་དུ་སོང་ངོ་། །དེ་ནས་ལྷའི་དབང་པོ་བརྒྱ་བྱིན་གྱིས་སྣང་བ་ཆེན་པོ་དེ་དང་
D343.075.0147b04.01ལྷའི་འོད་དཔག་ཚད་གཅིག་པ་མཐོང་ནས་དྲིས་པ། ཅིའི་ཕྱིར་ཁྱོད་ཀྱི་ལུས་མདོག་དག་པའི་གསེར་འདྲ་པད་མ་ཨུད་པལ་ལྟ་བུར་གྱུར། །འདི་ན་ལུས་དཔལ་མཚུངས་མེད་ཁྱོད་ཀྱི་ལུས་ལས་འོད་འབྱུང་འདི་དག་ཅི་ལས་གྱུར། །ཅི་ཡི་ཕྱིར་ན་ཁྱོད་ཀྱི་བཞིན་མདོག་
D343.075.0147b05.01པད་མ་རྒྱས་འདྲ་གསེར་མདོག་ལྟ་བུར་གྱུར། །ལས་རྣམས་གང་གིས་འབྲས་བུ་མྱོང་གྱུར་འདི་ནི་ལྷ་མོ་ཁྱོད་ཀྱིས་བདག་ལ་སྨྲོས། །ལྷ་མོས་སྨྲས་པ། འཇིག་རྟེན་གསུམ་མགོན་འགྲོ་བའི་སྒྲོན་གཅིག་པོ། །མཚན་མཆོག་རྣམས་ཀྱིས་ཕྱུག་པའི་སངས་རྒྱས་
D343.075.0147b06.01མཐོང་། །སྨྲ་མཆོག་ཉོན་མོངས་མུན་པ་སེལ་བ་ལ། །མུན་པ་སེལ་བའི་མར་མེ་ཡོན་ཏུ་ཕུལ། །ཟླ་བའི་འོད་ཟེར་མདོག་དང་འདྲ་བའི་འོད། །མཐོང་ནས་ཐུབ་ལ་སྙིང་ནས་དད་པ་སྐྱེས། །འོད་ཟེར་མཐོང་ནས་དགའ་བར་གྱུར་པ་ཡིས། །སྟོན་པ་སྨྲ་བའི་མཆོག་ལ་
D343.075.0147b07.01