完整藏文原文 · 德格版页 当前仅加载第 75 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་བཅས་པ་དང་། རྩོད་པ་དང་བཅས་པ་དང་། རྣམ་པར་འཚེ་བ་དང་བཅས་པར་ཡང་དག་པར་མཐོང་ནས་ལྟ་བ་དེ་ཡང་སྤོང་ལ་ལྟ་བ་གཞན་ཡང་མི་ལེན་ཏོ། །དེ་ལྟར་ན་ལྟ་བ་དེ་ཡང་སྤོང་བ་དང་། འདོར་བ་དང་། སེལ་བར་འགྱུར་ལ་ལྟ་བ་གཞན་ཡང་ཉིང་མཚམས་སྦྱོར་བར་མི་
D343.075.0280b01.01འགྱུར། ཉེ་བར་ལེན་པར་མི་འགྱུར། འབྱུང་བར་མི་འགྱུར་རོ། །མེའི་ཆ་ལུགས་ཅན་གྱི་བུ་ལུས་འདི་ནི་གཟུགས་ཅན། རགས་པ། འབྱུང་བ་ཆེན་པོ་བཞིའི་རྒྱུ་ལས་བྱུང་བ་སྟེ། དེ་ལ་ནི་འཕགས་པ་ཉན་ཐོས་ཀྱིས་རྒྱུན་མི་འཆད་པར་སྐྱེ་བ་དང་། འཇིག་པར་རྗེས་སུ་ལྟ་བས་གནས་
D343.075.0280b02.01པར་བྱའོ། །འདོད་ཆགས་དང་བྲལ་བར་རྗེས་སུ་ལྟ་བ་དང་། འགོག་པར་རྗེས་སུ་ལྟ་བ་དང་། སྤངས་པར་རྗེས་སུ་ལྟ་བས་གནས་པར་བྱའོ། །འཕགས་པ་ཉན་ཐོས་ཀྱིས་དེ་ལ་རྒྱུན་མི་འཆད་པར་སྐྱེ་བ་དང་། འཇིག་པར་ལྟ་བས་གནས་ན་དེའི་ལུས་ལ་འདུན་པ་དང་། ལུས་ལ་བྱམས་
D343.075.0280b03.01པ་དང་། ལུས་ལ་ཕངས་པ་དང་། ལུས་ལ་གནས་པ་དང་། ལུས་ལ་ཞེན་པ་དང་། ལུས་ལ་ལྷག་པར་ཞེན་པ་གང་ཡིན་པ་དེ་ལ་དེའི་སེམས་ཟིལ་གྱིས་ནོན་ཅིང་འདུག་པར་མི་འགྱུར་རོ། །མེའི་ཆ་ལུགས་ཅན་གྱི་བུ་ཚོར་བ་འདི་ནི་འདི་གསུམ་ཡིན་ཏེ། གསུམ་གང་ཞེ་ན། བདེ་བ་
D343.075.0280b04.01དང་། སྡུག་བསྔལ་བ་དང་། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་སྟེ། ཐོས་པ་དང་ལྡན་པའི་འཕགས་པ་ཉན་ཐོས་ནི་གང་གི་ཚེ་བདེ་བའི་ཚོར་བ་མྱོང་བ་དེའི་ཚེ་དེའི་སྡུག་བསྔལ་དང་། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་གཉིས་འགག་པར་འགྱུར་ཏེ།
D343.075.0280b05.01དེའི་ཚེ་འཕགས་པ་ཉན་ཐོས་ཀྱིས་བདེ་བའི་ཚོར་བ་ཉི་ཚེ་མྱོང་བར་འགྱུར་ལ། བདེ་བའི་ཚོར་བ་དེ་ཡང་མི་རྟག་པ་དང་། འགོག་པའི་ཆོས་ཅན་ཡིན་ནོ། །འཕགས་པ་ཉན་ཐོས་ནི་གང་གི་ཚེ་སྡུག་བསྔལ་གྱི་ཚོར་བ་མྱོང་བ་དེའི་ཚེ་དེའི་བདེ་བ་དང་། སྡུག་བསྔལ་ཡང་མ་ཡིན་བདེ་བ་
D343.075.0280b06.01ཡང་མ་ཡིན་པའི་ཚོར་བ་གཉིས་འགག་པར་འགྱུར་ཏེ། དེའི་ཚེ་འཕགས་པ་ཉན་ཐོས་ཀྱིས་སྡུག་བསྔལ་གྱི་ཚོར་བ་ཉི་ཚེ་མྱོང་བར་འགྱུར་ལ་སྡུག་བསྔལ་གྱི་ཚོར་བ་དེ་ཡང་མི་རྟག་པ་དང་། འགོག་པའི་ཆོས་ཅན་ཡིན་ནོ། །འཕགས་པ་ཉན་ཐོས་ནི་གང་གི་ཚེ་སྡུག་བསྔལ་ཡང་མ་ཡིན་
D343.075.0280b07.01