完整藏文原文 · 德格版页 当前仅加载第 75 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་དང་། མེའི་ཁམས་དང་། རླུང་གི་ཁམས་ལ་རྣམ་པར་སྨིན་པར་མི་འགྱུར་ཏེ། ལས་དགེ་བ་དང་མི་དགེ་བ་བྱས་ཤིང་བསགས་པ་རྣམས་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་རྣམས་འབའ་ཞིག་ལ་རྣམ་པར་སྨིན་པར་འགྱུར་རོ། །ལུས་ཅན་དག་གི་ལས་རྣམས་ནི། །བསྐལ་
D343.075.0271b01.01པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབ་པ་ན། །འབྲས་བུ་ཉིད་དུ་སྨིན་པར་འགྱུར། །དགེ་སློང་དག་སྔོན་བྱུང་བ་འདས་པའི་དུས་ན་གྲོང་ཁྱེར་བཱ་རཱ་ཎ་སཱི་ན་ཚོང་དཔོན་ཞིག་འདུག་པ་དེ་ཚོང་དཔོན་གཞན་ཞིག་དང་མི་མཛའ་ནས་དེས་རྒྱལ་པོ་ལ་ནོར་མང་པོ་ཕུལ་ཏེ་གསོལ་བ་བཏབ་པ།
D343.075.0271b02.01ལྷ་ཚོང་དཔོན་འདིས་ནོངས་པ་བགྱིས་ཀྱིས་འདི་ཆད་པས་གཅད་ཅིང་ཚར་གཅད་པར་གསོལ་ཞེས་བྱས་སོ། །དེ་ནས་རྒྱལ་པོས་གནང་སྟེ་དེ་ཉིད་ཆད་པས་གཅོད་དུ་བཅུག་གོ། །དེ་ནས་དེས་བདག་གི་ཁྱིམ་དུ་བཀུག་ནས་ལྕག་གིས་གཞུས་སོ། །དེ་ནས་ལུས་ལས་ཁྲག་བྱུང་ནས་དུག་དྲག་
D343.075.0271b03.01པོའི་ཕྱེ་མ་མང་པོས་བཏབ་སྟེ་དེས་དེའི་ལུས་དེ་ཤ་སྣག་བུ་བཞིན་དུ་ཕྱིལ་པོར་འདུག་པར་གྱུར་ཏོ། །དེ་ནས་ཚོང་དཔོན་དེའི་གྲོགས་པོ་རྣམས་ཀྱིས་དེ་ལ་ཇི་ལྟར་བྱས་པ་ཐོས་ནས་དེ་དག་བསྡོངས་ཏེ་ཡོ་བྱད་ཀྱི་ཁྱད་པར་དག་གིས་ནད་དེ་ལས་སོས་པར་བྱས་སོ། །དེ་ནས་དེ་སྐྱོ་བར་གྱུར་པ་དེ་ཁོ་ནས་
D343.075.0271b04.01ཁྱིམ་ནས་བྱུང་སྟེ་རབ་ཏུ་བྱུང་ནས་དེས་སློབ་དཔོན་མེད་པར་བྱང་ཆུབ་ཀྱི་ཕྱོགས་དང་འཐུན་པའི་ཆོས་སུམ་ཅུ་རྩ་བདུན་བསྒོམས་ཏེ་རང་སངས་རྒྱས་ཀྱི་བྱང་ཆུབ་མངོན་སུམ་དུ་བྱས་སོ། །དེ་ནས་དེའི་སེམས་སྐྱེས་པ་ཚོང་དཔོན་དེས་ནི་བདག་གི་རྒྱུད་ལས་བསོད་ནམས་མ་ཡིན་པ་ཆེན་པོ་བསྐྱེད་ཀྱིས་
D343.075.0271b05.01མེད་ན་མ་ལ་བདག་དེའི་ཐད་དུ་སོང་ལ་སྐྱོ་བ་བསྐྱེད་པར་བྱ་གོར་མ་ཆག་སྙམ་མོ། །དེ་ནས་དེའི་མདུན་དུ་སོང་ནས་སྟེང་གི་ནམ་མཁའ་ལ་མངོན་པར་འཕགས་ཏེ། ཆོ་འཕྲུལ་���ྣམ་པ་སྣ་ཚོགས་བསྟན་ཏོ། །སོ་སོའི་སྐྱེ་བོ་རྣམས་ནི་རྫུ་འཕྲུལ་གྱིས་མྱུར་དུ་དད་པར་བྱེད་དོ། །དེ་སྡོང་པོ་རྩ་བ་ནས་
D343.075.0271b06.01བཅད་པ་བཞིན་དུ་རྐང་པ་ལ་ཕྱག་འཚལ་ནས་ཐལ་མོ་སྦྱར་ཏེ་བཅོམ་ལྡན་འདས་དེ་ལ་གསོལ་བ་བཏབ་པ། ཡོན་གནས་ཆེན་པོ་མར་གཤེགས། ཁྱོད་ལ་བདག་གིས་ནོངས་པ་བགྱིས་ཀྱིས། དེ་ཡང་ཁྱོད་ཉིད་ལས་བརྟེན་ཏེ་འབྱུང་བར་བགྱིའོ་ཞེས་བྱས་ཏེ། དེས་རང་སངས་རྒྱས་དེ་ལ་
D343.075.0271b07.01