完整藏文原文 · 德格版页 当前仅加载第 75 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་དུ་ཡོད་པ་ན་བྲམ་ཟེ་ཕྱུག་ཅིང་ནོར་མང་
D343.075.0263b01.01ལ་ལོངས་སྤྱོད་ཆེ་བ། ཡོངས་སུ་འཛིན་པ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུའི་ནོར་དང་འགྲན་པ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་
D343.075.0263b02.01དོ། །དེ་རྩེ་ཞིང་དགའ་ལ་དགའ་མགུར་སྤྱོད་པ་ལས་ཆུང་མ་ལ་བུ་ཆགས་ནས། དེ་ཟླ་བ་བརྒྱད་དམ་དགུ་ལོན་པ་དང་བུ་བྱུང་སྟེ། ཁྱེའུ་མདོག་ངན་པ། བལྟ་ན་མི་སྡུག་པ། བྱད་ངན་པ་ཞིག་བཙས་ཏེ། དེ་བཙས་མ་ཐག་ཏུ་དེའི་མའི་ནུ་མ་གཉིས་ལ་འོ་མ་མེད་པར་གྱུར་
D343.075.0263b03.01ཏོ། །རེ་ཞིག་ན་བྲམ་ཟེ་དེས་དེའི་མ་མ་གཞན་ཞིག་བཀུག་ན་དེའི་འོ་མ་ཡང་ཁྱེའུ་དེའི་ལས་ཀྱི་རྣམ་པར་སྨིན་པས་མེད་པར་གྱུར་ཏོ། །དེ་ནས་གང་གི་ཚེ་དེའི་ཕྱིར་འོ་མ་འབྱུང་བའི་ཐབས་སྦྱར་བ་ཐམས་ཅད་ལས་ཀྱང་འོ་མ་མི་འབྱུང་བར་གྱུར་པ་དེའི་ཚེ་དེ་འདེ་གུས་གསོས་ནས་དེའི་
D343.075.0263b04.01མིང་འདེ་གུས་གསོས་འདེ་གུས་གསོས་ཞེས་བྱ་བར་བཏགས་སོ། །དེ་བསོད་ནམས་ཆུང་བར་གྲགས་ཤིང་བསོད་ནམས་ཆུང་བ་ཞིག་སྟེ་གང་གི་ཚེ་དེ་ཆེར་སྐྱེས་པ་དེའི་ཚེ་ལྟོ་གང་ཡང་མི་རྙེད་དོ། །དེ་ནས་དེས་དགེ་སློང་ཤམ་ཐབས་ལེགས་པར་གྱོན་པ། གོས་ལེགས་པར་
D343.075.0263b05.01བགོས་པ་དག་ལྷུང་བཟེད་བུང་བའི་མདོག་ལྟར་གནག་པ་ཐོགས་ནས་མཉན་དུ་ཡོད་པར་བསོད་སྙོམས་ལ་འགྲོ་ལ། དེ་དག་ཀྱང་ལག་པ་ཡང་བཀང་། ལྷུང་བཟེད་ཀྱང་བཀང་སྟེ་ཕྱིར་བྱུང་བ་མཐོང་ངོ་། །མཐོང་ནས་ཀྱང་དེ་བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་
D343.075.0263b06.01བར་འདོད་པར་གྱུར་ནས་དེས་ཕ་མ་ལ་གསོལ་ཏེ་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ངོ་། །དེ་རབ་ཏུ་བྱུང་ཡང་ལྟོ་གང་ཡང་མི་རྙེད་ནས་དེ་སྐྱོ་བར་གྱུར་པ་དེ་ཉིད་ཀྱིས་བརྩོན་པ་དང་། བསྒྲུབ་པ་དང་། འབད་པས་ཕོལ་མིག་ལྔ་པའི་འཁོར་བའི་འཁོར་ལོ་འདི་ཉིད་
D343.075.0263b07.01