完整藏文原文 · 德格版页 当前仅加载第 75 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །ཆང་གིས་ར་རོ་བ་རྣམས་ཀྱང་སངས་པར་གྱུར་ཏོ། །དུག་འཐུངས་པ་རྣམས་ཀྱང་དུག་མེད་པར་གྱུར་ཏོ། །ཕན་ཚུན་འཁོན་པ་རྣམས་ཀྱང་བྱམས་པའི་སེམས་ཐོབ་པར་གྱུར་ཏོ། །སྦྲུམ་པ་རྣམས་ཀྱང་བདེ་བར་བཙའ་བར་གྱུར་ཏོ། །བཅིངས་
D343.075.0058a01.01པ་རྣམས་ཀྱང་གྲོལ་བར་གྱུར་ཏོ། །ནོར་མེད་པ་རྣམས་ཀྱང་ནོར་རྙེད་པར་གྱུར་ཏོ། །བར་སྣང་ལ་གནས་པའི་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱང་ལྷའི་མེ་ཏོག་གི་ཆར་འབེབས་སོ། །དེ་
D343.075.0058a02.01ནས་བཅོམ་ལྡན་འདས་དེ་ལྟ་བུའི་འབྱོར་པས་རྒྱལ་པོའི་ཕོ་བྲང་དུ་གཤེགས་སོ། །རྒྱལ་པོ་གཟུགས་ཅན་སྙིང་པོ་ཡང་བདག་ཉིད་ལག་དར་ཏེ་ཕྱི་རོལ་གྱི་སྒོ་ཁང་དུ་ཞབས་བསིལ་བའི་ཙན་དན་ས་མཆོག་པའི་ཆུ་ཐོགས་ཏེ། བཅོམ་ལྡན་འདས་དང་དགེ་སློང་གི་དགེ་འདུན་གྱི་ཞབས་
D343.075.0058a03.01བསིལ་ཏོ། །དེ་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་རོ་བརྒྱ་དང་ལྡན་པའི་ཞལ་ཟས་གསོལ་ཏོ། །བཤོས་གསོལ་ནས་ཀ་ཤི་ཀའི་ན་བཟའ་ཡང་ཕུལ་ལོ། །རྒྱུ་དེས་ན་མ་ག་དྷཱའི་ཕོ་བྲང་འཁོར་གྱི་མི་རྣམས་དད་པར་གྱུར་ཏོ། །
D343.075.0058a04.01དེ་ནས་དགེ་སློང་དག་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དགེ་བའི་རྩ་བ་གང་གིས་བཅོམ་ལྡན་འདས་དང་དགེ་སློང་གི་དགེ་འདུན་གྱིས་འདི་ལྟ་བུའི་མཆོད་པ་བརྙེས་པའི་དགེ་བའི་རྩ་བ་རྣམས་བཅོམ་ལྡན་འདས་
D343.075.0058a05.01ཀྱིས་གང་དུ་མཛད་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་བཞིན་གཤེགས་པ་ཉིད་ཀྱིས་སྔོན་ཚེ་རབས་གཞན་དག་ཏུ་ཚོགས་རྙེད་ཅིང་རྐྱེན་གྲུབ་པ་དང་ལྡན་ཏེ། དབའ་རྒལ་བཞིན་དུ་འབྱུང་ལ་གདོན་མི་ཟ་བར་འོང་བའི་ལས་དེ་དག་བྱས་ཤིང་བསགས་
D343.075.0058a06.01པས་ན་ང་ཉིད་ཀྱིས་ལས་བྱས་ཤིང་བསགས་པ་དེ་དག་གཞན་སུ་ཞིག་གིས་ཉམས་སུ་མྱོང་བར་འགྱུར་ཏེ། དགེ་སློང་དག་ལས་བྱས་ཤིང་བསགས་པ་རྣམས་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་དང་མེའི་ཁམས་དང་རླུང་གི་ཁམས་ལ་རྣམ་
D343.075.0058a07.01