完整藏文原文 · 德格版页 当前仅加载第 75 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་སྤྱན་དྲངས་ཏེ། ཡུལ་སློ་མ་ཅན་གྱི་སྐྱེ་བོ་མང་པོ་གདུལ་བར་བྱ་བ་རྣམས་དད་པར་མཛད་པ་དེའི་ཚེ་ཡུལ་སློ་མ་ཅན་ན་གནས་པའི་སྐྱེ་བོའི་ཚོགས་ཐམས་ཅད་སངས་རྒྱས་ལ་གཞོལ། ཆོས་ལ་འབབ། དགེ་འདུན་ལ་འབབ་སྟེ། འཁོད་དོ། །དེའི་ཚེ་ཡུལ་སློ་མ་ཅན་ན་ཁྱིམ་བདག་ཕྱུག་ཅིང་ནོར་མང་
D343.075.0269b01.01ལ་ལོངས་སྤྱོད་ཆེ་བ། ཡོངས་སུ་འཛིན་པ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུའི་ནོར་དང་འགྲན་པ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དོ། །དེ་རྩེ་ཞིང་དགའ་ལ་དགའ་
D343.075.0269b02.01མགུར་སྤྱོད་པ་ལས་ཆུང་མ་ལ་བུ་ཆགས་ནས། དེ་ཟླ་བ་བརྒྱད་དམ་དགུ་ལོན་པ་དང་བུ་བྱུང་སྟེ། ཁྱེའུ་ཞིག་བཙས་ནས་བཙས་མ་ཐག་ཏུ་དེའི་ལུས་ཐམས་ཅད་ཕོལ་མིག་གིས་ཞུ་ལུབ་ཏུ་ཁྱབ་པར་འདུག་སྟེ། གང་གི་ཚེ་ཕོལ་མིག་དེ་དག་རྡོལ་བ་དེའི་ཚེ་ཤ་སྣག་བུ་ཕྱིལ་པོར་གྱུར་ཏེ། དེའི་ལུས་ལས་
D343.075.0269b03.01རྣག་ཁྲག་འཛག་ཅིང་དྲི་ཤིན་ཏུ་མནམ་པ་འབྱུང་ངོ་། །དེ་ནས་དེའི་ཕས་དབང་ཕྱུག་གི་སྟོབས་ཀྱི་ཤུགས་ཀྱིས་ནོར་དང་། སྔགས་དང་། སྨན་དང་། གཡོག་དང་ལྡན་པར་བདག་ཉིད་ཀྱིས་གསོས་ན། འོན་ཀྱང་ལས་ཀྱི་སྟོབས་ཀྱི་ཤུགས་ཐོབ་པས་ནད་དེ་ཞི་བར་མ་གྱུར་ཏེ་ལུས་ཐམས་ཅད་དེ་ལྟ་བུར་
D343.075.0269b04.01གྱུར་ནས་ངོ་ཚ་སྟེ་གོས་ཀྱིས་སྦེད་པར་བྱེད་པས་ན་དེའི་མིང་སྦེད་པ་ཞེས་བཏགས་སོ། །དེ་ནས་རེ་ཞིག་ན་ཁྱེའུ་སྦེད་པ་ཆེར་སྐྱེས་ནས་དེའི་གྲོགས་པོ་ན་ཟླ་རྣམས་མཉན་དུ་ཡོད་པའི་གྲོང་ཁྱེར་སློ་མ་ཅན་དུ་དོང་དོང་བ་དེ་དག་གིས་དེའི་ཕ་ལ་སྨྲས་པ། ཡབ་གལ་ཏེ་འདི་མཉན་དུ་ཡོད་པར་ཁྲིད་ན་ནི་དེ་ན་སྨན་པ་དང་།
D343.075.0269b05.01སྨན་ལ་སོགས་པ་མཆིས་ཏེ་མོད་པས་ནད་དེ་ལས་གསོ་ནུས་སོ་ཞེས་བྱས་སོ། །དེ་ནས་དེའི་ཕས་ཚིག་དེ་མཉན་ནས་རིན་པོ་ཆེ་མང་པོ་དང་། གཡོག་རྣམས་བྱིན་ཏེ་མཉན་དུ་ཡོད་པར་བཏང་ནས་དེ་མཐར་གྱིས་གྲོགས་པོ་ན་ཟླ་རྣམས་དང་མཉན་དུ་ཡོད་པར་ཕྱིན་ན་དེ་ན་སྨན་པ་དང་། ནོར་དང་། སྨན་དང་།
D343.075.0269b06.01གཡོག་ཀྱང་མང་དུ་ཡོད་མོད་ཀྱི། དེའི་ལས་ལས་སྐྱེས་པའི་ནད་དེ་གསོ་མ་ནུས་སོ། །དེ་ནས་ཕྱིས་རེ་ཞིག་ན་དེ་རྒྱལ་བུ་རྒྱལ་བྱེད་ཀྱི་ཚལ་དུ་སོང་ནས། དེ་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་
D343.075.0269b07.01