完整藏文原文 · 德格版页 当前仅加载第 75 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
གཞི་ལ་ལྷོད་པར་བྱས་སོ། །དེ་ནས་དགེ་སློང་མ་རྣམས་ཀྱིས་ཚུལ་ཁྲིམས་འཆལ་པའི་ཕྱིར་བསྐྲད་དོ། །དེ་ནས་དེས་སྦྱིན་བདག་ཁྱིམ་བདག་རྣམས་དད་པས་ངེས་པར་འབུལ་བའང་གཅོད་དུ་བཅུག །སློབ་པ་དང་མི་སློབ་པའི་དགེ་སློང་མ་རྣམས་ཀྱི་བསྔགས་པ་མ་ཡིན་པ་ཡང་བརྗོད། དགེ་
D343.075.0129b01.01སློང་ཚུལ་ཁྲིམས་དང་ལྡན་པ་གང་ཡིན་པ་དེ་དག་མཐོང་ན་ཡང་མིག་བཙུམས་ཏེ་འདུག་གོ། །དགའ་བྱེད་ཇི་སྙམ་དུ་སེམས། ཚོང་དཔོན་གྱི་བུ་མོ་གང་ཡིན་པ་དེ་ནི་{ཡི་དགས་,ཡི་དྭགས་}མོ་འདི་ཡིན་ཏེ། དེས་གཙུག་ལག་ཁང་ལ་སེར་སྣ་བྱས་པ་དེས་ནི་{ཡི་དགས་,ཡི་དྭགས་}སུ་སྐྱེས་སོ། །དེས་ནར་
D343.075.0129b02.01མ་བཅད་པ་དེས་ནི་ཁྭ་དང་བྱ་རྒོད་དང་ཁྱི་དང་ཝ་རྣམས་ཀྱིས་བསྐོར་ཏོ། །དེས་སློབ་པ་དང་མི་སློབ་པའི་དགེ་སློང་མ་རྣམས་ཀྱི་བསྔགས་པ་མ་ཡིན་པ་བརྗོད་པས་ནི་དེའི་ལུས་དྲི་ང་བར་གྱུར་ཏོ། །དགེ་སློང་ཚུལ་ཁྲིམས་དང་ལྡན་པ་རྣམས་མཐོང་ན་མིག་བཙུམས་པས་ནི་དམུས་ལོང་དུ་གྱུར་ཏོ། །
D343.075.0129b03.01དགའ་བྱེད་དེ་ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་དཀར་བར་འགྱུར་རོ། །ལས་འདྲེན་མ་རྣམས་ནི་རྣམ་པར་སྨིན་པ་ཡང་འདྲེན་མར་འགྱུར་རོ། །
D343.075.0129b04.01དགའ་བྱེད་དེ་བས་ན་ལས་གཅིག་ཏུ་ངེས་པར་གནག་པ་རྣམས་དང་འདྲེན་མ་རྣམས་སྤངས་ལ། ལས་གཅིག་ཏུ་ངེས་པར་དཀར་བ་རྣམས་འབའ་ཞིག་ལ་གཏད་པར་བྱ་སྟེ་དགའ་བྱེད་ཁྱོད་ཀྱིས་དེ་ལྟར་བསླབ་པར་བྱའོ། །ཆོས་ཀྱི་རྣམ་གྲངས་འདི་བསྟན་པ་ན་སྲོག་ཆགས་ས་ཡས་བདེན་པ་མཐོང་བར་གྱུར་ཏོ། །
D343.075.0129b05.01དེར་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་སེར་སྣ་དང་ངག་གི་ཉེས་པར་སྤྱོད་པའི་ཉེས་དམིགས་དེ་དག་དང་གཞན་དག་ཀྱང་རྟོགས་ནས། སེར་སྣ་དང་ངག་གི་ཉེས་པར་སྤྱོད་པ་སྤང་བའི་ཕྱིར་བརྩོན་པར་བྱ་སྟེ། དགེ་སློང་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་
D343.075.0129b06.01ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། ལྷ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་གཞན་དག་ཀྱང་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།
D343.075.0129b07.01