完整藏文原文 · 德格版页 当前仅加载第 75 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པའི་ལམ་ཡང་བདག་གིས་ཐོབ། །བདག་གིས་དེ་རིང་ཉེས་པ་སྤངས་པའི་མིག །ཤིན་ཏུ་རྣམ་དག་ཁྱོད་ལས་བརྟེན་ནས་ཐོབ། །བདག་ནི་སྡུག་བསྔལ་རྒྱ་མཚོ་ཕ་རོལ་རྒལ། །འཕགས་པ་དགྱེས་པ་ཞི་བའི་གོ་འཕང་ཐོབ། །མི་མཆོག་དབང་པོ་མི་དང་ལྷས་མཆོད་པ། །
D343.075.0160b01.01སྐྱེ་དང་རྒ་དང་འཆི་བའི་ནད་སྤངས་པ། །སྲིད་པ་སྟོང་དུ་མཐོང་བར་དཀའ་བ་ཡི། །ཐུབ་པ་ཁྱོད་ནི་དེང་མཐོང་འབྲས་བུ་ཡོད། །དེ་ནས་དོ་ཤལ་འཕྱང་བ་དགའ་གྱུར་ཏེ། །བཏུད་ཅིང་ཞབས་གཉིས་ལ་ནི་ཕྱག་འཚལ་ནས། །དགྲ་ཐུབ་ལ་ནི་བསྐོར་བ་བྱས་ནས་ཀྱང་། །ལྷ་ཡི་འཇིག་
D343.075.0160b02.01རྟེན་ཁ་བལྟས་ལྷ་ཡུལ་སོང་། །དེ་ནས་སྔོན་མ་ཧེར་གྱུར་པའི་ལྷའི་བུ་དེ་ཚོང་པ་ཁེ་སྤོགས་ཕྱིན་པ་དང་ཞིང་པ་འབྲུ་རྒྱལ་བར་གྱུར་པ་དང་དཔའ་བོ་གཡུལ་ལས་རྒྱལ་བ་དང་ནད་པ་ནད་ཐམས་ཅད་ལས་ཐར་བ་བཞིན་དུ་འབྱོར་པ་གང་གིས་བཅོམ་ལྡན་འདས་ཀྱི་ཐད་དུ་འོངས་པའི་འབྱོར་པ་
D343.075.0160b03.01དེ་ཉིད་ཀྱིས་རང་གི་གནས་སུ་སོང་ངོ་། །དེ་ནས་མ་ཧེ་རྫི་དེ་དག་གིས་སྣང་བ་ཆེན་པོ་དེ་མཐོང་ངོ་། །དེ་མཐོང་ནས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཅོམ་ལྡན་འདས་མདང་སུམ་བཅོམ་ལྡན་འདས་ཀྱི་ཐད་དུ་མཆིས་
D343.075.0160b04.01ཏེ། ལྷའི་འོད་ཀྱིས་སྣང་བར་བགྱིས་པ་དེ་སུ་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱི་མ་ཧེ་དེ་ང་ལ་སེམས་དགའ་བར་གྱུར་ཏེ་ཤི་ནས་སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་ཏེ། དེ་མདང་སུམ་ངའི་ཐད་དུ་འོངས་ནས་ངས་དེ་ལ་ཆོས་བསྟན་ཏེ།
D343.075.0160b05.01བདེན་པ་མཐོང་བར་གྱུར་ནས་རང་གི་གནས་སུ་སོང་ངོ་། །དེ་ནས་མ་ཧེ་རྫི་དེ་དག་མཆོག་ཏུ་ཡ་མཚན་དུ་གྱུར་ཏེ་ངོ་མཚར་ཏོ། །དུད་འགྲོའི་སྐྱེ་གནས་སུ་སྐྱེས་པ་འདི་ཡང་དགེ་བའི་བཤེས་གཉེན་བཅོམ་ལྡན་འདས་དང་ཕྲད་ནས་ལྷའི་ནང་དུ་སྐྱེས་ཏེ། བདེན་པ་མཐོང་བར་གྱུར་ན་བདག་
D343.075.0160b06.01ཅག་གིས་ཅི་སྟེ་ཁྱད་པར་ཐོབ་པར་མི་འགྱུར་སྙམ་མོ། །དེ་ནས་དེ་དག་གིས་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཞལ་ཟས་བཟང་པོས་ཚིམ་པར་བྱས་ནས་བཅོམ་ལྡན་འདས་ཀྱི་ཐད་དུ་རབ་ཏུ་བྱུང་སྟེ། དེ་དག་གིས་བརྩོན་པ་དང་བསྒྲུབ་པ་དང་འབད་པས་
D343.075.0160b07.01