完整藏文原文 · 德格版页 当前仅加载第 75 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷོ་ཕྱོགས་སུ་སོང་བ་དེ་དག་གིས་རྒྱལ་པོ་ཀ་པི་ན་ཆེན་པོ་ལ་སྐྱེས་ཕུལ་ལོ། །དེ་ནས་རྒྱལ་པོས་སྨྲས་པ། ཀྱེ་ཚོང་པ་དག་ཡུལ་དེའི་རྒྱལ་པོ་སུ་ཡིན། ཚོང་པ་རྣམས་ཀྱིས་གསོལ་པ། ལྷ་ཡུལ་ཁ་ཅིག་ན་ནི་མང་པོ་ཚོགས་པ་དབང་བགྱིད་དོ། །ཡུལ་ཁ་ཅིག་
D343.075.0240a01.01ན་ནི་རྒྱལ་པོ་དབང་བགྱིད་དོ། །དེ་ནས་རེ་ཞིག་ན་རྒྱལ་པོ་ཀ་པི་ན་ཆེན་པོས་མཉན་དུ་ཡོད་པ་ལ་སོགས་པ་གྲོང་ཁྱེར་ཆེན་པོ་དྲུག་ཏུ་ཕོ་ཉ་བཏང་སྟེ། གལ་ཏེ་ཁྱོད་འགྲེང་བ་ལ་བབ་པ་ན་ཡང་མ་འདུག་པར་མྱུར་དུ་ཤེག་ཤིག །དེ་ལྟར་མ་བྱས་ན་ཆད་པས་ཆེར་གཅོད་དོ་ཞེས་བྱས་སོ། །
D343.075.0240a02.01དེ་ནས་ཚིག་དེ་ཐོས་ནས་གྲོང་ཁྱེར་ཆེན་པོ་དྲུག་ན་གནས་པའི་རྒྱལ་པོ་རྣམས་འཇིགས་ཤིང་སྐྲག་ལ་མི་དགའ་སྟེ་སྐྱི་བུང་ཞེས་བྱས་ནས་འདུས་ཤིང་ཚོགས་ཏེ་གྲོས་འཐུན་པར་བྱས་ནས་མཉན་དུ་ཡོད་པར་ལྷགས་སོ། །དེ་ནས་བཅོམ་ལྡན་འདས་ཀྱི་ཐད་དུ་དོང་སྟེ་གཏམ་དེ་བཅོམ་ལྡན་
D343.075.0240a03.01འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་དེ་དག་དབུགས་ཕྱུང་སྟེ་ཕོ་ཉ་དེ་ངའི་ཐད་དུ་ཁུག་ཤིག་ཅེས་བཀའ་སྩལ་ཏོ། །དེ་ནས་དེ་དག་གིས་ཕོ་ཉ་ལ་ཁོ་བོ་ཅག་གི་རྒྱལ་པོའི་ཡང་རྒྱལ་པོ་ཡོད་ཀྱིས་རེ་ཞིག་དེའི་སྤྱན་སྔར་མཆི་ཤིག་ཅེས་བསྒོའོ། །
D343.075.0240a04.01དེ་ནས་བཅོམ་ལྡན་འདས་ཀྱིས་ཕོ་ཉ་འོང་བར་ཐུགས་སུ་ཆུད་ནས་རྒྱལ་བུ་རྒྱལ་བྱེད་ཀྱི་ཚལ་ལྷའི་གྲོང་ཁྱེར་བལྟ་ན་སྡུག་དང་འདྲ་བར་རིན་པོ་ཆེ་སྣ་བཞིར་སྤྲུལ་ཏོ། །རྒྱལ་པོ་ཆེན་པོ་བཞི་ནི་དེའི་སྒོ་དཔོན་ལྟ་བུར་བཀོད་དོ། །གླང་པོ་ཆེ་ས་སྲུང་གི་བུ་ལྟ་བུ་དག་དང་། རྟ་སྤྲིན་
D343.075.0240a05.01གྱི་ཤུགས་ཅན་ལྟ་བུ་དག་དང་། ཤིང་རྟ་དགའ་བྱེད་སྒྲ་ལྟ་བུ་དག་དང་། མི་གནོད་སྦྱིན་མི་བཟད་པ་ལྟ་བུ་དག་ཀྱང་བཀོད་དོ། །བཅོམ་ལྡན་འདས་ཉིད་ནི་འཁོར་ལོས་སྒྱུར་བའི་རྒྱལ་པོའི་ཆ་ལུགས་སུ་སྤྲུལ་ཏོ། །སེང་གེའི་ཁྲི་འཕང་དུ་ཏ་ལ་བདུན་ཙམ་ཡོད་པ་
D343.075.0240a06.01ཡང་སྤྲུལ་ཏེ། དེ་ལ་བཅོམ་ལྡན་འདས་བཞུགས་སོ། །དེ་ནས་ཕོ་ཉས་དེ་ལྟ་བུར་མཛེས་པ་དག་མཐོང་ནས་མཆོག་ཏུ་ཡ་མཚན་དུ་གྱུར་ཏོ། །དེ་ནས་བཅོམ་ལྡན་འདས་ཀྱིས་ཕྲིན་ཡིག་བྲིས་ནས་ཕོ་ཉ་དེ་ལ་བཀའ་སྩལ་པ། རྒྱལ་པོ་ཀ་པི་ན་ལ་ང་ན་རེ་ཕྲིན་ཡིག་
D343.075.0240a07.01