完整藏文原文 · 德格版页 当前仅加载第 75 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་
D343.075.0146b01.01གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་རྟེན་ཅིང་བཞུགས་སོ། །དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ན་རྒྱལ་པོ་གཟུགས་ཅན་
D343.075.0146b02.01སྙིང་པོ་རྒྱལ་པོ་བྱེད་དེ། དེའི་རིང་ལ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་མི་མང་པོས་གང་བ་དང་། རྩོད་པ་དང་། འཐབ་པ་ཞི་བ་དང་། འཁྲུག་པ་དང་། ནང་འཁྲུག་དང་། ཆོམ་རྐུན་དང་། མུ་གེ་དང་། ནད་རྣམས་མེད་
D343.075.0146b03.01པ་དང་། འབྲས་སཱ་ལུ་དང་། བུ་རམ་ཤིང་དང་། བ་ལང་དང་། མ་ཧེ་དང་ལྡན་པར་འདུག་སྟེ། གནོད་པ་མེད་ཅིང་ཚེར་མ་དཀྲུགས་ལ་བུ་གཅིག་པ་ལ་བྱ་བ་བཞིན་དུ་རྒྱལ་སྲིད་བསྐྱངས་སོ། །དེ་ནས་གང་གི་ཚེ་རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ལས་བདེན་པ་མཐོང་བ་
D343.075.0146b04.01དེའི་ཚེ་བཙུན་མོའི་འཁོར་དང་བཅས་ཏེ། དུས་གསུམ་དུ་བཅོམ་ལྡན་འདས་ཀྱི་ཐད་དུ་འགྲོའོ། །དེ་ནས་རྒྱལ་པོ་གཟུགས་ཅན་སྙིང་པོ་ཕྱི་ཞིག་ན་དཔྱིད་ཀྱི་དུས་ལ་བབ་པའི་ཚེ། ཤིང་ལྗོན་པ་རྣམས་མེ་ཏོག་རྒྱས་ལ་ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་
D343.075.0146b05.01དང་། ཁུ་བྱུག་དང་། ཤང་ཤང་ཏེའུ་རྣམས་སྐད་འབྱིན་པའི་ནགས་ཁྲོད་ན། སྐྱེད་མོས་ཚལ་གྱི་སར་བཙུན་མོ་དམ་པ་དང་བཙུན་མོའི་འཁོར་དང་བཅས་ཏེ་དོང་ནས། དེར་བཙུན་མོའི་འཁོར་གྱིས་རྒྱལ་པོ་ལ་གསོལ་པ། ལྷ་བདག་ཅག་ནི་གདུགས་གཅིག་བཞིན་དུ་བཅོམ་ལྡན་
D343.075.0146b06.01འདས་ཀྱི་ཐད་དུ་མཆི་བའི་རྔོ་མི་ཐོགས་ན། ལྷ་བཙུན་མོའི་འཁོར་གྱི་ནང་འདིར་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་བརྩིགས་ཏེ་ཞལ་བསྲོ་བར་ཅི་གནང་། འོན་ཀྱང་བདག་ཅག་གིས་དེ་ལ་རྒྱུན་དུ་མར་མེ་དང་། བདུག་པ་དང་། མེ་ཏོག་དང་། སྤོས་
D343.075.0146b07.01