完整藏文原文 · 德格版页 当前仅加载第 75 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ཤིང་བསགས་པ་རྣམས་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་རྣམས་འབའ་ཞིག་ལ་རྣམ་པར་སྨིན་པར་འགྱུར་རོ། །ལུས་ཅན་དག་གི་ལས་རྣམས་ནི། །བསྐལ་པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབ་པ་ན། །འབྲས་བུ་ཉིད་དུ་སྨིན་པར་འགྱུར། །དགེ་སློང་
D343.075.0268b01.01དག་སྔོན་བྱུང་བ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བྱའི་ཁ་ལོ་སྒྱུར་བ་
D343.075.0268b02.01བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་གྲོང་ཁྱེར་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་རྟེན་ཅིང་བཞུགས་སོ། །དེའི་ཚེ་གྲོང་ཁྱེར་བཱ་རཱ་ཎ་སཱི་ན་ཚོང་དཔོན་གྱི་བུ་ཞིག་གནས་བརྟན་ཞིག་ལས་རབ་ཏུ་བྱུང་ངོ་། །
D343.075.0268b03.01གནས་བརྟན་དེ་ནི་དགྲ་བཅོམ་པ་འདོད་ཆགས་སྤངས་པ་ཞིག་གོ། །དེ་ནས་རེ་ཞིག་ན་ཡུལ་དེར་དུས་སྟོན་ཞིག་བྱུང་ངོ་། །དེ་ནས་དགེ་སློང་གཞོན་ནུ་དེས་གནས་བརྟན་དེ་བསླང་སྟེ། བཞེངས་ལ་སྤྱོད་ཡུལ་གྱི་གྲོང་དུ་བཞུད་དོ་ཞེས་བྱས་སོ། །གནས་བརྟན་གྱིས་སྨྲས་པ། བུ་ད་དུང་སྔས་ཀྱིས་རེ་ཞིག་
D343.075.0268b04.01སོང་ལ་དགེ་བའི་ཕྱོགས་གྱིས་ཤིག །ལན་གཉིས་ལན་གསུམ་གྱི་བར་དུ་དགེ་སློང་གཞོན་ནུ་དེས་གནས་བརྟན་དེ་བསླང་སྟེ་བཞེངས་ལ་སྤྱོད་ཡུལ་གྱི་གྲོང་དུ་བཞུད་ཅེས་བྱས་ན་ཡང་། ལན་གཉིས་ལན་གསུམ་གྱི་བར་དུ་གནས་བརྟན་གྱིས། བུ་ད་དུང་སྔས་ཀྱིས་སོང་ལ་དགེ་བའི་ཕྱོགས་གྱིས་ཤིག་ཅེས་
D343.075.0268b05.01བྱས་སོ། །དེ་ནས་དགེ་སློང་གཞོན་ནུ་ལྟོ་འདུན་ཅན་དེས་ངག་གི་ལས་རྩུབ་པོས་སྨྲས་ཏེ། ཁྱོད་ཚེ་རབས་ལྔ་བརྒྱའི་བར་དུ་ཡང་གསོན་པོར་ཁྱིམ་ནས་ཕྱིར་མ་བྱུང་ཤིག །ང་ནི་སོང་ཟིན་ནོ་ཞེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་
D343.075.0268b06.01དགེ་སློང་གཞོན་ནུར་གྱུར་པ་གང་ཡིན་པ་དེ་ནི་འདི་ཡིན་ཏེ། དེས་དགྲ་བཅོམ་པ་ལ་སེམས་སྡང་བར་བྱས་ནས་ཚིག་རྩུབ་པོ་སྨྲས་པའི་ལས་དེའི་རྣམ་པར་སྨིན་པས་ཚེ་རབས་ལྔ་བརྒྱའི་བར་དུ་མའི་ལྟོ་ནས་ཤི་བའི་རོ་བྱུང་ནས། ད་ལྟར་མིར་སྐྱེས་ཏེ་དེ་དྲན་ནས་འཁོར་བ་ནི་སྡུག་བསྔལ་བའོ། །འཁོར་བ་ནི་
D343.075.0268b07.01