完整藏文原文 · 德格版页 当前仅加载第 75 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བྲམ་ཟེའི་ཆ་ལུགས་མི་སྣང་བར་བྱས་ཏེ། རང་གི་གཟུགས་སུ་འདུག་ནས་རྒྱལ་པོ་ལ་བསྟོད་པ། རྒྱལ་པོ་ཆེན་པོ་ལེགས་སོ། །མ་ཉེས་སོ་ཁྱེད་དཀའ་བ་ལ་ཞུགས་པ་འདིས་བདག་དགའ་བར་གྱུར་ཏོ། །སྐྱེ་དགུ་སྐྱོང་བ་འདི་ལྟ་བུ་ཡོད་པ་ལས་ན་སྐྱེ་བོའི་
D343.075.0091a01.01ཚོགས་འདི་དག་ནི་མགོན་ཡོད་པ་ཡིན་ནོ། །ད་ས་བོན་ཐམས་ཅད་ཐོབ་ཅིག་ཅེས་ཡུལ་ཕྱོགས་སུ་བསྒོ་ཤིག་དང་བདག་གིས་ཞག་བདུན་ན། གང་གིས་འབྲུ་རྣམས་རྒྱལ་བར་འགྱུར་བ་དེ་ལྟ་བུའི་དབང་ཆེན་གྱི་ཆར་དབབ་པར་བྱའོ་ཞེས་བྱས་སོ། །རྒྱལ་པོས་ཀྱང་དེ་བཞིན་དུ་བྱེད་དུ་
D343.075.0091a02.01བཅུག་གོ། །བརྒྱ་བྱིན་གྱིས་ཀྱང་དེ་ལྟ་བུའི་དབང་ཆེན་གྱི་ཆར་ཕབ་སྟེ། དེས་ན་མུ་གེ་དེ་བཟློག་སྟེ་ལོ་ལེགས་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོ་ཚངས་པས་བྱིན་ཞེས་བྱ་བར་གྱུར་པ་གང་ཡིན་པ་དེ་
D343.075.0091a03.01ནི་ང་ཡིན་དེ། ངས་དེ་ལྟ་བུའི་མུ་གེ་བྱུང་ན་ཡང་རང་གི་སྲོག་ཡོངས་སུ་བཏང་སྟེ་དེ་ལྟ་བུའི་སྦྱིན་པ་དག་བྱིན་ནོ། །དགེ་སློང་དག་དེ་བས་ན་འདི་ལྟར་བསླབ་པར་བྱ་སྟེ་སྦྱིན་པ་དག་སྦྱིན་ནོ། །བསོད་ནམས་དག་བྱའོ་ཞེས་དགེ་སློང་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་
D343.075.0091a04.01ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།ཆོས་སྐྱོང་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་
D343.075.0091a05.01འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོ་
D343.075.0091a06.01བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་ཞལ་ཟས་དང་གཟིམས་ཆ་དང་གདན་དང་
D343.075.0091a07.01