完整藏文原文 · 德格版页 当前仅加载第 75 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་རེ་ཞིག་ན་ཞག་བདུན་ལོན་པ་དང་ཁྱིམ་བདག་མགོན་མེད་ཟས་སྦྱིན་གླང་པོ་ཆེ་ལ་ཞོན་ཏེ། དེ་བཞིན་གཤེགས་པའི་ཉན་ཐོས་རྣམས་ཀྱི་ཕྱིར་དད་པ་སྡུད་པ་ལ་ཞུགས་ཏེ། དེར་གང་དག་ལ་ཇི་ཙམ་བདོག་པ་དེ་དག་དེ་ཙམ་སྦྱིན་པར་བྱེད་དེ། ཁ་ཅིག་ནི་
D343.075.0150a01.01མགུལ་གྱི་སེ་མོ་དོ་སྦྱིན་པར་བྱེད། ཁ་ཅིག་ནི་གདུ་བུ་སྦྱིན་པར་བྱེད། ཁ་ཅིག་ནི་དཔུང་རྒྱན་སྦྱིན་པར་བྱེད། ཁ་ཅིག་ནི་གསེར་གྱི་ཕྲེང་བ་སྦྱིན་པར་བྱེད། ཁ་ཅིག་ནི་སོར་གདུབ་ཀྱི་རྒྱན་སྦྱིན་པར་བྱེད། ཁ་ཅིག་ནི་མུ་ཏིག་གི་དོ་ཤལ་སྦྱིན་པར་བྱེད། ཁ་ཅིག་ནི་གསེར་སྦྱིན་
D343.075.0150a02.01པར་བྱེད། ཁ་ཅིག་ནི་དངུལ་སྦྱིན་པར་བྱེད། ཁ་ཅིག་ནི་ཐ་ན་ཞོའི་བརྒྱད་ཆ་ཙམ་ཡང་སྦྱིན་པར་བྱེད་དོ། །ཁྱིམ་བདག་དེ་ཡང་གཞན་ལ་ཕན་གདགས་པའི་ཕྱིར་ལེན་པར་བྱེད་དོ། །དེ་ནས་རེ་ཞིག་ན་བུད་མེད་ཤིན་ཏུ་དབུལ་མོ་ཞིག་གིས་ཤ་ཐང་སྟེ། ཟླ་བ་གསུམ་གྱིས་རས་ཡུག་
D343.075.0150a03.01ཅིག་རྙེད་ནས་དེས་རས་དེ་གྱོན་ཏེ་སྲང་དུ་ཞུགས་པ་དང་། དེས་ཁྱིམ་བདག་མགོན་མེད་ཟས་སྦྱིན་དུང་འབུད་ཅིང་རྔ་ཟླུམ་བརྡུང་བཞིན་དུ་རྒྱང་ནས་འོངས་པ་མཐོང་ནས་དེས་དགེ་བསྙེན་ཞིག་ལ་དྲིས་པ་ཇི་སྟེ། ཁྱིམ་བདག་འདི་ཕྱུག་ཅིང་ནོར་མང་ལ་ལོངས་སྤྱོད་ཆེ་སྟེ། གཏེར་སའི་
D343.075.0150a04.01འོག་ཏུ་སྦས་པ་རྣམས་ཀྱང་མཐོང་ན། ཅིའི་ཕྱིར་འདི་གཞན་གྱི་ཁྱིམ་ནས་སློང་ཞིང་སྐོར་བར་བྱེད་ཅེས་བྱས་པ་དང་། དགེ་བསྙེན་དེ་ན་རེ་གཞན་ལ་ཕན་གདགས་པའི་ཕྱིར་ཏེ་གང་དག་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ། བཤོས་གསོལ་མི་ནུས་པ་དེ་དག་
D343.075.0150a05.01གི་དོན་དུ་ཕན་འདོགས་པར་བྱེད་དེ། ཅི་ནས་མང་པོ་བསྡོངས་ཏེ་བཅོམ་ལྡན་འདས་ལ་དབུལ་དུ་འཇུག་གོ་ཞེས་ཟེར་རོ། །དེ་ནས་བུ་མོ་དེའི་བློ་སྐྱེས་པ། འོ་ན་བདག་ནི་བསོད་ནམས་མ་བྱས་པ་ཡིན་ལ། བདག་གཅིག་པུས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་
D343.075.0150a06.01བཅས་པ་བཤོས་གསོལ་བའི་མཐུ་བདག་ལ་མེད་ཀྱིས། བདག་གིས་འདི་ལ་ཅུང་ཟད་དབུལ་བར་བྱ་གོར་མ་ཆག་སྙམ་མོ། །དེ་ནས་བདག་ཉིད་ལ་ཅི་བདོག་ཅེས་བལྟས་ན་རས་ཡུག་གཅིག་མ་གཏོགས་པ་གཞན་ཅི་ཡང་མ་མཐོང་སྟེ། །དེས་བསམས་པ་གལ་ཏེ་བདག་འདི་
D343.075.0150a07.01