完整藏文原文 · 德格版页 当前仅加载第 75 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
བོས་ཏེ། ཀྭ་ཡེ་མཛོད་པ་མཛོད་ན་ཟས་དང་སྐོམ་བདག་ཅག་དང་སྐྱེ་བོའི་ཚོགས་འདི་རྣམས་ཀྱི་ཆོག་པར་ཡོད་དམ་ཞེས་བྱས་སོ། །དེ་ཐོས་ནས་མཛོད་སྲུངས་ན་རེ་བརྩིས་ཏེ་ལྷ་ལ་གསོལ་བར་འཚལ་ལོ་ཞེས་བྱས་སོ། །དེ་ནས་རྩིས་མཁས་པ་རྣམས་ཀྱིས་བརྩིས་ན། འདི་སྲིད་ཅིག་གི་བར་
D343.075.0090b01.01དུ་ཡུལ་ན་འཁོད་པ་ཐམས་ཅད་ནི་ཉིན་གཅིག་བཞིན་ཁམ་རེ་རེ་འཚལ་ལ། རྒྱལ་པོ་ནི་ཞལ་ཁམ་གཉིས་གཉིས་གསོལ་བ་མཆིས་སོ་ཞེས་གསོལ་ཏོ། །དེ་ནས་རྒྱལ་པོས་སྐྱེ་བོའི་ཚོགས་རྣམས་ལ་བོས་ཏེ་བསྒོ་བ། འོ་ན་ཁྱེད་ཉིན་གཅིག་བཞིན་དུ་རྒྱལ་པོའི་ཕོ་བྲང་དུ་ཤོག་ལ། ཁམ་རེ་རེ་ཟོས་
D343.075.0090b02.01ནས་དེངས་ཤིག་ཅེས་བྱས་སོ། །དེ་ནས་དེ་དག་ཉིན་གཅིག་བཞིན་དུ་ལྷགས་ཏེ། མི་རེས་ཁམ་རེ་ཟོས་ནས་གར་དགའ་བར་འདོང་བར་བྱེད་དོ། །དེ་ནས་བྲམ་ཟེ་གཞན་ཞིག་རྩིས་དེའི་ནང་དུ་མ་ཞེན་ཏེ། གཞན་ལས་གཏམ་ཐོས་ནས་རྒྱལ་པོ་ལ་སྨྲས་པ། ལྷ་རྩིས་མཛད་པར་ཡུལ་
D343.075.0090b03.01མིའི་ནང་དུ་བདག་གིས་ཐོས་ཀྱིས་བདག་ལའང་ཁམ་གཅིག་པོ་དེ་སྩོལ་ཅིག་ཅེས་བྱས་སོ། །དེ་ནས་རྒྱལ་པོས་བདག་ཉིད་ཁམ་གཉིས་ཟ་བ་ལས་ཁམ་གཅིག་བྲམ་ཟེ་ལ་བྱིན་ནས། ཁམ་གཅིག་ནི་ཡུལ་མི་དང་ཐང་མཉམ་པར་ཟ་བར་བྱེད་དོ། །ལྷའི་དབང་པོ་བརྒྱ་བྱིན་ནི་འོག་མ་ལ་
D343.075.0090b04.01ཤེས་པའི་མཐོང་བ་འཇུག་སྟེ། དེ་འདི་སྙམ་དུ་སེམས་ཏེ། ཀྱེ་མ་ཡུལ་བཱ་རཱ་ཎ་སཱི་ན། རྒྱལ་པོ་བྱེད་པ་དེ་ནི་ཤིན་ཏུ་དཀའ་བ་བྱེད་ཅིང་འདུག་གིས་དེ་བདག་གིས་བགམ་པར་བྱའོ་སྙམ་མོ། །དེ་ནས་ལྷའི་དབང་པོ་བརྒྱ་བྱིན་གྱིས་བདག་ཉིད་བྲམ་ཟེའི་ཆ་ལུགས་སུ་སྤྲུལ་ཏེ། གྲོ་ལ་བབ་པའི་ཚེ།
D343.075.0090b05.01རྒྱལ་པོའི་ཐད་དུ་སོང་ནས་རྒྱལ་བར་གྱུར་ཅིག་སྐུ་ཚེ་རིང་བར་ཤོག་ཤིག་ཅེས་བསྟོད་ནས་སྨྲས་པ། ལྷ་བདག་བཀྲེས་ཀྱིས་ལྷ་ཉིད་ཀྱི་ཞལ་ཁམ་གཅིག་པོ་དེས་བདག་ལ་ཕན་གདགས་པར་གསོལ། དེ་ནས་རྒྱལ་པོས་རང་གི་སྲོག་ཡོངས་སུ་གཏང་བར་ཆད་ནས། སྙིང་རྗེས་བདག་
D343.075.0090b06.01གི་ཁམ་གཅིག་པོ་དེ་བྲམ་ཟེ་ལ་བྱིན་ནས་སྨྱུང་བར་འདུག་སྟེ། དེ་ལྟ་བུའི་ཚུལ་གྱིས་ཞག་དྲུག་གི་བར་དུ་ཟན་བཅད་དོ། །འོན་ཀྱང་སྐྱེ་བོ་ཕལ་པོ་ཆེ་དེ་དག་ཟན་ཟ་བ་མཐོང་ནས་མཆོག་ཏུ་དགའ་བར་སེམས་སོ། །དེ་ནས་ལྷའི་དབང་པོ་བརྒྱ་བྱིན་གྱིས་རྒྱལ་པོ་དེ་ཤིན་ཏུ་དཀའ་བ་བྱེད་པ་མཐོང་
D343.075.0090b07.01