完整藏文原文 · 德格版页 当前仅加载第 75 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་རྗེ་ཅན་བདག་ཉིད་ཆེ་བ། ཆོས་འདོད་པ་ཞིག་གོ། །ཕྱིས་རེ་ཞིག་ན། དེ་བྱད་གཟུགས་ཀྱིས་རྒྱགས་པས་མྱོས་ཏེ་གྲོང་ཁྱེར་གྱི་ཕྱི་རོལ་ན་རྩེ་ཞིང་འདུག་གོ། །ཤཱཀྱ་མང་པོ་དག་ཅིག་ཀྱང་ཤིང་ནྱ་གྲོ་དྷཱའི་ཀུན་དགའ་ར་བར་དོང་ངོ་། །དེ་ནས་ཁྱེའུ་གསེར་འོད་ཀྱིས་མཐོང་ནས་
D343.075.0167b01.01དྲིས་པ་ཁྱོད་གར་འདོང་། དེ་དག་གིས་སྨྲས་པ། སངས་རྒྱས་བཅོམ་ལྡན་འདས་ལ་བལྟ་བའི་ཕྱིར་ཤིང་ནྱ་གྲོ་དྷཱའི་ཀུན་དགའ་ར་བར་འགྲོའོ། །དེ་ནས་ཁྱེའུ་གསེར་འོད་ཀྱིས་སངས་རྒྱས་ཞེས་བྱ་བ་ཐོས་ཏེ། སྔོན་མ་ཐོས་པའི་མིང་ཐོས་ནས་སྤུ་ཐམས་ཅད་ཟིང་ཞེས་བྱས་
D343.075.0167b02.01ཏེ། མཆོག་ཏུ་ངོ་མཚར་དུ་གྱུར་ནས་དེ་འདི་སྙམ་དུ་སེམས་ཏེ། མ་ལ་བདག་ཀྱང་སངས་རྒྱས་བཅོམ་ལྡན་འདས་བལྟ་བའི་ཕྱིར་འགྲོ་གོར་མ་ཆག་སྙམ་ནས་དེ་ཡང་ཤིང་ནྱ་གྲོ་དྷཱའི་ཀུན་དགའ་ར་བར་སོང་བ་དང་། ཁྱེའུ་གསེར་འོད་ཀྱིས་སངས་རྒྱས་བཅོམ་ལྡན་འདས་
D343.075.0167b03.01སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ནས།
D343.075.0167b04.01མཐོང་མ་ཐག་ཏུ་བྱད་གཟུགས་ཀྱིས་རྒྱགས་པ་མེད་པར་གྱུར་ཏེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས། ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་དེ་ལ་ཆོས་བསྟན་ནས། དེས་ཆོས་དེ་ཐོས་པ་དང་
D343.075.0167b05.01རབ་ཏུ་འབྱུང་བར་འདོད་པར་གྱུར་ཏོ། །དེ་ནས་རེ་ཞིག་ན་ཕ་མ་ལ་གསོལ་ནས། བཅོམ་ལྡན་འདས་ཀྱི་ཐད་དུ་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་
D343.075.0167b06.01འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་བསྙེན་པར་རྫོགས་ཤིང་དགེ་སློང་གི་དངོས་པོ་འཐོབ་ཏུ་རུང་ན་བདག་ཀྱང་བཅོམ་ལྡན་འདས་ཀྱི་ཐད་དུ་ཚངས་པར་སྤྱོད་པ་སྤྱད་པར་འཚལ་ལོ། །དེ་ནས་
D343.075.0167b07.01