完整藏文原文 · 德格版页 当前仅加载第 75 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ་དགྲ་བཅོམ་པ་ཁམས་གསུམ་པའི་འདོད་ཆགས་དང་བྲལ་བར་གྱུར་ནས། གསེར་དང་བོང་བར་མཉམ་པ། ནམ་མཁའ་དང་ལག་མཐིལ་དུ་འདྲ་བའི་སེམས་དང་ལྡན་པ། ཙན་དན་
D343.075.0051a01.01སྦངས་པ་ལྟ་བུར་བསིལ་བར་གྱུར་པ་རིག་པས་སྒོ་ངའི་སྦུབས་བཅོམ་པ། རིག་པ་དང་མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ་སྲིད་པའི་རྙེད་པ་དང་། ཆགས་པ་དང་། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་
D343.075.0051a02.01རྣམས་ཀྱིས་མཆོད་ཅིང་རྗེད་པ་དང་གུས་པར་སྨྲ་བའི་གནས་སུ་གྱུར་ཏོ། །དེ་ནས་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་དད་པར་གྱུར་ནས། བཅོམ་ལྡན་འདས་ཀྱི་བསྟན་པ་བསྲུང་བ་དང་།
D343.075.0051a03.01བསྐྱབ་པ་དང་། སྦ་བར་བྱ་བར་བརྩམས་སོ། །རོལ་མོ་མཁན་ལྔ་བརྒྱ་པོ་རྣམས་ཀྱང་དགའ་ཞིང་ཡིད་བདེ་བར་གྱུར་ནས་འདི་སྙམ་དུ་སེམས་ཏེ། བདག་ཅག་ནི་ལས་ངན་པ་བྱེད་ཅིང་འདུག་སྟེ། དཀའ་བས་འཚོ་བ་ཡིན་གྱིས། བདག་ཅག་གིས་རྒྱལ་པོ་ལ་གསོལ་ཏེ།
D343.075.0051a04.01བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་གྲོང་ཁྱེར་དུ་གཤེགས་པར་སྤྱན་དྲང་གོར་མ་ཆག་སྙམ་མོ། །རེ་ཞིག་ན་རོལ་མོ་མཁན་དེ་དག་གིས་གནང་བའི་ལུང་ཐོབ་ནས། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་གྲོང་ཁྱེར་དུ་གཤེགས་པར་སྤྱན་དྲངས་
D343.075.0051a05.01སོ། །བཅོམ་ལྡན་འདས་ཀྱིས་ཀྱང་རོལ་མོ་མཁན་དེ་དག་ལ་ཅང་མི་གསུང་བས་གནང་ངོ་། །དེ་ནས་རོལ་མོ་མཁན་དེ་དག་དང་། རྒྱལ་པོ་དང་། བློན་པོ་དང་། ཕོ་བྲང་འཁོར་གྱི་མི་དང་། ཡུལ་གྱི་མི་རྣམས་བསྡོངས་ནས་མཉན་དུ་ཡོད་པའི་གྲོང་ཁྱེར་ཐམས་ཅད་རྡོ་དང་གསེག་མ་དང་།
D343.075.0051a06.01གྱོ་མོ་མེད་པར་བྱས་ནས་སྤོས་ཆབ་ཀྱིས་ཆག་ཆག་ནི་བཏབ། མེ་ཏོག་སྣ་ཚོགས་ཀྱིས་ནི་གཏོར། བདུག་པ་སྣ་ཚོགས་ཀྱིས་ནི་བདུགས། མེ་ཏོག་གི་བླ་རེས་ནི་བརྒྱན་ཏོ། །རོལ་མོ་མཁན་དེ་དག་གིས་ཀྱང་རང་རང་གི་པི་བང་ཁྱེར་ཏེ་རྫ་རྔ་དང་གླིང་བུ་དང་རྔ་ཟླུམ་དང་རོལ་མོའི་སྒྲའི་ཁྱད་པར་དག་
D343.075.0051a07.01