完整藏文原文 · 德格版页 当前仅加载第 75 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཀུ་བེ་ར་དང་། བརྒྱ་བྱིན་དང་། ཚངས་པ་ལ་སོགས་པ་དང་། ལྷའི་ཁྱད་པར་གཞན་དག་ལ་ཡང་གསོལ་བ་འདེབས་ཏེ། འདི་ལྟ་སྟེ། ཀུན་དགའ་ར་བའི་ལྷ་དང་། ནགས་ཚལ་གྱི་ལྷ་དང་། ལམ་གྱི་བཞི་མདོའི་ལྷ་དང་། སུམ་མདོའི་ལྷ་དང་། གཏོར་མ་
D343.075.0195b01.01ལེན་པའི་ལྷ་དང་། ལྷན་ཅིག་སྐྱེས་པ་དང་། ཆོས་འཐུན་པ་དང་། རྟག་ཏུ་ཕྱི་བཞིན་འབྲང་བའི་ལྷ་རྣམས་ལ་ཡང་གསོལ་བ་འདེབས་སོ། །འཇིག་རྟེན་ན་ཡང་གསོལ་བ་བཏབ་པའི་རྒྱུས་བུ་དང་བུ་མོ་སྐྱེ་བར་འགྱུར་རོ་ཞེས་བྱ་བའི་གཏམ་ཡོད་མོད་ཀྱི་དེ་ཡང་དེ་ལྟ་ནི་མ་ཡིན་ཏེ།
D343.075.0195b02.01གལ་ཏེ་གསོལ་བ་བཏབ་པའི་རྒྱུས་བུ་དང་བུ་མོ་སྐྱེ་བར་འགྱུར་དུ་ཟིན་ན། འཁོར་ལོས་སྒྱུར་བའི་རྒྱལ་པོ་བཞིན་དུ་རེ་རེ་ལ་ཡང་བུ་སྟོང་སྟོང་ཡོད་པར་འགྱུར་བའི་རིགས་སོ། །ཡེ་ནི་གནས་གསུམ་ཚོགས་པ་ལས་བུ་དང་བུ་མོ་སྐྱེ་བར་འགྱུར་ཏེ། གསུམ་གང་ཞེ་ན། ཕ་མ་འདོད་ཆགས་
D343.075.0195b03.01ལངས་ཏེ། ཕྲད་པ་དང་། མ་དུས་ལ་བབ་ཅིང་ཟླ་མཚན་དང་ལྡན་པ་དང་། དྲི་ཟ་འོངས་པ་སྟེ་གནས་འདི་གསུམ་ཚོགས་པ་ལས་བུ་དང་བུ་མོ་སྐྱེ་བར་འགྱུར་རོ། །དེ་ནས་དེ་ཡང་གསོལ་བ་འདེབས་པ་ལྷུར་བྱེད་ཅིང་འདུག་ལ། སེམས་ཅན་ཞིག་ཀྱང་སེམས་ཅན་གྱི་རིས་ཤིག་ནས་ཤི་
D343.075.0195b04.01འཕོས་ཏེ། དེའི་ཆུང་མའི་ལྟོར་ཞུགས་ནས་དེས་ཁྱིམ་ཐབ་ལ་སྦྲན་ཏོ། །དེ་ནས་ཁྱིམ་ཐབ་ཀྱིས་སྨྲས་པ། བཟང་མོ་གལ་ཏེ་བུ་ཁྱེའུ་ཞིག་བཙས་ན་ནི་ལེགས། དེ་མ་ཡིན་ཏེ་བུ་མོ་ཞིག་བཙས་ན་ནི་དེ་ཉིད་དང་བཅས་ཏེ་ཁྱོད་ཁྱིམ་ནས་བསྐྲད་དེ་གཏོང་ངོ་། །དེ་ནས་རེ་ཞིག་ན་དེ་ཟླ་བ་བརྒྱད་
D343.075.0195b05.01དམ་དགུ་ལོན་པ་དང་བུ་བྱུང་སྟེ། བུ་མོ་གཟུགས་བཟང་ཞིང་བལྟ་ན་སྡུག་ལ་མཛེས་པ་མིའི་ཁ་དོག་ལས་ནི་འདས། ལྷའི་ཁ་དོག་ནི་མ་ཐོབ་པ་གོས་དཀར་པོ་གྱོན་པ་མངལ་གྱི་དྲི་མས་མ་གོས་པ་ཞིག་བཙས་སོ། །དེ་ནས་རེ་ཞིག་ན་ཤཱཀྱ་སྣར་མས་ཁྱོད་ཀྱི་ཆུང་མ་ལ་བུ་བྱུང་སྟེ་བུ་མོ་
D343.075.0195b06.01ཞིག་བཙས་ས་ཞེས་ཐོས་པ་དང་དེ་ཁྲོས་ཏེ་ནང་དུ་སོང་ངོ་། །དེ་ནས་དེའི་ཆུང་མས་ལྷའི་གོས་གྱོན་པའི་བུ་མོ་ཕུལ་ལོ། །དེ་ནས་ཤཱཀྱ་སྣར་མས་བུ་མོ་མཐོང་ནས་མཆོག་ཏུ་ཡ་མཚན་དུ་གྱུར་ཏེ། དེ་བཙས་པའི་བཙས་སྟོན་བྱས་ནས་བུ་མོ་འདིའི་མིང་ཇི་སྐད་གདགས་ཞེས་མིང་འདོགས་པར་བྱེད་
D343.075.0195b07.01