完整藏文原文 · 德格版页 当前仅加载第 75 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་
D343.075.0126a01.01འདུན་དང་བཅས་པ་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་རྟེན་ཅིང་བཞུགས་སོ། །དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ན་ཚོང་དཔོན་ཕྱུག་ཅིང་ནོར་མང་ལ་ལོངས་སྤྱོད་ཆེ་བ་ཡོངས་སུ་འཛིན་པ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུའི་
D343.075.0126a02.01ནོར་དང་འགྲན་པ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དོ། །དེ་རྩེ་ཞིང་དགའ་ལ་དགའ་མགུར་སྤྱོད་པ་ལས་ཆུང་མ་ལ་བུ་ཆགས་ནས་དེ་ཟླ་བ་བརྒྱད་དམ་དགུ་ལོན་པ་དང་བུ་བྱུང་སྟེ། ཁྱེའུ་ཞིག་བཙས་ནས་དེ་
D343.075.0126a03.01བཙས་པའི་བཙས་སྟོན་བྱས་ཏེ། ཁྱེའུ་འདིའི་མིང་ཇི་སྐད་གདགས་ཞེས་མིང་འདོགས་པར་བྱེད་དེ། དེ་ཉེ་དུ་རྣམས་ན་རེ་ཁྱེའུ་འདི་རྒྱུ་སྐར་ཆུ་སྨད་ལ་བཙས་པས་ན་དེའི་ཕྱིར་མིང་ཆུ་སྨད་ཅེས་གདགས་སོ་ཞེས་ཟེར་ནས་དེའི་མིང་ཆུ་སྨད་ཅེས་བཏགས་སོ། །དེ་ནས་ཁྱེའུ་ཆུ་སྨད་བསྐྱེད་
D343.075.0126a04.01བསྲིངས་ཏེ་ཆེར་སྐྱེས་ནས། དེའི་ཕ་ཤི་བ་དང་རང་གི་ཁྱིམ་གྱི་བདག་པོར་གྱུར་ཏོ། །དེ་ནས་དེས་ཚོང་འདུས་བཀྲམ་ནས་ཉོ་འཚོང་བྱེད་ཅིང་ཉོ་འཚོང་གིས་འཚོ་བར་བྱེད་པ་ལས་དེ་ཉིན་གཅིག་བཞིན་དུ་བཅོམ་ལྡན་འདས་ཀྱི་ཐད་དུ་སོང་སྟེ། དེ་བཅོམ་ལྡན་འདས་མཐོང་བ་དང་དམ་པའི་
D343.075.0126a05.01ཆོས་ཐོས་པས་བཅོམ་ལྡན་འདས་ཀྱི་བསྟན་པ་ལ་དད་པར་གྱུར་ནས་དེ་རབ་ཏུ་འབྱུང་བའི་སེམས་སྐྱེས་ཏེ། དེས་མ་ལ་གསོལ་བ་བཏབ་པ། ཡུམ་བདག་བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་གིས་གནང་བར་མཛོད་ཅིག །དེ་ནས་དེའི་མས་སྨྲས་པ། བུ་ཁྱོད་ནི་བུ་གཅིག་
D343.075.0126a06.01པ་ཡིན་གྱིས་བདག་ཇི་སྲིད་འཚོའི་བར་རབ་ཏུ་མ་བྱུང་ཤིག །བདག་ཤི་བའི་འོག་ཏུ་ཅི་བྱ་བ་བྱོས་ཤིག་ཅེས་ཟེར་རོ། །ཆུ་སྨད་དེས་ཀྱང་ཅི་རྙེད་པ་དེ་དག་ཐམས་ཅད་མ་ལ་བྱིན་ཏེ། ཡུམ་འདིས་དགེ་སྦྱོང་དང་བྲམ་ཟེ་དང་སྡུག་ཅིང་ཕོངས་པ་དང་བཀྲེན་པ་རྣམས་ལ་སྦྱིན་པ་དག་གྱིས་ཤིག་ཅེས་བྱས་
D343.075.0126a07.01