完整藏文原文 · 德格版页 当前仅加载第 75 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་བཅོམ་ལྡན་འདས་ཡུན་རིང་མོ་ཞིག་ཏུ་མ་མཐོང་སྟེ། བདག་ནི་བཅོམ་ལྡན་འདས་མཐོང་བར་འཚལ་བས་སྐོམ་ལགས་སོ། །བདག་ནི་བཅོམ་ལྡན་འདས་མཐོང་བར་འཚལ་ལོ་ཞེས་བྱས་སོ། །དེ་ནས་རྒྱལ་པོས་ཁྱིམ་བདག་མགོན་མེད་ཟས་སྦྱིན་ལ་སྨྲས་
D343.075.0156a01.01པ། ཁྱིམ་བདག་བཅོམ་ལྡན་འདས་དེ་ད་ལྟར་གང་དུ་དབྱར་གནས་པར་བཞེད་པ་ཁྱོད་ཀྱིས་ཅི་ཐོས། མགོན་མེད་ཟས་སྦྱིན་གྱིས་སྨྲས་པ། ལྷ་བདག་གིས་བཅོམ་ལྡན་འདས་རྒྱལ་པོའི་ཁབ་ཏུ་དབྱར་གནས་པར་དམ་བཞེས་སོ་ཞེས་ཐོས་ལགས་སོ། །དེ་ནས་ཀོ་ས་ལའི་རྒྱལ་པོ་
D343.075.0156a02.01གསལ་རྒྱལ་དང་། ཁྱིམ་བདག་མགོན་མེད་ཟས་སྦྱིན་ལ་སོགས་པ་ཕོ་བྲང་འཁོར་གྱི་མི་དང་ཡུལ་མི་དང་བློན་པོ་རྣམས་ཀྱིས་མི་ཞིག་ཕོ་ཉར་བཀུག་སྟེ། ཀྱེ་མི་ཁྱོད་ཚུར་ཤོག །བཅོམ་ལྡན་འདས་ག་ལ་བ་དེར་སོང་ལ། དེར་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་
D343.075.0156a03.01ཕྱག་འཚོལ་ལ། བདག་ཅག་གི་མཆིད་ནས། བཅོམ་ལྡན་འདས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོ་འམ། སྟོབས་དང་ལྡན་ནམ། བདེ་བ་དང་ལྡན་ནམ། མི་བདེ་བ་མི་མངའ་འམ། བདེ་བ་ལ་རེག་པར་གནས་སམ་ཞེས་གསོལ་ལ།
D343.075.0156a04.01འདི་སྐད་དུ་བཙུན་པ་ཀོ་ས་ལའི་རྒྱལ་པོ་དང་མཉན་དུ་ཡོད་པ་ན་གནས་པ་ཕོ་བྲང་འཁོར་གྱི་མི་རྣམས་བཅོམ་ལྡན་འདས་ཀྱི་ཞལ་མཐོང་བར་འཚལ་ཏེ། བདག་ཅག་གིས་བཅོམ་ལྡན་འདས་ཡུན་རིང་མོ་ཞིག་ཏུ་མ་མཐོང་བས། བདག་ཅག་ནི་བཅོམ་ལྡན་འདས་མཐོང་བར་འཚལ་
D343.075.0156a05.01བས་སྐོམ་ལགས་སོ། །བདག་ཅག་ནི་བཅོམ་ལྡན་འདས་མཐོང་བར་འཚལ་ན་ཐུགས་བརྩེ་བའི་སླད་དུ། བཅོམ་ལྡན་འདས་མཉན་དུ་ཡོད་པར་གཤེགས་སུ་གསོལ་ཞེས་མཆིའོ་ཞེས་གསོལ་ཅིག་ཅེས་བསྒོའོ། །དེ་ནས་མི་དེས་ཀོ་ས་ལའི་རྒྱལ་པོ་གསལ་རྒྱལ་དང་། བློན་
D343.075.0156a06.01པོ་དང་། ཕོ་བྲང་འཁོར་ཀྱི་མི་དང་། ཡུལ་མི་རྣམས་ཀྱིས་བསྒོ་བ་བཞིན་དུ་མཉན་ཏེ། རྒྱལ་པོའི་ཁབ་ཏུ་སོང་ནས། མཐར་གྱིས་སོང་སོང་བ་ལས་རྒྱལ་པོའི་ཁབ་ཀྱི་གྲོང་ཁྱེར་དུ་ཕྱིན་ཏོ། །དེ་ནས་རྒྱལ་པོའི་ཁབ་ཀྱི་གྲོང་ཁྱེར་ཐམས་ཅད་དུ་བལྟས་ནས་བཅོམ་ལྡན་འདས་ག་ལ་
D343.075.0156a07.01