完整藏文原文 · 德格版页 当前仅加载第 75 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
ཅང་བསྐ་བ་མ་ཡིན་པ་རྣམས་དང་། ཁ་བ་དང་། སྐྱུར་བ་དང་། ལན་ཚ་དང་། མངར་བ་དང་། ཚ་བ་དང་། བསྐ་བ་མེད་པའི་ཟས་རྣམས་ཀྱིས་བསྟེན་ཅིང་། དོ་ཤལ་དང་སེ་མོ་དོས་ལུས་རྣམ་པར་བཀླུབས་ཏེ། ལྷའི་བུ་མོ་དགའ་བའི་ཚལ་ན་རྣམ་པར་རྒྱུ་བ་བཞིན་དུ། ཁྲིའི་སྟེང་ནས་ཁྲིའི་
D343.075.0133b01.01སྟེང་དང་ཁྲིའུའི་སྟེང་ནས་ཁྲིའུའི་སྟེང་དུ་རྒྱུ་ཞིང་འོག་གི་ས་གཞི་ལ་མི་འབབ་པ་དང་། དེས་ཡིད་དུ་མི་འོང་བའི་སྒྲ་སྐད་ཅི་ཡང་མི་ཐོས་པར་བྱས་སོ། །དེ་ནས་ཆུང་མ་སྔ་མ་དེས་དེ་བཀུར་ཞིང་གཅེས་པར་བྱེད་པ་མཐོང་ནས་ཕྲག་དོག་སྐྱེས་ཏེ་བསམས་པ། གལ་ཏེ་འདི་ལས་བུ་བཙས་པར་
D343.075.0133b02.01གྱུར་ན་ནི་བདག་ལ་གནོད་པ་བྱེད་པར་འགྱུར་གྱིས། ཅི་ནས་དེའི་ཐབས་ཤིག་བྱ་དགོས་སྙམ་མོ། འདོད་པ་ལས་ཡོངས་སུ་བསྟེན་པ་ལ་ནི་སྡིག་པའི་ལས་མི་བྱ་བའི་བག་ཅི་ཡང་མེད་དེ། མི་སྡུག་པའི་འགྲོ་བའི་གཡང་སར་ཁ་ལྟས་པ་དེས་ཡིད་རྟོན་དུ་བཅུག་ནས། གང་འཐུངས་པ་
D343.075.0133b03.01ཙམ་གྱིས་ཉོན་མོངས་མ་དེའི་བུ་འཕྱིལ་བར་འགྱུར་བ་དེ་ལྟ་བུའི་མངལ་རླུག་པའི་རྩི་བྱིན་ནོ། །དེ་ནས་ཆུང་མ་ཕྱི་མ་དེས་ཉེ་དུ་ཐམས་ཅད་བསྡུས་ནས་ཆུང་མ་སྔ་མ་དེ་ཞལ་ལྕེ་ལ་བཀུག་སྟེ། ཁྱོད་ཀྱིས་བདག་ཡིད་རྟོན་དུ་བཅུག་ནས་མངལ་རླུག་པའི་རྩི་བྱིན་ཏེ་དེས་བདག་གི་བུ་འཕྱིལ་ཏོ་
D343.075.0133b04.01ཞེས་བྱས་སོ། །དེ་ནས་ཆུང་མ་སྔ་མ་དེས་ཉེ་དུ་རྣམས་ཀྱི་ནང་དུ་མནའ་བོར་ཏེ། གལ་ཏེ་བདག་གིས་ཁྱོད་ལ་མངལ་རླུག་པའི་རྩི་བྱིན་པར་གྱུར་ན་བདག་{ཡི་དགས་,ཡི་དྭགས་}མོར་གྱུར་ཏེ། བུ་བྱུང་ངོ་ཅོག་ཟ་བར་ཤོག་ཅིག་ཅེས་སོ། །འདམ་བུ་སྦྱིན་གྱི་བུ་ཇི་སྙམ་དུ་སེམས། ཚོང་དཔོན་གྱི་ཆུང་
D343.075.0133b05.01མར་གྱུར་པ་གང་ཡིན་པ་དེ་ནི་{ཡི་དགས་,ཡི་དྭགས་}མོ་དེ་ཡིན་ཏེ། དེས་སྔོན་ཕྲག་དོག་བྱས་པ་དེས་ན་{ཡི་དགས་,ཡི་དྭགས་}མོར་སྐྱེས་སོ། །དེས་{བརྫུན་,རྫུན་}བྱས་ཏེ་མནའ་བོར་བའི་ལས་ཀྱི་རྣམ་པར་སྨིན་པ་དེས་ནི་ཉིན་མོ་དང་མཚན་མོ་བུ་ལྔ་ལྔ་བཙའ་ཞིང་ཟ་བར་གྱུར་ཏོ། །འདམ་བུ་སྦྱིན་གྱི་བུ་དེ་བས་ན་ཁྱོད་ཀྱིས་
D343.075.0133b06.01ངག་གི་ཉེས་པ་སྤང་བ་ལ་བརྩོན་པར་བྱ་སྟེ། ཅི་ནས་{ཡི་དགས་,ཡི་དྭགས་}མོ་དེའི་ཉེས་པ་དེ་ལྟ་བུ་དག་འབྱུང་བར་མི་འགྱུར་བ་དེ་ལྟར་འདམ་བུ་སྦྱིན་གྱི་བུ་ཁྱོད་ཀྱིས་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་འདམ་བུ་སྦྱིན་གྱི་བུ་དང་། ལྷ་དང་། ལྷ་མ་
D343.075.0133b07.01