完整藏文原文 · 德格版页 当前仅加载第 75 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་སེར་སྐྱའི་གནས་ན་ཤིང་ནྱ་གྲོ་དྷཱའི་ཀུན་དགའ་ར་བ་ན་བཞུགས་སོ། །དེའི་ཚེ་སེར་སྐྱའི་གནས་ན་ཤཱཀྱ་ཕྱུག་ཅིང་ནོར་མང་ལ་ལོངས་སྤྱོད་ཆེ་བ། ཡོངས་སུ་འཛིན་པ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་
D343.075.0182b01.01བུའི་ནོར་དང་འགྲན་པ་ཞིག་གནས་པ་དེས། རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དོ། དེ་རྩེ་ཞིང་དགའ་ལ་དགའ་མགུར་སྤྱོད་པ་ལས་ཆུང་མ་ལ་བུ་ཆགས་ནས། དེ་ཟླ་བ་བརྒྱད་དམ་དགུ་ལོན་ཏེ་བུ་བཙས་ན་ཤ་སྣག་བུ་ཆེན་པོ་ཞིག་བྱུང་སྟེ། ཕ་མ་
D343.075.0182b02.01དང་ཁྱིམ་དེ་ན་གནས་པ་གཞན་དག་དང་གཡོག་འཁོར་དང་ཉེ་དུ་རྣམས་ཀྱིས་དེ་མཐོང་ནས་འདི་ལྟ་བུ་བཙས་པ་ཅི་ཡིན་ཞེས་མི་དགའ་བར་གྱུར་ཏོ། དེ་ནས་རེ་ཞིག་ན་ཁྱིམ་བདག་དེ་མྱ་ངན་གྱི་ཁང་བུར་ཞུགས་ཏེ། ལག་པ་ལ་རྐོམ་ཚུགས་བཅས་ནས་སེམས་ཁོང་དུ་ཆུད་ཅིང་འདུག་སྟེ་འདི་ཅི་ཡིན། སུ་ལ་བསྙད་
D343.075.0182b03.01པར་བྱ། ཤེས་པ་སུ་ཡོད་སྙམ་མོ་དེ་ནས་དེའི་བློ་སྐྱེས་པ། སངས་རྒྱས་བཅོམ་ལྡན་འདས་འདི་ནི་ཐམས་ཅད་མཁྱེན་པ་ཐམས་ཅད་གཟིགས་པ་ཡིན་ཏེ། དེས་མཁྱེན་གྱིས་སངས་རྒྱས་བཅོམ་ལྡན་འདས་ལ་བསྙད་པར་བྱའོ་སྙམ་ནས། དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་
D343.075.0182b04.01ལ་ཞུས་སོ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཁྱོད་མ་འཇིགས་ཤིག་མ་འཇིགས་ཤིག །ཤ་སྣག་བུ་དེ་རས་བལ་ལེགས་པར་རྨེལ་བའི་ནང་དུ་ཆུག་ལ་ཞག་བདུན་གྱི་བར་དུ་ཉིན་གཅིག་ཀྱང་དུས་གསུམ་གསུམ་དུ་ལག་པས་བྲིམས་ཏེ། འོ་མས་ཀྱང་ཡང་དང་ཡང་དུ་གཏོར་ཅིག་དང་
D343.075.0182b05.01དེའི་འོག་ཏུ་རྡོལ་ཏེ། བུ་བརྒྱ་འབྱུང་བར་འགྱུར་ལ་དེ་དག་ཐམས་ཅད་ཚན་པོ་ཆེའི་སྟོབས་དང་ལྡན་པར་འགྱུར་རོ། དེ་ནས་ཁྱིམ་བདག་དེས་དེ་ཐོས་ནས་མཆོག་ཏུ་ཡ་མཚན་དུ་གྱུར་ཏེ། བསམས་པ་བདག་གི་བུ་དེ་ལྟ་བུ་དག་འབྱུང་བར་འགྱུར་བ་ནི་བདག་གིས་རྙེད་པ་ལེགས་པར་རྙེད་དོ་སྙམ་ནས་དེས་དེ་
D343.075.0182b06.01བཞིན་དུ་བྱས་པ་དང་། ཞག་བདུན་ལོན་པ་དང་ཤ་སྣག་བུ་དེ་རྡོལ་ནས་བུ་བརྒྱ་བྱུང་སྟེ། ཐམས་ཅད་ཀྱང་གཟུགས་བཟང་ཞིང་བལྟ་ན་སྡུག་ལ་མཛེས་པ་ཡན་ལག་དང་ཉིང་ལག་ཐམས་ཅད་དང་ལྡན་པ། ཚན་པོ་ཆེའི་སྟོབས་དང་ལྡན་པ་ཤ་སྟག་གོ། །དེ་ནས་རེ་ཞིག་ན་མཐར་གྱིས་བསྐྱེད་བསྲིངས་
D343.075.0182b07.01