完整藏文原文 · 德格版页 当前仅加载第 75 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་སོ། །ཡང་གསོལ་པ། ཉམ་ཐག་སྐད་ཀྱང་འབྱིན་པར་བྱེད། །སྡུག་བསྔལ་ཚོར་བ་ཉམས་སུ་མྱོང་། །གང་ན་ཕྱི་སའི་གནས་ཡོད་པ། །དེར་ནི་སྡུག་བཞིན་རྒྱུག་པར་བགྱིད། །ཕྱི་ས་བཟའ་འམ་བཏུང་སྙམ་ན། །དེ་ཡང་བདེ་བླག་རྙེད་མི་འགྱུར། །དེ་ཡིས་
D343.075.0123a01.01མི་ཡི་འཇིག་རྟེན་དུ། །སྡིག་པ་རབ་འཇིགས་ཅི་བགྱིས་ན། །དེས་ན་སྡུག་བསྔལ་འདི་འདྲ་བ། །འཇིགས་སུ་རུང་བ་ཉམས་སུ་མྱོང་། །བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་{ཡི་དགས་,ཡི་དྭགས་}མོ་དེ་ནི་སྡིག་པ་བྱེད་བྱེད་པ་ཡིན་ནོ། །དེའི་ལས་ཀྱི་རྣམ་པ་ཉན་པར་འདོད་དམ།
D343.075.0123a02.01བཙུན་པ་མཉན་པར་འཚལ་ལགས་སོ། །མཽད་གལ་གྱི་བུ་འོ་ན་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །མཽད་གལ་གྱི་བུ་སྔོན་བྱུང་བ་འདས་པའི་དུས་ན་གྲོང་ཁྱེར་བཱ་རཱ་ཎ་སཱི་ན་རང་སངས་རྒྱས་སྡུག་ཅིང་ཕོངས་པ་ལ་སྙིང་བརྩེ་བ་བས་མཐའི་གནས་མལ་གྱིས་འཚོ་བ་
D343.075.0123a03.01ཞིག་ཡོད་ལ། དེ་ཡང་ན་དབུ་ཅན་ཞིག་སྟེ་བཱ་རཱ་ཎ་སཱིར་བསོད་སྙོམས་ལ་སོང་ངོ་། །རེ་ཞིག་ན་དེ་ལ་སྨན་པས་འཐུན་པའི་ཟས་བསྟན་ནས་དེ་ཚོང་དཔོན་ཞིག་འདུག་པ་ག་ལ་བ་དེར་སོང་བ་དང་། ཚོང་དཔོན་དེས་ཀྱང་མཐོང་ནས་དྲིས་པ། འཕགས་པ་ཁྱོད་ཅི་བཞེད། དེས་སྨྲས་པ། འཐུན་
D343.075.0123a04.01པའི་ཁ་ཟས་འདོད་དོ། །དེ་ནས་ཚོང་དཔོན་དེས་འཕགས་པ་ལ་ཁ་ཟས་འཐུན་པ་ཕུལ་ཅིག་ཅེས་མནའ་མ་ལ་བསྒོའོ། །དེ་ནས་དེའི་མནའ་མ་སེར་སྣ་སྐྱེས་ཏེ། གལ་ཏེ་བདག་གིས་དེང་འདི་ལ་ཁ་ཟས་སྦྱིན་དུ་ཟིན་ན་སང་ཡང་འོང་བར་འགྱུར་རོ་སྙམ་ནས། ཕྱོགས་གཅིག་ཏུ་སོང་སྟེ་ལྷུང་
D343.075.0123a05.01བཟེད་ཕྱི་སས་བཀང་ནས་སྟེང་འབྲས་ཅན་གྱིས་བཀབ་སྟེ་རང་སངས་རྒྱས་དེ་ལ་ཕུལ་ལོ། །ཉན་ཐོས་དང་རང་སངས་རྒྱས་རྣམས་ནི་མ་དགོངས་ཀྱི་བར་དུ་ཤེས་པའི་མཐོང་བ་མི་འཇུག་སྟེ་དེས་བླངས་སོ། །བླངས་ནས་ཚོར་ཏེ། འདི་དྲི་ང་བ་ལས་ན་འདིས་ཕྱི་སས་བཀང་གོར་མ་ཆག་གོ་
D343.075.0123a06.01སྙམ་མོ། །དེ་ནས་བདག་ཉིད་ཆེན་པོ་དེས་དེ་ག་ཞིག་ཏུ་བོར་ནས་སོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་ཚོང་དཔོན་གྱི་མནའ་མར་གྱུར་པ་གང་ཡིན་པ་དེ་ནི་{ཡི་དགས་,ཡི་དྭགས་}མོ་འདི་ཡིན་ཏེ། དེས་སྡིག་པའི་ལས་དེ་ལྟ་བུ་
D343.075.0123a07.01