完整藏文原文 · 德格版页 当前仅加载第 75 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་དགེ་འདུན་དང་བཅས་པ་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་གང་གི་ཚེ་བཅོམ་ལྡན་འདས་མངོན་པར་རྫོགས་པར་སངས་རྒྱས་ནས་ལོ་བཅུ་གཉིས་
D343.075.0244a01.01ལོན་ཏེ། ལོ་བཅུ་གཉིས་འདས་ནས་གྲོང་ཁྱེར་སེར་སྐྱའི་གནས་སུ་བྱོན་པ་དེའི་ཚེ་བྲེ་བོ་ཟས་དང་། བདུད་རྩི་ཟས་ལ་སོགས་པ་ཤཱཀྱ་སྟོང་ཕྲག་དུ་མས་བདེན་པ་མཐོང་སྟེ། རྒྱལ་པོ་ཟས་གཙང་མ་ནི་མ་གཏོགས་སོ། །དེ་ནས་རྒྱལ་པོ་ཟས་གཙང་གིས་སྲས་
D343.075.0244a02.01ཀྱི་ལེགས་པ་དེ་དག་མཐོང་ནས་མཆོག་ཏུ་ཡ་མཚན་དུ་གྱུར་ཏེ་དེའི་བློ་སྐྱེས་པ། གལ་ཏེ་བདག་གི་བུ་རབ་ཏུ་མ་བྱུང་དུ་ཟིན་ན་ནི་འདི་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་དང་ལྡན་པ། ཆོས་ཀྱི་རྒྱལ་པོར་འགྱུར་བ་ཞིག་ན། ད་ནི་འདི་ཐོར་ཚུགས་
D343.075.0244a03.01ཅན་རབ་ཏུ་བྱུང་བའི་གཡོག་བྱས་པ་ནི་རབ་ཏུ་མི་མཛེས་ཀྱིས་བདག་གིས་ཤཱཀྱ་རྣམས་ལས་ཁྱིམ་རེ་མི་རེ་རབ་ཏུ་འབྱུང་དུ་གཞུག་གོར་མ་ཆག་སྙམ་མོ། །དེ་ནས་རྒྱལ་པོ་ཟས་གཙང་གིས་ཤཱཀྱ་ཐམས་ཅད་བསྡུ་བའི་ཕྱིར་གྲོང་ཁྱེར་དུ་དྲིལ་བསྒྲགས་སོ། །དེ་ནས་ཤཱཀྱ་ཐམས་
D343.075.0244a04.01ཅད་འདུས་པའི་ནང་དུ་རྒྱལ་པོ་ཟས་གཙང་གིས་སྨྲས་པ། ཀྱེ་ཤཱཀྱ་ཁྱེད་རྣམས་ཉོན་ཅིག །གལ་ཏེ་གཞོན་ནུ་དོན་ཐམས་ཅད་གྲུབ་པ་རབ་ཏུ་མ་བྱུང་དུ་ཟིན་ན་ཡང་ཁྱེད་ཁོ་ནས་འདི་ལ་བསྙེན་བཀུར་བྱ་དགོས་ན། ད་འདི་རབ་ཏུ་བྱུང་གིས་ཤཱཀྱ་ཁྱིམ་རེ་མི་རེ་བསྙེན་བཀུར་
D343.075.0244a05.01བྱ་བའི་ཕྱིར་རབ་ཏུ་ཕྱུང་ཤིག་ཅེས་བྱས་སོ། །དེ་ནས་བཟང་ལྡན་དང་། མ་འགགས་པ་དང་། ནམ་གྲུ་དང་། ལྷ་སྦྱིན་ལ་སོགས་པ་ཤཱཀྱའི་བུ་ལྔ་བརྒྱ་རབ་ཏུ་འབྱུང་བར་ཆས་སོ། །དེ་ནས་དེ་དག་གི་འབྲེག་མཁན་བསྙེན་བཀུར་བྱེད་པ་ཉེ་བར་འཁོར་དེས་དེ་དག་རབ་
D343.075.0244a06.01ཏུ་འབྱུང་བ་མཐོང་ནས་ངུས་སོ། །དེ་ནས་ཤཱཀྱ་རྣམས་ཀྱིས་ཉེ་བར་འཁོར་ཁྱོད་ཅིའི་ཕྱིར་ངུ་ཞེས་དྲིས་སོ། །དེ་ནས་དེས་སྙིང་རྗེ་རྗེ་སྐད་ཟེར་ཞིང་སྡུག་སྡུག་སྐད་ཟེར་ལ་གཏི་ཞིང་སྨྲ་སྟེ། ཁྱོད་རབ་ཏུ་བྱུང་ན་ད་བདག་ལ་ཟས་དང་གོས་ཀྱིས་སྐྱོང་བ་སུ་ཞིག་མཆིས། དེ་ནས་
D343.075.0244a07.01