完整藏文原文 · 德格版页 当前仅加载第 75 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་བ་ཁོ་ནའི་ཚེ་གལ་ཏེ་ཁྱོད་འགྲེང་བ་ལ་བབ་ན་ཡང་མ་འདུག་པར་མྱུར་དུ་ཤོག་ཤིག །གལ་ཏེ་མ་འོངས་ན་ང་དཔུང་གི་ཚོགས་ཆེན་པོ་དང་འོང་ངོ་ཞེས་གྱིས་ཤིག །དེ་ནས་ཕོ་ཉ་སོང་སྟེ་རྒྱལ་པོ་ཀ་པི་ན་ཆེན་པོ་ལ་ཕྲིན་ཡིག་དང་ཁ་ཐན་དུ་བཏབ་པ་དེ་དག་ཐམས་ཅད་བྱས་
D343.075.0240b01.01སོ། །དེ་ནས་རྒྱལ་པོ་ཀ་པི་ན་ཆེན་པོ་བློན་པོ་ཁྲི་བརྒྱད་སྟོང་གིས་ཞབས་འབྲིང་བྱས་ཏེ་མཐར་གྱིས་སོང་སོང་ནས་མཉན་དུ་ཡོད་པར་ཕྱིན་པ་དང་། ཉི་འོག་གི་རྒྱལ་པོ་རྣམས་ཀྱིས་རྒྱལ་པོ་ཀ་པི་ན་ཆེན་པོ་བསུ་ནས་དེ་དག་གིས་བཀུར་སྟི་ཆེན་པོས་གྲོང་ཁྱེར་དུ་གཤེགས་སུ་
D343.075.0240b02.01གསོལ་ཏེ་མཉེལ་བསོ་ནས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་དེ་འོང་བར་ཐུགས་སུ་ཆུད་ནས་ཐམས་ཅད་སྔ་མ་བཞིན་དུ་སྤྲུལ་ཏོ། །དེ་ནས་རྒྱལ་པོ་ཀ་པི་ན་ཆེན་པོ་རྒྱལ་བུ་རྒྱལ་བྱེད་ཀྱི་ཚལ་དུ་སོང་ནས་མཐོང་མ་ཐག་ཏུ་དེའི་གཟུགས་ལ་
D343.075.0240b03.01གཟུགས་ཀྱི་རྒྱགས་པ་དང་། དབང་ཕྱུག་ལ་དབང་ཕྱུག་གི་རྒྱགས་པ་གང་ཡིན་པ་དེ་མེད་པར་གྱུར་ཏོ། །སྟོབས་ཀྱི་དྲེགས་པ་ནི་ད་དུང་ཡོད་བཞིན་ནོ། །དེ་ནས་བཅོམ་ལྡན་འདས་ཀྱིས་འཇིག་རྟེན་པའི་དགོངས་པ་བསྐྱེད་དེ་ལྷའི་དབང་པོ་བརྒྱ་བྱིན་གྱིས་དབང་པོའི་གཞུ་
D343.075.0240b04.01ཁྱེར་ཏེ་འོངས་ན་ལེགས་སོ་སྙམ་དུ་དགོངས་ནས་བཅོམ་ལྡན་འདས་ཀྱིས་དགོངས་པ་བསྐྱེད་པའི་མོད་ལ་ལྷའི་དབང་པོ་བརྒྱ་བྱིན་གྱིས་ཁ་ལོ་པའི་ཆ་ལུགས་ཀྱིས་དབང་པོའི་གཞུ་ཕུལ་ལོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཀ་པི་ན་ཆེན་པོ་ལ་བྱིན་ན། དེ་རྒྱལ་པོ་ཀ་པི་
D343.075.0240b05.01ན་ཆེན་པོས་བཏེག་པར་ཡང་མ་ནུས་ན་བདུང་བར་ལྟ་ག་ལ་ནུས། དེ་ནས་བཅོམ་ལྡན་འདས་ཀྱིས་ལྕགས་ཀྱི་རྔ་བོ་ཆེ་བདུན་སྤྲུལ་ཏེ་ཉིད་ཀྱིས་གཞུ་དེ་ཟླ་གམ་བཞིན་དུ་བདུངས་ནས་གནམ་མདའ་འཕངས་ཏེ། དེས་ལྕགས་ཀྱི་རྔ་བོ་ཆེ་བདུན་ཆར་ཐལ་ཕྱུང་ནས་དེ་ལས་སྒྲ་བྱུང་
D343.075.0240b06.01བ། ངེས་པར་འབྱུང་བ་བརྩམ་པར་གྱིས། །སངས་རྒྱས་བསྟན་ལ་སྦྱོར་བར་གྱིས། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་གྱིས། །གང་ཞིག་ཆོས་འདུལ་འདི་ཉིད་ལ། །བག་ཡོད་སྤྱོད་པར་བྱེད་པ་ནི། །སྐྱེ་བའི་འཁོར་བ་རབ་སྤངས་
D343.075.0240b07.01