完整藏文原文 · 德格版页 当前仅加载第 75 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
གཏུམ་ཞིང་བརླང་ལ། གཟུ་ལུམས་ཅན་ཞིག་འདུག་གོ། །སངས་རྒྱས་རྣམས་འཇིག་རྟེན་དུ་མི་འབྱུང་བའི་ཚེ། རང་སངས་རྒྱས་སྡུག་ཅིང་ཕོངས་པ་རྣམས་ལ་སྙིང་བརྩེ་བ། བས་མཐའི་གནས་མལ་གྱིས་འཚོ་བ། འཇིག་རྟེན་གྱི་ཡོན་གནས་གཅིག་པུ་རྣམས་འཇིག་རྟེན་དུ་འབྱུང་སྟེ།
D343.075.0216b01.01དེ་ནས་རེ་ཞིག་ན་རང་སངས་རྒྱས་མི་སྡུག་པ་ཞིག་དེའི་ཁྱིམ་དུ་སོང་བ་དང་། དེས་མི་སྡུག་པ་འདི་ལྟ་བུ་ངའི་ཁྱིམ་དུ་ཅི་འདོད་ཅེས་མང་དུ་སྤྱོས་བརྒྱད་ནས་ཁྱིམ་ནས་བསྐྲད་དོ། །དེ་ནས་རང་སངས་རྒྱས་དེས་དེ་ལ་ཕན་གདགས་པའི་ཕྱིར་ངང་པའི་རྒྱལ་པོ་འདབ་མ་བརྐྱང་བ་བཞིན་དུ་ནམ་མཁའ་ལ་
D343.075.0216b02.01མངོན་པར་འཕགས་ནས་ཆོ་འཕྲུལ་རྣམ་པ་སྣ་ཚོགས་བསྟན་ཏོ། །དེ་ནས་ཚོང་དཔོན་གྱི་ཆུང་མ་འགྱོད་པ་སྐྱེས་ནས་དེ་ལ་བཟོད་པ་གསོལ་ཏེ་བཤོས་ཀྱང་ཕུལ་ནས་སྨོན་ལམ་བཏབ་པ། བདག་གིས་རང་སངས་རྒྱས་ལ་སྤྱོས་བརྒྱད་པ་དེའི་ལས་ཀྱི་རྣམ་པར་སྨིན་པ་མྱོང་བར་མ་གྱུར་ཅིག །འདི་ལྟ་
D343.075.0216b03.01བུའི་ཆོས་དག་ཀྱང་ཐོབ་པར་གྱུར་ཅིག །འདི་བས་ཀྱང་ཁྱད་པར་དུ་འཕགས་པའི་སྟོན་པ་མཉེས་པར་བྱེད་པར་གྱུར་ཅིག །མི་མཉེས་པར་བྱེད་པར་མ་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་ཚོང་དཔོན་གྱི་ཆུང་མར་གྱུར་པ་གང་ཡིན་པ་དེ་ནི་ར་སྠ་འདི་ཡིན་
D343.075.0216b04.01ཏེ། དེས་རང་སངས་རྒྱས་ལ་བཤོས་ཕུལ་བ་དེའི་ལས་ཀྱི་རྣམ་པར་སྨིན་པས་ནི་རྒྱལ་པོ་ཕྱུག་པོའི་རིགས་སུ་སྐྱེས་སོ། །མི་སྡུག་པའི་ཚིག་སྨྲས་ཏེ་ཁྱིམ་ནས་བསྐྲད་པ་དེས་ནི་མི་སྡུག་པར་གྱུར་ཏོ། །གཞན་ཡང་བཅོམ་ལྡན་འདས་འོད་སྲུང་གི་རིང་ལ་རབ་ཏུ་བྱུང་སྟེ། དེས་དེར་བསླབས་ཤིང་
D343.075.0216b05.01ཁ་དོན་དུ་བྱས་པ་དང་། ཕུང་པོ་ལ་མཁས་པ་དང་། ཁམས་ལ་མཁས་པ་དང་། སྐྱེ་མཆེད་ལ་མཁས་པ་དང་། རྟེན་ཅིང་འབྲེལ་བར་འབྱུང་བ་ལ་མཁས་པ་དང་། གནས་དང་གནས་མ་ཡིན་པ་ལ་མཁས་པར་བྱས་པ་དང་། ཚངས་པར་སྤྱོད་པའི་གནས་བསྲུངས་པ་དེས་ནི་ད་ལྟར་དགྲ་
D343.075.0216b06.01བཅོམ་པ་ཉིད་མངོན་སུམ་དུ་བྱས་སོ། །དགེ་སློང་དག་དེ་ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་དཀར་བར་འགྱུར་རོ། །ལས་འདྲེན་
D343.075.0216b07.01