完整藏文原文 · 德格版页 当前仅加载第 75 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲ་ཆེན་ཞེས་བྱ་བ་ན། རྒྱལ་པོ་ཞི་ལྡན་ཞེས་བྱ་བ་རྒྱལ་པོ་བྱེད་དེ། དེའི་རིང་ལ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་མི་མང་པོས་གང་བ་དང་། རྩོད་པ་དང་། འཐབ་པ་ཞི་བ་དང་། འཁྲུག་པ་དང་། ནང་འཁྲུག་དང་། ཆོམ་རྐུན་
D343.075.0094a01.01དང་། མུ་གེ་དང་། ནད་རྣམས་མེད་པ་དང་། འབྲས་སཱ་ལུ་དང་། བུ་རམ་ཤིང་དང་། བ་ལང་དང་། མ་ཧེ་དང་ལྡན་པར་འདུག་སྟེ། གནོད་པ་མེད་ཅིང་ཚེར་མ་དཀྲུགས་ལ་བུ་གཅིག་པ་ལ་བྱ་བ་བཞིན་དུ་རྒྱལ་སྲིད་བསྐྱངས་སོ། །རྒྱལ་པོ་དེ་ཡང་དད་པ་དང་ལྡན་ལ། དགེ་ཞིང་བསམ་པ་
D343.075.0094a02.01བཟང་བ། བདག་ལ་ཕན་པ་དང་གཞན་ལ་ཕན་པ་ལ་ཞུགས་པ། སྙིང་རྗེ་ཆེ་བ། བདག་ཉིད་ཆེ་བ། ཆོས་འདོད་པ། སྐྱེ་དགུ་ལ་བྱམས་པ་ཐམས་ཅད་སྦྱིན་པ་ཐམས་ཅད་ཡོངས་སུ་གཏོང་བ། ཆགས་པ་མེད་པར་ཡོངས་སུ་གཏོང་བ། གཏོང་བ་ཆེན་པོ་ལ་གནས་པ་ཞིག་གོ། །དེ་ནས་
D343.075.0094a03.01དེ་ནང་པར་སྔར་ལངས་ཏེ་མཆོད་སྦྱིན་གྱི་འདུན་ཁང་དུ་སོང་ནས་ཟས་འདོད་པ་རྣམས་ལ་ནི་ཟས་སྦྱིན་པར་བྱེད་དོ། །སྐོམ་འདོད་པ་རྣམས་ལ་ནི་སྐོམ་སྦྱིན་པར་བྱེད། གོས་འདོད་པ་རྣམས་ལ་ནི་གོས་སྦྱིན་པར་བྱེད་ཅིང་། ནོར་དང་། འབྲུ་དང་། འགྲོན་བུ་དང་། གསེར་དང་། ནོར་བུ་དང་། མུ་ཏིག་
D343.075.0094a04.01དང་། བཻ་དཱུརྱ་དང་། དུང་དང་། མན་ཤེལ་དང་། བྱི་རུ་རྣམས་ཡོངས་སུ་གཏོང་བར་བྱེད་དོ། །འོན་ཀྱང་ད་བསོད་ནམས་ཀྱི་འདུ་བྱེད་རྣམས་ཀྱིས་ཆོག་མི་ཤེས་སོ། །དེ་བཙུན་མོའི་འཁོར་དུ་སོང་ནས་བཙུན་མོའི་འཁོར་ལ་ཟས་དང་སྐོམ་སྦྱིན་པར་བྱེད་དོ། །བུ་རྣམས་དང་། བློན་པོ་རྣམས་དང་། དཔའ་
D343.075.0094a05.01བོ་དང་། རུ་མཆོག་དང་གྲོང་རྡལ་གྱི་མི་རྣམས་དང་། ཡུལ་མི་རྣམས་ལ་ཟས་དང་སྐོམ་སྦྱིན་པར་བྱེད་དོ། །དེ་ནས་རྒྱལ་པོ་ཞི་ལྡན་འདི་སྙམ་དུ་སེམས་ཏེ། བདག་གིས་མི་རྣམས་ནི་ཚིམ་པར་བྱས་ན་སྲོག་ཆགས་ཕྲ་མོ་རྣམས་ལུས་པ་དེ་དག་ཅི་ཞིག་གིས་ཚིམ་པར་བྱ་སྙམ་མོ། །དེས་བདོག་པ་
D343.075.0094a06.01ཐམས་ཅད་ཡོངས་སུ་བཏང་བས་གོས་ཡ་གཅིག་ཙམ་གྱོན་པར་ཟད་དེ་ལུས་ཉི་ཚེ་ལས་པར་གྱུར་ནས་བསམས་པ། སྲོག་ཆགས་ཕྲ་མོ་རྣམས་ལ་ནི་རང་གི་ལུས་སྦྱིན་པར་བྱའོ་སྙམ་མོ། །དེས་ལུས་བཞོགས་ནས་གང་ན་ཤ་སྦྲང་དང་སྦྲང་བུ་མཆུ་{རིངས་,རིང་}ལ་སོགས་པ་ཡོད་པ་དེར་ལུས་བོར་ཏེ་འདུག་
D343.075.0094a07.01