完整藏文原文 · 德格版页 当前仅加载第 75 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཉེས་པ་བཤགས་ཏེ། སྐྱེ་བོའི་ཚོགས་རྣམས་དབུགས་ཕྱུང་ནས་མེ་དོང་གི་དྲུང་དུ་སོང་སྟེ་ཚིགས་སུ་བཅད་པ་འདི་སྨྲས་སོ། །ང་ནི་ཆོས་ཕྱིར་མེ་འབར་ཉི་མ་ཁྲག་མདོག་འདྲ་བའི་མདག་མའི་དོང་། །ཤས་ཆེར་འཇིགས་བྱེད་ནང་དུ་མཆོང་བར་སེམས་ངེས་སྲོག་ཕྱིར་
D343.075.0109a01.01འཇིགས་པ་མེད། །མེ་དོང་འདི་ནི་བདག་གི་བསོད་ནམས་མཐུ་ཡིས་རྫིང་བུ་རབ་བཟང་བ། །ཙན་དན་འདམ་གྱིས་བསྒོས་པའི་ཆུ་བསིལ་པད་མས་གང་བར་འགྱུར་ཡང་དག །བྱང་ཆུབ་སེམས་དཔས་དེ་སྐད་ཅེས་སྨྲས་ནས་མེ་དོང་དེའི་ནང་དུ་མཆོངས་སོ། །མཆོངས་མ་ཐག་ཏུ་
D343.075.0109a02.01དེའི་མེ་དོང་དེ་རྫིང་བུ་ཞིག་ཏུ་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས་ལྷ་དང་མི་དད་པར་བྱེད་པའི་ཆོ་འཕྲུལ་རྨད་དུ་བྱུང་བ་དེ་མཐོང་ནས་གནོད་སྦྱིན་གྱི་གཟུགས་མི་སྣང་བར་བྱས་ཏེ། རང་གི་གཟུགས་སུ་འདུག་ནས་ཚིགས་སུ་བཅད་པ་སྨྲས་པ། ལེགས་སྤྱོད་ཆོས་ནི་སྤྱད་པར་བྱ། །
D343.075.0109a03.01ཉེས་པར་སྤྱོད་པ་དེ་མི་བྱ། །འཇིག་རྟེན་འདི་དང་ཕ་རོལ་ཏུ། །ཆོས་སྤྱོད་བདེ་ལ་རྟེན་པར་འགྱུར། །དེ་ནས་བྱང་ཆུབ་སེམས་དཔས་ཚིགས་སུ་བཅད་པ་དེ་ཡིད་ལ་བཟུང་ནས་གསེར་གྱི་གླེགས་བམ་ལ་བྲིས་ཏེ། འཛམ་བུའི་གླིང་ཐོག་ཐག་ཏུ་གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་
D343.075.0109a04.01པོའི་ཕོ་བྲང་འཁོར་ཀུན་ཏུ་བསྐོར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོར་གྱུར་པ་གང་ཡིན་པ་དེ་ནི་ང་ཡིན་ཏེ། དེའི་ཚེ་ཡང་ངས་ལེགས་པར་གསུངས་པ་མཉན་པའི་ཕྱིར། རང་གི་སྲོག་ཡོངས་སུ་བཏང་ན་ད་ལྟར་
D343.075.0109a05.01ལྟ་ཅི་སྨོས། དགེ་སློང་དག་དེ་བས་ན་འདི་ལྟར་བསླབ་པར་བྱ་སྟེ། ཆོས་ལ་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །མཆོད་པ་བྱའོ། །ཆོས་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ནས། བརྟེན་ཏེ་གནས་པར་བྱའོ་ཞེས་དགེ་སློང་ཁྱེད་ཀྱིས་དེ་ལྟར་
D343.075.0109a06.01བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།མགོན་མེད་ཟས་སྦྱིན་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་
D343.075.0109a07.01