完整藏文原文 · 德格版页 当前仅加载第 75 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
མཉན་དུ་ཡོད་པའི་ནང་དུ་སོང་བ་དང་བཅོམ་ལྡན་འདས་ཀྱང་དགེ་སློང་གི་ཚོགས་ཀྱིས་ཞབས་འབྲིང་བྱས་ཏེ། དགེ་སློང་གི་དགེ་འདུན་གྱིས་མདུན་དུ་བདར་ནས། མཉན་དུ་ཡོད་པར་བསོད་སྙོམས་མཛད་དེ་སླར་གཤེགས་ནས། བུ་མོ་དེས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་
D343.075.0144b01.01མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ངོ་། །མཐོང་ནས་ཀྱང་དགའ་བ་
D343.075.0144b02.01སྐྱེས་ཏེ། བཅོམ་ལྡན་འདས་ལ་ས་ལའི་མེ་ཏོག་གིས་གཏོར་ཏོ། །དེ་ནས་བཅོམ་ལྡན་འདས་ལ་བསྐོར་བ་བྱས་ཏེ། ཕྱིར་ལོག་ནས་ཁྱིམ་དུ་དགོས་པའི་ཕྱིར་ཡང་གཞན་དག་བླང་ངོ་སྙམ་པ་དང་། རེ་ཞིག་ན་དེ་ས་ལའི་ཤིང་ལ་འཛེགས་པ་ལས་ལྷུང་སྟེ་ཤི་ནས་བཅོམ་ལྡན་འདས་ལ་བསྙེན་
D343.075.0144b03.01བཀུར་བྱས་ནས། སུམ་ཅུ་རྩ་གསུམ་པའི་ལྷའི་ཡུལ་བཟང་པོར་སྐྱེས་སོ། །དེ་ནས་རེ་ཞིག་ན་ལུས་དང་གཞལ་མེད་ཁང་སཱ་ལའི་མེ་ཏོག་གིས་བརྒྱན་ཏེ། ལྷའི་འདུན་སའི་ནང་དུ་སོང་ངོ་། །དེའི་ཚེ་ལྷའི་དབང་པོ་བརྒྱ་བྱིན་ཡང་ལྷའི་འདུན་ས་ཆོས་བཟང་ན་ལྷའི་ཚོགས་ཀྱི་ནང་ན་
D343.075.0144b04.01སངས་རྒྱས་དང་ཆོས་དང་དགེ་འདུན་གྱི་བསྔགས་པ་བརྗོད་ཅིང་འདུག་པ་ལས། ལྷའི་དབང་པོ་བརྒྱ་བྱིན་གྱིས་ལྷའི་བུ་མོ་ལུས་དང་གཞལ་མེད་ཁང་སཱ་ལའི་མེ་ཏོག་གིས་བརྒྱན་པ་དགེ་བའི་རྩ་བ་འབར་བ་དེ་མཐོང་ངོ་། །མཐོང་ནས་ཀྱང་དེ་ལ་ཚིགས་སུ་བཅད་དེ་སྨྲས་པ།
D343.075.0144b05.01ཅི་ཕྱིར་ཁྱོད་ཀྱི་ལུས་མདོག་དག་པའི་གསེར་འདྲ་པད་མ་ཨུད་པལ་ལྟ་བུར་གྱུར། །འདི་ན་ལུས་དཔལ་མཚུངས་མེད་ཁྱོད་ཀྱི་ལུས་ལས་འོད་བྱུང་འདི་དག་ཅི་ལས་གྱུར། །ཅི་ཡི་ཕྱིར་ན་ཁྱོད་ཀྱི་བཞིན་མདོག་པད་མ་རྒྱས་འདྲ་གསེར་མདོག་ལྟ་བུར་གྱུར། ལས་རྣམས་གང་གི་
D343.075.0144b06.01འབྲས་བུ་མྱོང་གྱུར་འདི་ནི་ལྷ་མོ་ཁྱོད་ཀྱིས་བདག་ལ་སྨྲོས། ལྷ་མོས་སྨྲས་པ། མཚན་མཆོག་དག་གིས་རྒྱས་པ་ཡི། །མི་ཡི་ཉི་མ་ཉན་ཐོས་བཅས། །སཱ་ལའི་མེ་ཏོག་རྡུལ་མེད་པ། །བཟང་པོ་དག་གིས་ལེགས་པར་གཏོར། །ལས་དགེ་དེ་འདྲ་བྱས་པའི་ཕྱིར། །
D343.075.0144b07.01