完整藏文原文 · 德格版页 当前仅加载第 65 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ད་ཤ་ཙཀྲ་ཀྵི་ཏི་གར་བྷ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འདུས་པ་ཆེན་པོ་ལས་སའི་སྙིང་པོའི་འཁོར་ལོ་བཅུ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་
D239.065.0100a01.01འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་ཁ་ལ་དེ་ཡ་ཞེས་བྱ་བ་དྲང་སྲོང་ཐུབ་པ་མང་པོའི་སྤྱོད་ཡུལ་གྱི་གནས་ན། དགེ་སློང་གི་དགེ་འདུན་ཆེན་པོ་ཚད་མེད་གྲངས་མེད་པ་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་ཉན་ཐོས་ཀྱི་
D239.065.0100a02.01དགེ་འདུན་ཆེན་པོ་ཤ་སྟག་གོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་གྲངས་མེད་པ་དང་ཐབས་ཅིག་པ་ཐམས་ཅད་ཀྱང་བྱང་ཆུབ་སེམས་དཔའི་དགེ་འདུན་ཆེན་པོ་ཤ་སྟག་སྟེ། ཟླ་བའི་སྙིང་པོ་ཞེས་བྱ་བ་བཤད་མ་ཐག་ཏུ། དེའི་ཚེ་ལྷོ་ཕྱོགས་ནས་བསུང་
D239.065.0100a03.01གི་སྤྲིན་ཆེན་པོ་འདུས་པ་ལས་བསུང་གི་ཆར་ཆེན་པོ་རབ་ཏུ་འབབ་བོ། །མེ་ཏོག་གི་སྤྲིན་ཆེན་པོ་འདུས་པ་ལས་མེ་ཏོག་གི་ཆར་ཆེན་པོ་རབ་ཏུ་འབབ་བོ། །རིན་པོ་ཆེའི་ལྷ་རྫས་ཀྱི་རྒྱན་གྱི་སྤྲིན་ཆེན་པོ་འདུས་པ་ལས། རིན་པོ་ཆེའི་ལྷ་རྫས་ཀྱི་རྒྱན་གྱི་ཆར་ཆེན་པོ་རབ་ཏུ་འབབ་
D239.065.0100a04.01བོ། །ལྷ་རྫས་ཀྱི་གོས་ཀྱི་སྤྲིན་ཆེན་པོ་འདུས་པ་ལས་ལྷ་རྫས་ཀྱི་གོས་ཀྱི་ཆར་ཆེན་པོ་རབ་ཏུ་འབབ་བོ། །དེ་ལྟ་བུའི་སྤྲིན་དང་ཆར་ཆེན་པོས་དྲང་སྲོང་ཐུབ་པ་མང་པོའི་སྤྱོད་ཡུལ་གྱི་གནས་ཀྱི་རི་དེ་ལ་ཁྱབ་པར་གྱུར་ཏོ། །བསུང་དང་། མེ་ཏོག་དང་། རིན་པོ་ཆེའི་
D239.065.0100a05.01རྒྱན་དང་། གོས་དེ་དག་ལས་ཆོས་ཆེན་པོའི་སྒྲ་དབྱངས་རྣམ་པ་སྣ་ཚོགས་བརྒྱ་སྟོང་སྙེད་གྲགས་པར་གྱུར་པ་ནི་འདི་ལྟ་སྟེ། དཀོན་མཆོག་ལ་སྐྱབས་སུ་འགྲོ་བའི་སྒྲ་དང་། བསླབ་པའི་གནས་འཛིན་པའི་སྒྲ་དང་། ངང་དེས་ཤིང་བཟོད་པ་ཅན་གྱི་སྒྲ་དང་། བརྩོན་འགྲུས་
D239.065.0100a06.01རྩོམ་པའི་སྒྲ་དང་། བདུད་བཞི་བཏུལ་བའི་སྒྲ་དང་། ཤེས་རབ་ལ་གཞོལ་ཞིང་འཇུག་པའི་སྒྲ་དང་། གྲགས་པ་ཆེན་པོས་འཇིག་རྟེན་གསུམ་དུ་རྒྱ་ཆེར་གྲགས་པའི་སྒྲ་དང་། དྲན་པ་དང་། ཏིང་ངེ་འཛིན་དང་། གཟུངས་ཀྱི་ཁྱད་པར་ལ་ནན་ཏན་བྱ་བའི་སྒྲ་དང་། སྟོང་
D239.065.0100a07.01