完整藏文原文 · 德格版页 当前仅加载第 65 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུས་པ། ཤེས་རབ་ལྡན་ཞིང་ཏིང་འཛིན་རབ་བསྒོམས་ཏེ། །བདག་མེད་པ་ལ་བདེ་བར་གནས་པའི་རྣམས། །འོན་ཏེ་དམ་པའི་དོན་ལ་གནས་བགྱི་འམ། །འོན་ཏེ་འཁོར་བའི་འཁོར་བར་གནས་པར་བགྱི། །ཉིན་མཚན་ཆོས་མཆོག་དམ་པ་དེ་དག་ལ། །
D239.065.0136a01.01འདོན་ཅིང་གོམས་པར་བགྱིད་དེ་རྩོལ་བ་དག །འོན་ཏེ་ཉོན་མོངས་མཚོ་ལས་རྒལ་བགྱི་འམ། །འོན་ཏམ་ངན་སོང་དག་ཏུ་ལྟུང་བར་བགྱི། །བསོད་ནམས་བྱེད་ལ་ཤིན་ཏུ་འབད་རྩོལ་བ། །ངེས་པར་མྱ་ངན་འདའ་ལ་གཞོལ་འགྱུར་རམ། །འོན་ཏེ་འཁོར་བའི་འཁོར་བར་གནས་འགྱུར་
D239.065.0136a02.01རམ། །འོན་ཏེ་ངན་སོང་དག་ཏུ་ལྟུང་བར་འགྱུར། །ཤེས་རབ་ལྡན་པའི་རྒྱལ་ཐབས་དབང་བསྐུར་ཏེ། །འཁོར་ལོ་རྣམ་པ་བཅུ་དང་ལྡན་པ་དག །འོན་ཏེ་འཁོར་བའི་ནང་དུ་འབྱིང་འགྱུར་རམ། །འོན་ཏེ་སངས་རྒྱས་འབྲས་བུ་ཐོབ་པར་འགྱུར། །ཀུན་ནས་ཉོན་མོངས་པས་ནི་གླགས་པའི་
D239.065.0136a03.01སེམས། །ཉོན་མོངས་མང་པོས་འཁྲུལ་པར་གྱུར་པ་དག །ཇི་ལྟར་སེམས་ནི་ཡོངས་སུ་དག་པར་སྦྱང་། །སྒོམ་དང་འདོན་པའི་ལས་དག་ཇི་ལྟར་བགྱི། །དེ་ནས་བཅོམ་ལྡན་འདས་ཀྱིས་ཚངས་པ་ཆེན་པོ་ལྷའི་སྙིང་པོ་དེ་ལ་འདི་སྐད་ཅེས་བཀའ་སྩལ་ཏོ། །ལེགས་སོ། །དོན་འདི་
D239.065.0136a04.01དག་ལེགས་པར་ཞུ་བར་སྤོབས་པ་ལེགས་ཏེ། ཁྱོད་ནི་ཆོས་འདི་དག་ལ་ཤིན་ཏུ་ནན་ཏན་བྱེད་པའོ། །ཁྱོད་ནི་སྤྱོད་པ་ཐམས་ཅད་ཡོངས་སུ་རྫོགས་པའོ། །ཁྱོད་ནི་སྔོན་འདས་པའི་སངས་རྒྱས་བཅོམ་ལྡན་འདས་ཀླུང་གང་གཱའི་བྱེ་མ་སྙེད་ལ་སྒོ་གསུམ་ཡོངས་སུ་སྦྱངས་པའོ། །དམ་པའི་ཆོས་
D239.065.0136a05.01སྤེལ་བའོ། །དཀོན་མཆོག་གསུམ་གྱི་གདུང་འཚོབ་པ་སྟེ། ད་ཡང་སེམས་ཅན་ཚད་མེད་པ་ལ་ཕན་པ་དང་བདེ་བའི་དོན་གྱི་ཕྱིར་དེ་བཞིན་གཤེགས་པ་ལ་དོན་ཟབ་མོ་འདི་དག་དྲིས་པ་ལེགས་སོ། །རིགས་ཀྱི་བུ་འདི་ལྟ་སྟེ། ཤེས་པ་བརྡ་སྤྲོད་པ་ཆེན་པོ་གནས་པ་དང་། སྤྱད་པར་མི་བྱ་
D239.065.0136a06.01བའི་ཆོས་ཡོད་དེ། སྔོན་འདས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱིས་ཀྱང་སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། འཁོར་བ་ལས་སྐྱོ་བར་བྱ་བ་དང་། ལས་དང་ཉོན་མོངས་པ་ཡོངས་སུ་བཅད་པ་དང་། ཐེག་པ་གསུམ་མྱུར་དུ་ཡོངས་སུ་རྫོགས་པར་བྱ་
D239.065.0136a07.01