完整藏文原文 · 德格版页 当前仅加载第 65 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་སྟོར་ཅིང་ཉམས་པར་གྱུར་ན་གཟུགས་དང་། གཟུགས་མེད་པའི་ཏིང་ངེ་འཛིན་ནས་ཐེག་པ་གསུམ་དང་ཐེག་པ་གཅིག་གི་བར་དུ་ཐོབ་པར་འགྱུར་བ་ལྟ་ཅི་སྨོས། བཅུ་གང་ཞེ་ན། འདི་ལྟ་སྟེ། འཇིག་རྟེན་ན་ཁ་ཅིག་ཏིང་ངེ་འཛིན་སྒོམ་འདོད་ཀྱང་འཚོ་བའི་ཡོ་བྱད་
D239.065.0137a01.01ཀྱིས་བྲེལ་བས་ཚོལ་བའི་རྐྱེན་གྱིས་ཉོན་མོངས་པ་དང་། ཁ་ཅིག་ནི་ཏིང་ངེ་འཛིན་སྒོམ་འདོད་ཀྱང་ཚུལ་ཁྲིམས་ཉམས་ཤིང་ཁ་ན་མ་ཐོ་བ་མང་པོ་བྱེད་པ་དང་། ཁ་ཅིག་ནི་ཏིང་ངེ་འཛིན་སྒོམ་འདོད་ཀྱང་ཕྱིན་ཅི་ལོག་ཏུ་ལྟ་ཞིང་འཇིག་རྟེན་གྱི་ལྟས་བཟང་ངན་ལ་ཆགས་ཏེ་ལུས་དང་སེམས་མ་དུལ་
D239.065.0137a02.01བ་དང་། ཁ་ཅིག་ནི་ཏིང་ངེ་འཛིན་སྒོམ་འདོད་ཀྱང་སེམས་གཡོ་ཞིང་རྒོད་པས་འཕགས་པ་ལ་མ་གཞོལ་ཏེ་དབང་པོ་རྒོད་པ་དང་། ཁ་ཅིག་ནི་ཏིང་ངེ་འཛིན་སྒོམ་འདོད་ཀྱང་ཕྲ་མ་བྱེད་པ་ལ་དགའ་བས་དབྱེན་བྱེད་པ་དང་། ཁ་ཅིག་ནི་ཏིང་ངེ་འཛིན་སྒོམ་འདོད་ཀྱང་ངག་རྩུབ་པོས་
D239.065.0137a03.01འཕགས་པ་ལ་སྨོད་ཅིང་དབང་ཟ་བ་དང་། ཁ་ཅིག་ནི་ཏིང་ངེ་འཛིན་སྒོམ་འདོད་ཀྱང་ཚིག་ཀྱལ་པ་དང་། {བརྫུན་,རྫུན་}དུ་སྨྲ་བ་དང་། ཁ་ཅིག་ནི་ཏིང་ངེ་འཛིན་སྒོམ་འདོད་ཀྱང་འདོད་ཆགས་དང་། ཕྲག་དོག་གིས་གཞན་གྱི་ཁེ་དང་། བསྟི་སྟང་དང་། རྙེད་པ་ལ་མི་དགའ་བ་དང་། ཁ་ཅིག་ནི་
D239.065.0137a04.01ཏིང་ངེ་འཛིན་སྒོམ་འདོད་ཀྱང་ཞེ་སྡང་དང་བཅས་པས་སེམས་ཅན་ལ་གནོད་སེམས་སྐྱེས་པ་དང་། ཁ་ཅིག་ནི་ཏིང་ངེ་འཛིན་སྒོམ་འདོད་ཀྱང་ལོག་པར་ལྟ་བ་དང་བཅས་པས་རྒྱུ་དང་འབྲས་བུ་མེད་པར་ལྟ་བའོ། །ཚངས་པ་ཆེན་པོ་དེ་ལྟར་ཤེས་པར་བྱ་སྟེ། འདི་དག་ནི་གནས་པ་དང་སྤྱད་
D239.065.0137a05.01པར་མི་བྱ་བའི་ཆོས་རྣམ་པ་བཅུ་ཞེས་བྱའོ། །གལ་ཏེ་ཏིང་ངེ་འཛིན་སྒོམ་པ་དག་སྤྱོད་པ་ངན་པ་འདི་དག་ལས་འགའ་ཙམ་གྱི་རྗེས་སུ་ཞུགས་ན་འདོད་པའི་ཁམས་ཀྱི་དགེ་བ་ཡང་ཡོངས་སུ་མི་འགྲུབ་བོ། །ཇི་སྟེ་སྔར་གྲུབ་ན་ཡང་དེ་མ་ཐག་ཏུ་སྟོར་ཅིང་ཉམས་པར་འགྱུར་ན་གཟུགས་
D239.065.0137a06.01དང་། གཟུགས་མེད་པའི་ཏིང་ངེ་འཛིན་དང་། ཐེག་པ་གསུམ་དང་། གཅིག་ཐོབ་པར་འགྱུར་བ་ལྟ་ཅི་སྨོས། ཚངས་པ་ཆེན་པོ་གཞན་ཡང་གནས་པ་དང་སྤྱད་པར་མི་བྱ་བའི་ཆོས་རྣམ་པ་བཅུ་ཡོད་དེ། ཏིང་ངེ་འཛིན་སྒོམ་པ་དག་སྤྱོད་པ་ངན་པ་འདི་དག་ལས་འགའ་ཞིག་དང་ལྡན་
D239.065.0137a07.01