完整藏文原文 · 德格版页 当前仅加载第 65 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ལ་འཕྱ་ཞིང་སྐུར་པའི་གང་ཟག་ལ་བརྟེན་ཏེ་འདྲི་བ་དང་ཉན་པ་བྱས་ན། དེའི་རྒྱུ་དེའི་རྐྱེན་གྱིས་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་ཞིང་སྡུག་བསྔལ་ཆེན་པོ་མྱོང་བར་འགྱུར་ཏེ་རབ་ཏུ་ཐར་བར་དཀའོ། །དེ་ཅིའི་ཕྱིར་ཞེ་ན།
D239.065.0175a01.01རིགས་ཀྱི་བུ་ང་སྔོན་འདས་པའི་དུས་ན་བྱང་ཆུབ་སེམས་དཔའི་སྤྱད་པ་སྤྱོད་ཅིང་བླ་ན་མེད་པའི་ཡེ་ཤེས་ཚོལ་བ་ལ་བརྩོན་པས་ནན་ཏན་བྱེད་པ་ན་བར་བར་ནི་ཉན་ཐོས་ཀྱི་ཐེག་པ་དང་ལྡན་པའི་དམ་པའི་ཆོས་འདོད་པའི་ཕྱིར་ཆུང་ངུ་ན་ཚིགས་སུ་བཅད་པ་གཅིག་ཙམ་གྱི་ཕྱིར་
D239.065.0175a02.01ཡང་ལུས་ཀྱི་ཡན་ལག་ལག་པ་དང་། རྐང་པ་དང་། ཤ་དང་། ཁྲག་དང་། པགས་པ་དང་། རུས་པ་དང་། མགོ་དང་། མིག་དང་། རྐང་དང་། ཀླད་པའི་བར་དུ་ཡོངས་སུ་གཏོང་ངོ་། །བར་བར་ནི་རང་སངས་རྒྱས་ཀྱི་ཐེག་པ་ལ་བརྟེན་ཏེ་
D239.065.0175a03.01གསུངས་པའི་དམ་པའི་ཆོས་འདོད་པའི་ཕྱིར་ཆུང་ངུ་ན་ཚིགས་སུ་བཅད་པ་གཅིག་ཙམ་གྱི་ཕྱིར་ཡང་ལུས་ཀྱི་ཡན་ལག་ལག་པ་དང་། རྐང་པ་དང་། ཤ་དང་། ཁྲག་དང་། པགས་པ་དང་། རུས་པ་དང་། མགོ་དང་། མིག་དང་། རྐང་དང་། ཀླད་པའི་
D239.065.0175a04.01བར་དུ་ཡོངས་སུ་གཏོང་ངོ་། །བར་བར་ནི་ཐེག་པ་ཆེན་པོ་ལ་བརྟེན་ཏེ་གསུངས་པའི་དམ་པའི་ཆོས་འདོད་པའི་ཕྱིར་ཆུང་ངུ་ན་ཚིགས་སུ་བཅད་པ་གཅིག་ཙམ་གྱི་ཕྱིར་ཡང་ལུས་ཀྱི་ཡན་ལག་ལག་པ་དང་། རྐང་པ་དང་། ཤ་དང་། ཁྲག་དང་། པགས་པ་དང་།
D239.065.0175a05.01རུས་པ་དང་། མགོ་དང་། མིག་དང་། རྐང་དང་། ཀླད་པའི་བར་དུ་ཡོངས་སུ་གཏོང་ངོ་། །དེ་ལྟར་དཀའ་བ་སྤྱད་པས་ཐེག་པ་གསུམ་ལ་ཆུང་ངུ་ན་ཚིགས་སུ་བཅད་པ་གཅིག་ཙམ་རྙེད་ན་ཤིན་ཏུ་དགའ་རངས་ཏེ་བསྟི་སྟང་དང་བཅས་པས་འཆང་ཞིང་གཟུངས་སུ་
D239.065.0175a06.01འཛིན་ལ་ཇི་སྐད་གསུངས་པ་བཞིན་དུ་སྤྱོད་དེ། ཅུང་ཟད་ཀྱང་མི་གཏོང་བས་བསྐལ་པ་ཚད་མེད་པའི་བར་དུ་ཤིན་ཏུ་སྤྱད་དཀའ་བ་ཐམས་ཅད་སྤྱད་པས་གདོད་མཐའི་ལས་བྱས་པས་བླ་ན་མེད་པའི་ཡེ་ཤེས་ཀྱི་འབྲས་བུ་ཐོབ་པར་གྱུར་ཏོ། །གཞན་ཡང་སེམས་ཅན་
D239.065.0175a07.01