完整藏文原文 · 德格版页 当前仅加载第 65 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་རྒྱུན་མི་འཆད་པར་ལོ་སྟོང་གི་བར་དུ་བསད་ན་གང་ཟག་དེའི་ཁ་ན་མ་ཐོ་བའི་སྡིག་ཀྱང་གཞལ་དུ་མེད་དེ། བརྩི་བས་སམ། བགྲང་བས་སམ། དཔེར་ཡང་མི་བཟོད་དོ། །དེ་ལྟར་སྔར་བཤད་པའི་ཆང་འཚོང་བའི་གནས་བཅུ་པོའི་སྡིག་པ་དེ་ཤན་པའི་གནས་གཅིག་བཅས་
D239.065.0160a01.01པའི་སྡིག་དང་མཉམ་མོ། །འདི་ལྟར་ཤན་པའི་གནས་བཅུ་པོའི་སྡིག་དེ་རྒྱལ་རིགས་གདོལ་པ་ཅན་ནས། དགེ་སྦྱོང་དང་། བྲམ་ཟེ་ལ་སོགས་པའི་གདོལ་པ་ཅན་དེ་དག་སྡིག་པའི་འཁོར་ལོ་བཅུ་པོ་ལས་འགའ་ཞིག་དང་ལྡན་ན་ཉིན་ཞག་གཅིག་གི་ཁ་ན་མ་ཐོ་བའི་སྡིག་ཀྱང་སྔ་མ་དང་མཉམ་མོ། །
D239.065.0160a02.01དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། མར་འཚིར་གནས་སྡིག་བཅུ་པོ་དག །སྨད་འཚོང་གནས་སྡིག་གཅིག་དང་མཉམ། །སྨད་འཚོང་གནས་སྡིག་བཅུ་པོ་དག །ཆང་འཚོང་གནས་སྡིག་གཅིག་དང་མཉམ། །ཆང་འཚོང་གནས་ནི་བཅུ་པོ་དག །
D239.065.0160a03.01ཤན་པའི་གནས་སྡིག་གཅིག་དང་མཉམ། །ཤན་པའི་གནས་ནི་བཅུ་བཅས་པས། །རྒྱལ་པོ་གདོལ་ཅན་སྡིག་གཅིག་མཉམ།། །།བམ་པོ་ལྔ་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D239.065.0160a04.01བཙུན་པ་བཅོམ་ལྡན་འདས་གལ་ཏེ་རྒྱལ་རིགས་དགེ་བའམ། བློན་པོ་དགེ་བ་དང་། ཁྱིམ་བདག་དགེ་བ་དང་། ཚོང་དཔོན་དགེ་བ་དང་། དགེ་སྦྱོང་དགེ་བ་དང་། བྲམ་ཟེ་དགེ་བ་དག་བདག་ཤིན་ཏུ་སྐྱོང་ཞིང་གཞན་དག་ཀྱང་ཤིན་ཏུ་སྐྱོང་ལ། འཇིག་རྟེན་ཕྱི་མས་ཀྱང་འཛེམ་པ། སངས་
D239.065.0160a05.01རྒྱས་ཀྱི་བསྟན་པ་ལ་གནས་པ། རབ་ཏུ་བྱུང་བ་ཆོས་ཀྱི་སྣོད་དུ་གྱུར་པའམ། ཆོས་ཀྱི་སྣོད་དུ་མ་གྱུར་པའམ། ཆུང་ངུ་ན་ཚུལ་ཁྲིམས་མ་མཆིས་པའང་རུང་སྟེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་འཚལ་བ་ལ་ཤིན་ཏུ་བསྟི་སྟང་དང་བཅས་ཏེ་རིམ་གྲོ་དང་མཆོད་པ་བགྱིད་དོ། །གཞན་ཡང་
D239.065.0160a06.01ཉན་ཐོས་ཀྱི་ཐེག་པའི་ཆོས་དང་། རང་སངས་རྒྱས་ཀྱི་ཐེག་པའི་ཆོས་དང་། ཐེག་པ་ཆེན་པོའི་ཆོས་ལ་བསྟི་སྟང་དང་བཅས་པས་མཆོད་པ་ཉན་པ་དང་བ་གཟུངས་སུ་འཛིན་པ་མཆོད་པ་བྱེད་པ་ཐེག་པ་ཆེན་པོ་ལ་གནས་ཤིང་ཚུལ་ཁྲིམས་དང་ལྡན་པ་ཡོན་ཏན་དང་ལྡན་པ། བརྩོན་འགྲུས་
D239.065.0160a07.01