完整藏文原文 · 德格版页 当前仅加载第 65 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པའི་ཤུགས་ཀྱིས་ཉིན་ཞག་གཅིག་གམ། སྐད་ཅིག་ཐང་ཅིག་ཙམ་གྱིས་ཀྱང་སོ་སོའི་སྐྱེ་བོ་ཚད་མེད་པ་བྱེ་བ་ཁྲག་ཁྲིག་བཏུལ་ཏེ། སྡུག་བསྔལ་རྣམ་པ་སྣ་ཚོགས་ལས་བསྒྲལ་ནས་ཐམས་ཅད་ཅི་དང་ཅི་འདོད་པ་དེ་དང་དེ་དག་གིས་རེ་བ་ཡོངས་སུ་རྫོགས་པར་བྱེད་དོ། །གནས་གང་
D239.065.0109b01.01དག་ན་སེམས་ཅན་གང་འདོད་པ་རྣམ་པ་སྣ་ཚོགས་ཀྱིས་སྡུག་བསྔལ་ཏེ། འདོད་པས་ཡོངས་སུ་གདུངས་པར་གྱུར་པ་དག་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་། དམིགས་པས་བསྟི་སྟང་དང་བཅས་པས་མཆོད་པ་བྱས་ན་ཅི་དང་
D239.065.0109b02.01ཅི་འདོད་པ་ཐམས་ཅད་འཐོབ་ཅིང་སྡུག་བསྔལ་དང་བྲལ་ཏེ། སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་གང་བཟའ་བ་དང་། བཏུང་བས་ཕོངས་པར་གྱུར་པ་དག་གིས་སེམས་རྩེ་གཅིག་ཏུ་བྱང་
D239.065.0109b03.01ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་ཏེ་མཆོད་པ་བྱས་ན་ཅི་དང་ཅི་འདོད་པ་ཐམས་ཅད་འཐོབ་ཅིང་བཟའ་བ་དང་བཏུང་བ་དང་ལྡན་ཏེ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །
D239.065.0109b04.01གནས་གང་དག་ན་སེམས་ཅན་གང་བགོ་བའམ། རིན་པོ་ཆེའི་རྒྱན་ནམ། ནད་ཀྱི་རྐྱེན་སྨན་ནམ། གདིང་བའམ། ཁྲི་སྟན་ནམ། འཚོ་བའི་ཡོ་བྱད་ཀྱིས་བྲེལ་ཅིང་ཕོངས་པར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་
D239.065.0109b05.01ནས་བརྗོད་ཅིང་དམིགས་པས་བསྟི་སྟང་དང་བཅས་པས་མཆོད་པ་བྱས་ན་ཅི་དང་ཅི་འདོད་པ་རྙེད་ཅིང་བགོ་བ་དང་། རིན་པོ་ཆེའི་རྒྱན་དང་། ནད་ཀྱི་རྐྱེན་སྨན་དང་། གདིང་བ་དང་། ཁྲི་དང་། འཚོ་བའི་ཡོ་བྱད་ཐམས་ཅད་འབྱོར་ཅིང་སྐལ་བ་ཇི་ལྟ་བ་བཞིན་མཐོ་རིས་ཀྱི་ལྷར་སྐྱེ་བ་ནས་མྱ་
D239.065.0109b06.01ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་གང་དག་བྱམས་སྡུག་པ་དང་བྲལ་ཏེ། དགྲ་སྡང་བར་གྱུར་པ་དང་ཕྲད་པར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་
D239.065.0109b07.01