完整藏文原文 · 德格版页 当前仅加载第 65 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བ་དང་། ངན་པར་ཕྱོགས་པ་རྟག་ཏུ་སྤོང་ཞིང་ཐེག་པ་ཆེན་པོ་ལ་ཤིན་ཏུ་འབད་པའི་བརྩོན་འགྲུས་བརྟན་པས་ནན་ཏན་བགྱིད་པ་དང་། སྣོད་དུ་གྱུར་པའི་སེམས་ཅན་ཚད་མེད་གྲངས་མེད་པ་ཡོངས་སུ་སྨིན་པར་བགྱིད་པ་དང་། ཤེས་པ་གཞན་གྱི་དྲིང་ལ་མི་འབྲང་བར་མཁས་པའི་རང་བཞིན་ཅན་
D239.065.0165b01.01དུ་གྱུར་པ་ཕ་རོལ་དུ་ཕྱིན་པ་དྲུག་གི་རིན་པོ་ཆེའི་གཏེར་རྫོགས་པར་ནན་ཏན་བགྱིད་པས་ཁོང་ཁྲོ་བ་དང་། སེར་སྣ་དང་། ཕྲག་དོག་ལ་སོགས་པ་ཀུན་ནས་ཉོན་མོངས་པའི་དྲི་མ་ཐམས་ཅད་ཡོངས་སུ་སྤོང་བ་དང་། མི་དང་མི་མ་ཡིན་པ་ལ་སོགས་པ་ཐམས་ཅད་ཀྱིས་བསྟི་སྟང་དང་བཅས་པས་
D239.065.0165b02.01སྐྱོབ་པར་འགྱུར་བ་དང་བྱ་བ་རྣམས་ལ་བརྗེད་མི་ངས་པ་དང་། བསྡུ་བ་རྣམ་པ་བཞིའི་དངོས་པོ་ལ་དགའ་བས་སེམས་ཅན་མི་གཏོང་བ་དང་། རྟག་ཏུ་ཆོས་ཀྱི་སྣོད་བསོད་ནམས་ཀྱི་ཞིང་དུ་གྱུར་པ་དང་མི་འབྲལ་བར་འགྱུར་རོ། །ཡང་བཅོམ་ལྡན་འདས་ཀྱིས་ལྷའི་སྙིང་པོ་ལ་བཀའ་
D239.065.0165b03.01སྩལ་པ། ཁྱོད་ཀྱིས་མ་འོངས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་པོ་རྒྱལ་རིགས་དགེ་བའི་ཡུལ་བསྲུང་བའི་ཕྱིར་ཕྱིར་མི་ལྡོག་པའི་འཁོར་ལོའི་སྙིང་པོ་ཞེས་བྱ་བའི་གཟུངས་ཆེན་པོའི་ཚིག་སྨྲོས་ཤིག །ཡུལ་ཡོངས་སུ་བསྲུང་བ་ལ་ཕྱིར་མི་ལྡོག་པའི་འཁོར་ལོའི་སྙིང་པོ་ཞེས་བྱ་
D239.065.0165b04.01བའི་གཟུངས་ཆེན་པོའི་ཚིག་འདིའི་མཐུ་དང་གཟི་བརྗིད་ཀྱིས་མ་འོངས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་པོ་རྒྱལ་རིགས་དགེ་བ་ཐམས་ཅད་ལ་ཕས་རྒོལ་བའི་དགྲ་ཐམས་ཅད་ཀྱིས་མི་ཚུགས་པ་ནས་དེ་བཞིན་དུ་རྒྱས་པར་སངས་རྒྱས་དང་སངས་རྒྱས་ཀྱི་འཁོར་གྱི་བར་དུ་ཐམས་ཅད་དང་
D239.065.0165b05.01མི་འབྲལ་བར་བསྲུང་བར་འགྱུར་བ་སྨྲོས་ཤིག །དེ་ནས་ཚངས་པ་ཆེན་པོ་ལྷའི་སྙིང་པོས་ཡུལ་ཡོངས་སུ་སྲུང་བ་ལ་ཕྱིར་མི་ལྡོག་པའི་འཁོར་ལོའི་སྙིང་པོ་ཞེས་བྱ་བའི་གཟུངས་ཆེན་པོའི་ཚིག་འདི་དག་སྨྲས་སོ། །ཏད་ཡ་ཐཱ། མུ་ནི་མོ་རི། མུ་ན་གར་བྷེ། མུ་ནི་ཁི་ལི་དྷ་ཡེ། མུ་ནི་རོ་ག་
D239.065.0165b06.01བི་ཙ་ལེ། མུ་ནི་ཧ་ལི་ཏེ། མུ་ནི་ག་མེ། ཤུ་ཀླ་པཀྵེ། པཱ་ལ་ལ་པཀྵེ། མྲི་ལ་པཀྵེ། སོའུ་རི་ས་ཀྲི་ཏི། ཏོ་ར་ཎ་ཀྲི་ཙ་ལེ། པ་ཏ་ག་ཤ་ཀྲི་ཏེ། ཀུ་ཀུ་ལ་མྲི་ལེ། ཨ་པཀྵ་ས་ར། ཨོ་ད་ཧ་ཀི་ལི་བ་མུ་ནི་པཱ་ཐ་བ་སྭཱ་ཧཱ། ཚངས་པ་ཆེན་པོ་ལྷའི་སྙིང་པོས་གཟུངས་འདི་དག་སྨྲས་ནས་བཅོམ་
D239.065.0165b07.01