完整藏文原文 · 德格版页 当前仅加载第 65 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩོན་འགྲུས་དང་ལྡན་ཏེ་དགེ་བའི་ཆོས་ཀུན་ལ་ནན་ཏན་བྱེད་པ་དང་། རྟག་ཏུ་དགོན་པ་ལ་དགའ་ཞིང་ཆོས་ཀྱི་དོན་ཚོལ་བ་ལ་མི་སྐྱོ་བར་སྤྲོ་བའོ། །རིགས་ཀྱི་བུ་རྒྱལ་རིགས་དགེ་བ་ནས་རྗེའུ་རིགས་དང་། དམངས་རིགས་ལ་སོགས་པའི་སྐྱེས་
D239.065.0181a01.01པ་དང་། བུད་མེད་དེ་དག་གནས་པ་དང་སྤྱད་པར་བྱ་བའི་འཁོར་ལོ་བཅུ་པོ་འདི་དག་དང་ལྡན་ན་ཚེ་འདི་ཉིད་ལ་ཉན་ཐོས་ཀྱི་ཐེག་པ་པའི་རིགས་ལས་ལྡོག་ཅིང་ཉམས་པར་མི་འགྱུར་བ་དང་། ཚེ་འདི་ཉིད་ལ་ཉན་ཐོས་ཀྱི་ཐེག་པའི་འཕགས་པའི་ཆོས་མངོན་དུ་གྱུར་པ་
D239.065.0181a02.01དང་ཉན་ཐོས་ཀྱི་འཕགས་པའི་ཆོས་ཀྱི་སྣོད་དུ་གྱུར་ཏེ། རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོའི་འཕགས་པའི་ཆོས་མངོན་དུ་གྱུར་པ་དང་། རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོའི་སྣོད་དུ་འགྱུར་བ་ནི་མ་ཡིན་ནོ། །གཞུང་དེས་རང་
D239.065.0181a03.01སངས་རྒྱས་ཀྱི་ཐེག་པ་དང་། ཐེག་པ་ཆེན་པོ་ཡང་ཤེས་པར་བྱའོ། །རིགས་ཀྱི་བུ་དེ་ལྟར་གནས་པ་དང་སྤྱད་པར་ལྡན་པའི་འཁོར་ལོ་བཅུ་པོ་དེ་དག་ནི་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། སངས་རྒྱས་བཅོམ་ལྡན་
D239.065.0181a04.01འདས་ཐམས་ཅད་ཀྱི་ཐུན་མོང་དུ་ཡོད་པའོ། །རིགས་ཀྱི་བུ་གཞན་ཡང་གནས་པ་དང་སྤྱད་པར་བྱ་བའི་འཁོར་ལོ་རྣམ་པ་བཅུ་ཉན་ཐོས་དང་ཐུན་མོང་མ་ཡིན་པ། རང་སངས་རྒྱས་དང་། བྱང་ཆུབ་སེམས་དཔའ་དང་། སངས་རྒྱས་བཅོམ་ལྡན་འདས་དང་ཐུན་
D239.065.0181a05.01མོང་བ་ཡོད་དོ། །གང་རྒྱལ་རིགས་དགེ་བ་ནས་རྗེའུ་རིགས་དང་། དམངས་རིགས་ལ་སོགས་པའི་སྐྱེས་པ་དང་། བུད་མེད་དེ་དག་གནས་པ་དང་སྤྱད་པར་བྱ་བའི་འཁོར་ལོ་བཅུ་པོ་འདི་དག་དང་ལྡན་ན་ཚེ་འདི་ཉིད་ཀྱིས་རང་སངས་རྒྱས་ཀྱི་ཐེག་པའི་རིགས་ལས་
D239.065.0181a06.01ཀྱང་ཉམས་པར་མི་འགྱུར་བ་དང་། མི་ལྡོག་པ་དང་། ལུས་འདི་ཉིད་ལ་རང་སངས་རྒྱས་ཀྱི་ཐེག་པའི་འཕགས་པའི་ཆོས་རིག་པ་དང་། རང་སངས་རྒྱས་ཀྱི་འཕགས་པའི་ཆོས་ཀྱི་སྣོད་དུ་འགྱུར་རོ། །བཅུ་གང་ཞེ་ན་འདི་ལྟ་སྟེ། ལུས་དང་། ངག་དང་།
D239.065.0181a07.01